1 Ayṯ-Kurinṯ 3:12 - Ṯarifiṯ 2020

^12-13 Ijjen, meȓa ibna x dsas-a s ddheb niɣ s nnuqarṯ niɣ s ṯizra ṯiṣebḥanin niɣ s ukeccuḍ niɣ s arbiƹ niɣ s urum, ataf ȓxeḏmeṯ nnes aḏ d tban, iƹni Yum Lḥisab ḏ Lƹiqab iy d ɣa ismeḍhar manaya. U ƹaweḏ manaya aṯid ṯesmeḍhar ijjen n ṯmessi u ṯimessi-ya aḏ tṣaḥḥeḥ man nnuƹ n ȓxeḏmet iy igga mkuȓ ijjen.

1 Ayṯ-Kurinṯ 3:12 ပူးပေါင်းရင်းမြစ်များ

Ȓexḏayem 20:30

Ƹaweḏ zzaywem aḏ d meḍharen can iṯarrasen aḏ sƹewwjen lḥaqiqa ḥima aḏ jarren ɣarsen imeḥḍaren.

Ayṯ-Ruma 16:17

Ay ayṯma, tettareɣ zzaywem aḏ teḥḍam ixef nwem zeg yinni iferrqen ȓmuminin x wayawya teggen-awem min isefciȓen, iƹni ḍed ṯɣuri nni iy ṯȓemḏem kenniw. Beƹƹḏeṯ xasen x yina.

1 Ayṯ-Kurinṯ 3:11

War ḏinni ḥadd izemmar aḏ igg ijjen n dsas nneɣni x wenni ḏinni itwaggen, u ḏsas-a wanita ḏ Ƹisa Lmasiḥ.

2 Ayṯ-Kurinṯ 2:17

Aqa neccin maci am xarebbi n yiwḏan iteggen ttijara ḏeg wawaȓ n Arebbi, neccin ḏi Lmasiḥ nessawaȓ s wuȓ iṣfa zi Arebbi u zzaṯ i Arebbi.

2 Ayṯ-Kurinṯ 4:2

Neccin netbeƹƹaḏ x ṯmesȓayin n ȓefḍiḥeṯ ig itwaxeddmen s ṯnufra. War nesxeddim ca ṯaḥraymiṯ, war netḥerrif ca awaȓ n Arebbi. Neccin zzaṯ i Arebbi nseȓmaḏ lḥaqiqa bȓa ma at nesnuffar. Ammu ɣarsen marra iwḏan ḏi ḍḍamir nsen belli ḏayneɣ ttiqeṯ.

Ayṯ-Kulus 2:8

Arrem-d ȓbaȓ nwem uȓa ḏ ijjen ma izemmar akenniw isxarweḍ s lfelsafa niɣ s uɣeddaȓ nni ixwan ƹlaḥsab ttaqalid n bnaḏem niɣ ƹlaḥsab lqawanin iqḏimen n ddunect-a qa maci ƹlaḥsab Lmasiḥ.

1 Timutawus 6:3

Meȓa can uryaz iseȓmeḏ can ȓḥajeṯ nneɣni war itifiq ca ak wawaȓen nican n Siḏiṯneɣ Ƹisa Lmasiḥ ḏ ttaƹlim x lʼiman,

2 Timutawus 2:20

Cuf, ijjen n ṯeddarṯ ṯaṣebḥant war ḏayes ca ɣir ȓeqcuƹ n ddheb niɣ ḏ nnuqarṯ waha; Lla, ḏayes uȓa ḏ ȓeqcuƹ n ukeccuḍ ḏ ucaȓ. Ȓebƹaḍiṯ twasteƹmalen i min iǧan ḏ ccan, ȓebƹaḍiṯ twasteƹmalen i min iǧan ƹadi waha.

2 Timutawus 3:13

Amma iryazen iƹeffanen ḏ iryazen icemmaṯen niṯni aḏ arnin ḏi ṯuƹuffna waha, niṯni aḏ cemmṯen aḏ twacemmṯen.

2 Timutawus 3:7

Ȓebda tesȓant ɣar ttaƹlim walakin ƹemmarṣ aḏ awḍent aḏ ssnent lḥaqiqa.

2 Timutawus 4:3

Aqa aḏ d tas ȓweqṯ nni niṯni war tṣenniṭen ca ɣar ttaƹlim nican; aɣarsen d smunen ijjen n lƹadad n imseȓmaḏen ssawaȓen ɣir min ḏasen iƹejben i imejjan nsen waha.

Iƹibraniyen 13:9

Arrem-d ȓbaȓ nwem bac war tḏeffarem ca lʼanwaƹ n useȓmeḏ feckel. Cuf, ḏ lemliḥ aḏ ijheḏ wuȓ nneɣ s arḍa maci s lmakla ddiniya, yinni iy t itetten war zzayes stenfiƹen ca.

1 Buṭrus 1:7

Ȓemḥayen-a usint-id bac aḏ d smeḍharent illa lʼiman nwem netta aqaṯ ḏ ṣṣaḥ; netta isewwa ktar zi ddheb ig ifennan waxxa itwassiṣfa ḏi ṯmessi. Ḥima lʼiman nwem aṯ cekkaren aḏayes yiȓi ccan ḏ lqima xmi d ɣa imeḍhar Ƹisa Lmasiḥ.

Lwaḥi 2:14

Walakin ƹeyybeɣ xac can ṯmesȓayin wami akiḏec can iwḏan iy tbaƹen ttaƹlim n Balƹam. Netta tuɣa iseȓmaḏ-as i Barak mammec ɣa igg ṯaxcebṯ i Ayṯ-Israʼil bac aḏ ccen dbiḥeṯ itqeddamen i lʼaṣnam aḏ fesḏen.

Lwaḥi 21:18

Ȓḥiḍ nnes ibna s ṯezra n lyaceb, ṯandint ṯebna s ddheb iṣfan amecnaw jjaj iṣfan.

Lwaḥi 3:18

Qa nec neṣṣḥeɣ-cek axafi ṯesɣeḏ ddheb itwaṣfan s ṯmessi ḥima aḏ tdewȓeḏ ḏ ttajar. Seɣ ƹaweḏ arruḍ ḏ acemȓaȓ ḥima aḏ tesarḍeḏ ixef nnec zi ṯuƹaryant nnec ƹaweḏ ḏ can ddwa ḥima aḏ tesgenfiḏ ṯiṭṭawin nnec ataf twaȓiḏ.