1 Ayṯ-Kurinṯ 4:12 - Ṯarifiṯ 2020

¹² Neccaṯ tamara, nxeddem s ifassen nneɣ. Meȓa niṯni tzebbaȓen ḏayneɣ, neccin netbarrak-iṯen. Meȓa niṯni tƹeddaben-aneɣ, neccin nṣebbar.

1 Ayṯ-Kurinṯ 4:12 ပူးပေါင်းရင်းမြစ်များ

Matta 5:11

Ssaƹḏ nwem meȓa tzawaren-kenniw, ƹeddben-kenniw, niɣ nnan ḏaywem ȓƹib s ixarriqen x ssabab inu.

Matta 5:44

Walakin qqareɣ-awem nec: Xseṯ ȓƹaḏyan nwem, ttareṯ i Arebbi x yinni kenniw itƹeddaben,

Luqa 23:34

Inna Ƹisa: "A Baba, ɣfar iwḏan-a qa war ssinen ca min teggen." Ȓƹaskar nni ggin lqurƹa x warruḍ nnes ḥima kuȓ ijjen min ɣa iysi.

Luqa 6:28

Barkeṯ wenni iy kenniw ineƹȓen, ttareṯ i Arebbi x yinni kenniw itƹeddaben.

Yuḥanna 15:20

Fekkareṯ ḏeg wawaȓ iy ḏawem nniɣ iƹni axeddam war iǧi ca ḏ ameqqran zeg uweqqaf nnes. Meȓa ƹeddben-ayi, ataf akenniw ƹeddben. Meȓa sȓin i wawaȓ inu, ataf aḏ sȓen ƹaweḏ i wawaȓ nwem.

Ȓexḏayem 20:34

Kenniw ṯessnem nec tuɣa xeḏmeɣ s ifassen inu bac aɣari yiȓi min ḥḏajeɣ nec ḏ min ḥḏajen yinni akiḏi.

Ȓexḏayem 7:60

Iwḍa x ifadden inna-as s jjheḏ: "A Siḏi, war xasen ḥesseb ca ȓmuƹṣiyeṯ-a!" Wami inna manaya ṣafi iffeɣ-iṯ buḥbeȓ nnes.

Ayṯ-Ruma 12:14

Barkeṯ i yinni kenniw itƹeddaben, barkeṯ war ṯen neƹƹȓem ca.

Ayṯ-Ruma 12:20

Lƹaks: Ȓaƹḏu nnec meȓa iǧuz, uc-as aḏ icc. Meȓa iffuḏ, uc-as aḏ isew. U mayemmi? Meȓa ṯeggiḏ-as ammu, axmi ṯserɣeḏ-as ȓefḥam x uzeǧif nnes.

Ayṯ-Ruma 8:35

Wi ḏaneɣ ɣa iƹezȓen zi ȓemḥibbeṯ n Lmasiḥ? Uȓa ḏ ijjen! Ȓa ḏ azeyyar, ȓa ḏ tamara, ȓa ḏ aƹeddeb, ȓa ḏ buheyyuf, ȓa ḏ ṯuƹaryant, ȓa ḏ lxaṭar, uȓa ḏ ssif.

1 Ayṯ-Kurinṯ 9:6

Ma nec ḏ Barnaba waheḏneɣ iy war ɣar iǧi ȓḥaqq ḏi ccarḍ, ma itxeṣṣa-yaneɣ i neccin a nexḏem ḏi can ȓḥajeṯ nneɣni bac a nƹic?

2 Ayṯ-Kurinṯ 11:8

Nec jemƹeɣ-d tmenyaṯ zi ṯjumaƹ nneɣni n ȓmuminin qebȓeɣ zzaysen manayenni bac akiḏwem xeḏmeɣ.

Ayṯ-Ufasus 4:28

Wenni ig itacaren labud aḏ ibeƹƹeḏ zi ṯukkarḏa nni, aḏ ixḏem ijjen n ȓxeḏmeṯ ḏ ṯaṣebḥant s ifassen nnes bac aḏ iƹawen zzayes wenni iteḥḏajen.

1 Ayṯ-Salunik 2:9

Ay ayṯma, aqa ṯƹeqȓem x ȓxeḏmeṯ nneɣ qa neccin nuwṯa xas tamara. Wami kenniw netbeccar s Lʼinjil n Arebbi, qa nxeddem ǧiȓeṯ ḏ nhar bac war netbessiȓ ca x can ḥadd zzaywem.

2 Ayṯ-Salunik 3:8

War necci bu uɣrum ak ḥadd baṭeȓ. Lla, nxeddem ǧiȓeṯ ḏ nhar, neccaṯ tamara nrebbeȓ bac war netbessiȓ x ḥadd zzaywem.

1 Timutawus 4:10

X manaya neccin nxeddem nrebbeȓ liʼanna negga lʼamal nneɣ ḏi Arebbi iddaren wenni isenjamen marra iwḏan xaṣṣatan ḏ yinni itamnen.

1 Buṭrus 2:23

Wami tuɣa xas tbuṣaren, netta war xasen d yarri ca abuṣar nsen. Wami tuɣa ṯ tƹeddaben, netta war ṯen iheddeḏ ca; Lla, netta isellem ixef nnes ḏeg ifassen n wenni iteḥkamen nican.

1 Buṭrus 3:14

Walakin waxxa ṯetwaƹeddbem meȓa ṯeggim ȓḥaqq, aḏ yiȓi ḏ ssaƹḏ nwem. War teggwḏem ca zeg yiwḏan, war ṯen tejjam ca akenniw sḏehcen.

1 Buṭrus 3:9

War tarraṯ ca ccarr s ccarr nneɣni niɣ ȓƹib s ȓƹib nneɣni. Lla, barkeṯ inneɣni, mayemmi? Minzi iȓaɣa-d xawem i manaya bac aḏ txaȓsem s yijjen n lbaraka.

1 Buṭrus 4:19

Falihaḏa yinni itwaƹeddaben s array n Arebbi, itxeṣṣa-yasen aḏ sellmen ȓaƹmar nsen ḏeg ifassen n Lxaliq nsen netta iy ḏi ṯeǧa ttiqeṯ, aḏ qqimen teggen min iǧan ḏ aṣebḥan.

Yahuḏa 1:9

Walakin min igga lmalak ameqqran Mikaʼil wami imneɣ ak Ibȓis imnaqar akiḏes x ddat immuṯen n Musa? Waxxa ḏ Mikaʼil-a war izƹim ca aḏ yini ca n wawaȓ war iḥȓin x Ibȓis, yenna-as cek ac inha Siḏi Arebbi!