1 Ayṯ-Kurinṯ 4:15 - Ṯarifiṯ 2020

¹⁵ Waxxa akiḏwem ƹecraȓaf n lmurebbiyin ḏi Lmasiḥ, war ɣarwem ca aṭṭas n babaṯwem. Liʼanna ḏi Ƹisa Lmasiḥ nec ḏ babaṯwem ḏi Lʼinjil.

1 Ayṯ-Kurinṯ 4:15 ပူးပေါင်းရင်းမြစ်များ

Ayṯ-Ruma 15:20

U nec rezzuɣ aḏ tbeccareɣ ȓebda s Lʼinjil ḏi ṯmura mani war xas tesȓin ca x Lmasiḥ bac war benniɣ ca x ca n dsas ig igga ḥadd nneɣni.

1 Ayṯ-Kurinṯ 1:30

U netta ḏ ssabab iy zi ṯeǧam kenniw ḏi Ƹisa Lmasiḥ. Iggi-ṯ Arebbi netta ḏ ȓefhameṯ nneɣ, iƹni netta ḏayes ṣṣulḥ nneɣ ḏ uṣeffi nneɣ ḏ ufekki nneɣ.

1 Ayṯ-Kurinṯ 15:1

Fa ay ayṯma akenniw sfekkareɣ x Lʼinjil iy zi kenniw beccareɣ, iƹni netta ṯqebȓem-ṯ u mtebṯin xas.

1 Ayṯ-Kurinṯ 3:10

Nec ƹlaḥsab arḍa iy ḏayi yuca Arebbi ggiɣ ijjen n dsas am yijjen n lemƹallem ifsus netta. Yusa-d ijjen nneɣni ibenna x dsas-a. Walakin u labud kuȓ ijjen aḏ yarr ȓbaȓ mammec ɣa ibna x dsas-a.

1 Ayṯ-Kurinṯ 3:6

Nec ẓẓuɣ, Apullus isessew, u ḏ Arebbi iy kenniw iseɣmayen.

1 Ayṯ-Kurinṯ 3:8

Fa wenni iteẓẓun ḏ wenni isessawen ȓxeḏmeṯ nsen ḏ ijjen, kuȓ ijjen aṯ ijaza ƹlaḥsab ȓxeḏmeṯ nnes.

1 Ayṯ-Kurinṯ 9:12

Meȓa iwḏan nneɣni ɣarsen ȓḥaqq nni n ccarḍ aḏasen ṯucem, yak neccin ɣarneɣ ȓḥaqq-a ktar niɣ lla? Walakin neccin nugi a nkessi ȓḥaqq-a wanita. Nṣebbar aṭṭas i ṯmesȓayin bac war netbellaƹ ca ṯawwarṯ i Lʼinjil.

1 Ayṯ-Kurinṯ 9:14

Amenni uȓa ḏ yinni itbeccaren s Lʼinjil, yumar xasen Siḏiṯneɣ aḏ kessin ccarḍ nsen zi Lʼinjil.

1 Ayṯ-Kurinṯ 9:16

Walakin meȓa tbeccareɣ, war zemmareɣ aḏ ftaxreɣ liʼanna itxeṣṣa-ayi u labud aḏ beccareɣ. Ya tamara xafi nec maƹlik war tbeccareɣ ca!

1 Ayṯ-Kurinṯ 9:18

Iḏen, min iƹna ccarḍ inu? Ccarḍ inu ḏ wa: Xmi tbeccareɣ s Lʼinjil tqeddameɣ-ṯ baṭeȓ iƹni maci ƹlaḥsab ȓḥaqq n ccarḍ-a iy ɣari ḏi Lʼinjil.

1 Ayṯ-Kurinṯ 9:23

Nec teggeɣ marra manaya ƹlaḥsab Lʼinjil ḥima aḏ carceɣ ḏi lbarakaṯ nnes.

2 Ayṯ-Kurinṯ 4:5

War netbeccir ca s yixef nneɣ, netbeccar s Ƹisa Lmasiḥ iƹni netta ḏ Siḏiṯneɣ. U neccin ḏ ixeddamen nwem ƹlaḥsab Ƹisa.

Ayṯ-Galaṭya 3:24

S manayenni Ccariƹa n Musa tuɣa trebba-yaneɣ ḥetta aȓ wami d yusa Lmasiḥ u ssenni iy ɣa nmeṣȓaḥ ak Arebbi s lʼiman.

Ayṯ-Galaṭya 3:25

Ȓexxu wami ṣafi imeḍhar-d lʼiman, war ṯeqqim ca Ccariƹa n Musa trebba-yaneɣ.

Ayṯ-Galaṭya 4:19

A ṯarwa inu, kessiɣ xawem ijjen n umnus ƹaweḏ amecnaw ȓeḥriq n ṯarwa ḥetta aȓ d ixȓeq Lmasiḥ ḏaywem!

2 Timutawus 4:3

Aqa aḏ d tas ȓweqṯ nni niṯni war tṣenniṭen ca ɣar ttaƹlim nican; aɣarsen d smunen ijjen n lƹadad n imseȓmaḏen ssawaȓen ɣir min ḏasen iƹejben i imejjan nsen waha.

Titus 1:4

Tariɣ ṯabrat-a i Titus wenni iy iǧan am memmi ḏ ṣṣaḥ ḏi lʼiman-a iy ḏi ncarrec. Akiḏec yiȓi arḍa ḏ ȓehna zi Arebbi Babaṯneɣ ḏ Ƹisa Lmasiḥ wenni iy ḏaneɣ isnejmen.

Filimun 1:19

Qa nec ḏ Bulus tariɣ manaya s ufus inu: Aḏac ṯ xeǧseɣ nec. Bȓa ma aḏac iniɣ qa ttarseɣ-ac uȓa ḏ ṯuḏarṯ nnec.

Yaƹqub 1:18

Wami ixes netta, ikkar yarra-aneɣ ḏ ṯarwa nnes iy d ijja s wawaȓ n lḥaqiqa ḥima a niȓi neccin ḏ imezwura zi min d ixȓeq.

1 Buṭrus 1:23

Aqa twaxeȓqem-d ḏ jḏiḏ maci zeg yijjen n zzarriƹeṯ ifennan; Lla, ṯenni war ifennin ca ƹemmarṣ, s wawaȓ n Arebbi iddaren itdumman.