1 Ayṯ-Kurinṯ 3:5 - Ṯarifiṯ 2020

⁵ Iwa min iƹna Apullus? Min iƹna Bulus? Neccin ḏ ixeddamen waha, ṯumnem x ufus nneɣ mammec ḏaneɣ d yuca Siḏi Arebbi a nexḏem.

1 Ayṯ-Kurinṯ 3:5 ပူးပေါင်းရင်းမြစ်များ

Matta 25:15

Yuca-asen ƹlaḥsab min umi zemmaren. Ijjen yuca-as xemsaȓaf n ȓuznaṯ n nnuqarṯ. Ijjen yuca-as aȓefayen. Ijjen yuca-as aȓaf. Ssenni iruḥ netta aḏ isafer.

Luqa 1:2

Urin nican ƹlaḥsab mamc ḏaneɣ xbaren ȓechuḏ ḏ ixeddamen n wawaȓ n Arebbi iǧan ḏeg umezwaru.

Yuḥanna 3:27

Inna-asen Yaḥya: "War izemmar bnaḏem aɣares ṯiȓi can ṯmesȓayṯ meȓa war ḏas d tusi ca zi Arebbi.

Ȓexḏayem 18:24

Ijjen n uʼisraʼili qqaren-as Apulus netta ixȓeq ḏi ṯendint n Iskandariya, yusa-d ɣar ṯendint n Ufasus. Netta ifsus ḏeg wawaȓ iɣra aṭṭas ḏi Lkutub.

Ȓexḏayem 19:1

Apulus wami iǧa ḏi ṯendint n Kurinṯ ḏi lʼiqlim n Uxaya, ikkar arrasul Bulus ikka x ubriḏ n iḏurar yuweḍ ɣar ṯendint n Ufasus. Yufa ḏinni can imeḥḍaren

1 Ayṯ-Kurinṯ 12:28

Ḏi jmaƹeṯ-a n ȓmuminin iretteb Arebbi ḏ amezwaru arrusul, wis ṯnayen lʼanbiya, wis ṯȓaṯa imseȓmaḏen, menbaƹd yinni isxeddamen lmuƹjizaṯ ḏ yinni ɣar ǧant lqudraṯ bac aḏ sgenfan iwḏan, ḏ yinni itƹawanen, ḏ yinni itkellafen s ȓxeḏmeṯ, ḏ yinni issawaȓen s ȓebƹaḍ n lluɣaṯ ruḥiyaṯ.

1 Ayṯ-Kurinṯ 16:12

U ƹlaḥsab umaṯneɣ Apullus, ttareɣ zzayes aṭṭas ḥima aɣarwem d yas ak ayṯmaṯneɣ nneɣni walakin netta yugi aɣarwem d yas ȓexxu. Aɣarwem d yas axmi aɣares ṯiȓi ijjen n lfurṣa.

1 Ayṯ-Kurinṯ 3:10

Nec ƹlaḥsab arḍa iy ḏayi yuca Arebbi ggiɣ ijjen n dsas am yijjen n lemƹallem ifsus netta. Yusa-d ijjen nneɣni ibenna x dsas-a. Walakin u labud kuȓ ijjen aḏ yarr ȓbaȓ mammec ɣa ibna x dsas-a.

1 Ayṯ-Kurinṯ 3:7

Wenni iteẓẓun ḏ wenni isessawen niṯni war ǧin ḏ walu. Wenni iǧan netta ḏ Arebbi iƹni netta iseɣmayen.

1 Ayṯ-Kurinṯ 9:17

Meȓa tbeccareɣ s ȓxaḍar inu, ataf aḏayi ijaza Arebbi. Meȓa war iǧi bu s ȓxaḍar inu, iƹni ataf teggeɣ ijjen n lmesʼuliya bezzez xafi waha.

2 Ayṯ-Kurinṯ 11:23

Meȓa niṯni ḏ ixeddamen n Lmasiḥ, uȓa ḏ nec ḥsen ƹaḏ ḏ axeddam n Lmasiḥ (ssawaȓeɣ zaƹma s ṯubbuhȓiya-ya). Nec ccaṯeɣ tamara ktar zzaysen, ḥebbsen-ayi ktar zzaysen, uwṯin-ayi s usɣun ktar zzaysen. Nec mecḥaȓ n ṯwaȓaṯin twajaheɣ ȓmewṯ.

