1 Ayṯ-Kurinṯ 4:2 - Ṯarifiṯ 2020

² U labud yinni itkellafen itxeṣṣa aḏaysen ṯiȓi ttiqeṯ.

1 Ayṯ-Kurinṯ 4:2 ပူးပေါင်းရင်းမြစ်များ

Matta 25:21

Inna-as siḏes: Ṯeggiḏ mliḥ ay axeddam aṣebḥan, cek ḏayek ȓaman. Ḏayek ȓaman x ḏrus, ȓexxu ac kellfeɣ x waṭṭas. Aḏef aḏ tfarḥeḏ ak siḏec.

Matta 25:23

Inna-as siḏes: Ṯeggiḏ mliḥ ay axeddam aṣebḥan, cek ḏayek ȓaman. Ḏayek ȓaman x ḏrus, ȓexxu ac kellfeɣ x waṭṭas. Aḏef aḏ tfarḥeḏ ak siḏec.

Luqa 12:42

Yarra xas Siḏiṯneɣ inna-as: "Iwa min iƹna uweqqaf nni iǧan ḏ amiɣis ḏayes ȓaman? Netta ḏ wenni ig itkellaf siḏes aḏasen yuc lmakla i ixeddamen nnes ḏi ȓweqṯ nican.

1 Ayṯ-Kurinṯ 4:1

Cuf, ammu itxeṣṣa aḏaneɣ ẓren yiwḏan iƹni neccin ḏ ixeddamen n Lmasiḥ, neccin netkellaf x ṯmesȓayin inuffaren n Arebbi.

1 Ayṯ-Kurinṯ 4:17

X manayenni iy xef kenniw d ssekkiɣ Timutawus. Netta iƹizzen xafi am can memmi, ḏayes ttiqeṯ ḏi Siḏiṯneɣ. Akenniw isfekkar x ibriḏen inu ḏi Lmasiḥ mammec ṯen seȓmaḏeɣ ḏi marra imucan ḏ marra ṯijumaƹ n ȓmuminin.

1 Ayṯ-Kurinṯ 4:3

Nec war ḏayi ithimmi ca aṭṭas meȓa tḥakamem-ayi kenniw niɣ ḏ can lmaḥkama nneɣni. Uȓa ḏ nec war ǧiɣ bu ḏ ȓqaḍi x yixef inu.

1 Ayṯ-Kurinṯ 7:25

Fa ȓexxu aḏ ssiwȓeɣ x ṯḥarmucin war imȓicen ca. War ɣari bu ȓuṣiyeṯ zi Siḏiṯneɣ; Lla qqareɣ manaya s array inu. Teyyqem ḏayi ƹlaḥsab arraḥmeṯ n Siḏiṯneɣ.

2 Ayṯ-Kurinṯ 2:17

Aqa neccin maci am xarebbi n yiwḏan iteggen ttijara ḏeg wawaȓ n Arebbi, neccin ḏi Lmasiḥ nessawaȓ s wuȓ iṣfa zi Arebbi u zzaṯ i Arebbi.

2 Ayṯ-Kurinṯ 4:2

Neccin netbeƹƹaḏ x ṯmesȓayin n ȓefḍiḥeṯ ig itwaxeddmen s ṯnufra. War nesxeddim ca ṯaḥraymiṯ, war netḥerrif ca awaȓ n Arebbi. Neccin zzaṯ i Arebbi nseȓmaḏ lḥaqiqa bȓa ma at nesnuffar. Ammu ɣarsen marra iwḏan ḏi ḍḍamir nsen belli ḏayneɣ ttiqeṯ.

Ayṯ-Kulus 1:7

Amenni iy ṯ ṯȓemḏem zeg wumaṯneɣ Pafras netta ḏ amsexxar iƹizzen ḏi ȓxeḏmeṯ. Ixeddem nican i Lmasiḥ ƹlaḥsab nneɣ.

Ayṯ-Kulus 4:17

Inim-as i Arkippus u labud aḏ tkemmȓeḏ lwajib n ȓxeḏmeṯ iy ṯqebȓeḏ zi Siḏiṯneɣ.

Ayṯ-Kulus 4:7

Umaṯneɣ Tuciq akenniw ixebbar x marra min teggeɣ ḏanita. Netta iƹizz xafi, itsexxar i Arebbi s yijjen n ttiqeṯ. Netta ḏ axeddam itemƹacaren akiḏi ḏi ȓxeḏmeṯ n Siḏiṯneɣ.