1 Ayṯ-Kurinṯ 3:9 - Ṯarifiṯ 2020

⁹ Liʼanna neccin ncarrec ak Arebbi ḏi ȓxeḏmeṯ-a. Kenniw ḏ amarjeƹ nnes ḏ ȓebni nnes.

1 Ayṯ-Kurinṯ 3:9 ပူးပေါင်းရင်းမြစ်များ

Matta 15:13

Indeq-d Ƹisa inna-asen: "Kuȓ arbiƹ war ṯ iẓẓu ca Baba iǧan ḏeg ujenna aḏ ineqȓeƹ s iẓewran nnes.

Matta 16:18

Nec ƹaweḏ aqa qqareɣ-ac: Cek ḏ Buṭrus, iƹni ḏ 'Azru.' X uzru-ya aḏ bniɣ nec jmaƹṯ n ȓmuminin inu, ṯiwwura n Ljaḥim war zzayes tiwint walu!

Matta 9:37

Inna-asen i imeḥḍaren nnes: "Ṯafeǧaḥṯ aṭṭas walakin ḏrus icewwaren iy ɣa ixeḏmen.

Marqus 16:20

Niṯni ffɣen beccaren iwḏan ḏi mkuȓ amcan. Siḏiṯneɣ aqaṯ akiḏsen, ismeḍhar-d ȓḥaqq n yinni itbeccaren s waṭṭas n lƹalamaṯ iy ṯen iḏeffaren.}

Ȓexḏayem 4:11

Ƹisa-ya netta ḏ azru nni iy ṯƹiffem kenniw ibennayen. Ȓexxu iḏweȓ ḏ azru aṣebḥan aqaṯ ḏi ṯɣemmarṯ n dsas.

1 Ayṯ-Kurinṯ 3:16

Ma war ṯessinem ca belli ḏ kenniw iy iǧan ḏ ṯamziḏa n Arebbi, izeddeɣ ḏaywem Arruḥ n Arebbi?

1 Ayṯ-Kurinṯ 3:6

Nec ẓẓuɣ, Apullus isessew, u ḏ Arebbi iy kenniw iseɣmayen.

1 Ayṯ-Kurinṯ 6:19

Niɣ ma war ṯessinem ddat nwem nettaṯ ḏ ṯamziḏa n Arruḥ iqeddsen ig izeddɣen ḏaywem? Iwa ɣarwem Arruḥ-a zi Arebbi. Kenniw war trayim ca x yixef nwem

2 Ayṯ-Kurinṯ 6:1

Fa neccin ig ixeddmen ak Arebbi ntettar i kenniw neqqar-awem: Maci aḏ tqebbȓem arḍa n Arebbi war zzayes ṯxeddmem ca.

2 Ayṯ-Kurinṯ 6:16

Min ṯcarrec ṯemziḏa ṯameqqrant n Arebbi ak lʼaṣnam? Walu. Cuf, neccin iy iǧan ḏ ṯamziḏa n Arebbi iddaren. Amenni iqqar Arebbi:

Ayṯ-Ufasus 2:10

Liʼanna neccin ḏ ȓxeḏmeṯ n Siḏi Arebbi, ixȓeq-aneɣ-d ḏi Ƹisa Lmasiḥ bac a negg ȓexḏayem ṯiṣebḥanin. Niṯenti isewjeḏ-aneɣ-ṯent-id Arebbi zi qbeȓ bac aṯent nexḏem.

Ayṯ-Kulus 2:7

Itxeṣṣa-kenniw aḏ tiȓim ṯebnam x ḏsas nnes mliḥ, aḏ tiȓim ṯjehḏem ḏi lʼiman nwem mammec iy kenniw seȓmaḏen, aḏ tiȓim tenfeyyaḍem s ccuker.

1 Timutawus 3:15

Meȓa ṭewwleɣ aṭṭas war ḏinni d usiɣ ca, ataf aḏ tessneḏ cek mamc iy ɣa suguren yiwḏan ixef nsen ḏi ṯeddarṯ n Arebbi iƹni jmaƹeṯ n ȓmuminin n Arebbi iddaren ḏ nettaṯ iy iǧan ḏ apilar ḏ dsas n lḥaqiqa.

Iƹibraniyen 3:6

Walakin Lmasiḥ netta ḏ Mmis iḥekkem x ayṯbab n ṯeddarṯ n Arebbi, itkellaf zzaysen nican. U neccin ḏ ayṯbab-a n ṯeddarṯ nnes iƹni meȓa neṭṭef mliḥ ḏi zƹameṯ nneɣ u ḏi lʼamal nneɣ iy xef nteftaxar.

1 Buṭrus 2:5

uȓa ḏ kenniw ƹaweḏ am ca n yizra iddaren zzaywem iy ṯbenna ijjen n ṯeddarṯ n Arruḥ iqeddsen. Ḥima aḏ tiȓim kenniw ḏ ijjen n jmaƹeṯ n ȓfuqaha ṣṣaliḥin, tqeddamem dbiḥaṯ rruḥiyaṯ yarḍa xasent Arebbi s ufus n Ƹisa Lmasiḥ.

3 Yuḥanna 1:8

S manaya itxeṣṣa u labud a nƹawen awmaṯen-a am yina bac a nexḏem ak wayawya ƹlaḥsab lḥaqiqa.