2 Ayṯ-Kurinṯ 3:3

Ṯbanem-d belli kenniw am yijjen n ṯebrat zi Lmasiḥ, nessiweḍ-it neccin. War ṯuri ca s smex, ṯura s Arruḥ n Arebbi iddaren. War ṯenqic ca ḏi ṯeȓwiḥin n uzru, ṯenqec ḏi ṯeȓwiḥin n wuȓ n bnaḏem.

2 Ayṯ-Kurinṯ 3:6

Ḏ netta iy ḏaneɣ yucin ṯizemmar-a bac a niȓi ḏ ixeddamen n yijjen n Ȓƹaheḏ ḏ jḏiḏ. Ȓƹaheḏ-a maci s ccariƹa; Lla, ȓƹaheḏ-a s Arruḥ n Arebbi. Liʼanna ccariƹa ṯneqq, Arruḥ n Arebbi netta iseddar.

2 Ayṯ-Kurinṯ 4:1

S manaya, war ntefciȓ ca minzi ɣarneɣ ȓƹaheḏ-a wanita s arraḥmeṯ n Arebbi.

2 Ayṯ-Kurinṯ 4:5

War netbeccir ca s yixef nneɣ, netbeccar s Ƹisa Lmasiḥ iƹni netta ḏ Siḏiṯneɣ. U neccin ḏ ixeddamen nwem ƹlaḥsab Ƹisa.

2 Ayṯ-Kurinṯ 4:7

Fa ȓkenz-a wanita aqaṯ ɣarneɣ ḏeg iɣerrafen n ucaȓ iƹni ḏi ddat nneɣ, bac aḏ d imeḍhar belli jjheḏ-a ameqqran aṭṭas itas-d zi Arebbi maci zzayneɣ.

2 Ayṯ-Kurinṯ 5:18

Manaya marra zi Arebbi, isemṣȓaḥ-aneɣ akiḏes s Lmasiḥ yuca-aneɣ-d a nbeccar s ȓƹaheḏ n ṣṣulḥ.

2 Ayṯ-Kurinṯ 6:1

Fa neccin ig ixeddmen ak Arebbi ntettar i kenniw neqqar-awem: Maci aḏ tqebbȓem arḍa n Arebbi war zzayes ṯxeddmem ca.

2 Ayṯ-Kurinṯ 6:4

Innama, neccin netqeddam-awem ixef nneɣ s marra minzi neccin ḏ ixeddamen n Arebbi: Iƹni nṣebbar aṭṭas; tekkent xaneɣ ȓemḥayen ḏ tamara ḏ uziyyar;

Ayṯ-Ufasus 3:7

Ḏewȓeɣ ḏ axeddam n Lʼinjil-a ƹlaḥsab lbaraka n Arebbi wami ḏayi t ihḏa isexḏem-it s jjheḏ nnes.

Ayṯ-Kulus 1:23

Walakin labud aḏ teqqimem ḏi lʼiman nwem nican aḏ tbeddem x dsas, war ṯsemmḥem ca ḏi lʼamal n Lʼinjil tuɣa iy tesȓim. Lʼinjil-a twabeccarent zzayes qaƹ ṯimesȓayin itwaxeȓqen swadday ujenna, u nec Bulus ḏewȓeɣ ḏ axeddam nnes.

Ayṯ-Kulus 1:25

Jmaƹeṯ-a ḏewȓeɣ ɣares nec ḏ ijjen n uxeddam nnes ƹlaḥsab lwajib nni zi Arebbi iy ḏayi d immucen bac akenniw beccareɣ s wawaȓ ikmaȓ n Arebbi.

1 Timutawus 1:12

Tcekkareɣ Siḏiṯneɣ Ƹisa Lmasiḥ wenni iy ḏayi yucin jjheḏ nnes yufa ḏayi ttiqeṯ isiḏef-ayi ɣar ȓxeḏmeṯ nnes.

1 Buṭrus 4:10

Itxeṣṣa-yas i mkuȓ ijjen aḏ isexḏem lqudra nni iy ḏas immucen ak yiwḏan. Aḏ isexḏem nican lbaraka n Arebbi iy zi itkellaf kuȓ nnuƹ nnes.