1 Ayṯ-Kurinṯ 3:10 - Ṯarifiṯ 2020

¹⁰ Nec ƹlaḥsab arḍa iy ḏayi yuca Arebbi ggiɣ ijjen n dsas am yijjen n lemƹallem ifsus netta. Yusa-d ijjen nneɣni ibenna x dsas-a. Walakin u labud kuȓ ijjen aḏ yarr ȓbaȓ mammec ɣa ibna x dsas-a.

1 Ayṯ-Kurinṯ 3:10 ပူးပေါင်းရင်းမြစ်များ

Matta 24:45

Min iƹna uxeddam iy iǧan ḏ amiɣis, ḏayes ȓaman? Netta ḏ wenni ig itkellaf siḏes aḏasen yuc macca i ixeddamen nnes ḏi ȓweqṯ nican.

Matta 7:24

Marra wenni itsȓan i wawaȓ inu ixeddem zzayes, netta am yijjen n bnaḏem ḏ amiɣis ibna ṯaddarṯ nnes x uzru.

Luqa 11:35

Ḥḍa ixef nnec mliḥ ḥima nnur iy ḏayek war itḏewwiȓ ca ḏ ṯaǧest.

Luqa 21:8

Inna-asen: "Ḥḍam ixef nwem ḥima war kenniw ixeddeƹ ḥadd. Aṭṭas iy d ɣa yasen s yisem inu zaƹma aḏ inin qa nec ḏ Lmasiḥ! Ƹaweḏ aḏawem inin qa ȓweqṯ ṯuweḍ-d! Walakin kenniw itxeṣṣa war ṯen teḏfirem ca.

Ȓexḏayem 18:27

Wami ixes Apulus aḏ isafer ɣar lʼiqlim n Uxaya, cejjƹen-ṯ ayṯmas urin-asen ijjen n ṯebrat i imeḥḍaren nni n ḏinni bac azzayes reḥben. Wami yuweḍ ɣar lʼiqlim nni iƹawen aṭṭas yinni yumnen s arḍa n Arebbi.

Ayṯ-Ruma 1:5

Aqa zi Ƹisa u x ssabab n yisem nnes igga ḏayi Arebbi lbaraka ḥima aḏ iȓiɣ ḏ arrasul, aḏ beccareɣ iwḏan zi marra ȓegnus azzayes amnen aḏas ṭaƹen.

Ayṯ-Ruma 12:3

Fa s lbaraka iy ḏayi yuca Arebbi qqareɣ i mkuȓ ijjen zzaywem: War ḥesseb ca ixef nnec ktar zi min ṯeƹniḏ. Cek fekkar s ȓaƹqeȓ nnec ƹlaḥsab mecḥaȓ n lʼiman iy ḏac yuca Arebbi.

Ayṯ-Ruma 15:15

Walakin zeƹmeɣ uriɣ ṯabrat-a ɣarwem x ȓebƹaḍ n ṯmesȓayin ḥima war ṯent tettum ca. Liʼanna nec teggeɣ ȓxeḏmeṯ n ȓefqi tbeccareɣ s wawaȓ n Arebbi s lbaraka nni iy ḏayi yuca bac aḏ iȓiɣ ḏ axeddam n Ƹisa Lmasiḥ i kenniw war iǧin ca zi Ayṯ-Israʼil. Ḥima akenniw qeddmeɣ am yijjen n ṣṣeḏqeṯ ṯeṣfa s Arruḥ iqeddsen ḥima at iqbeȓ Arebbi.

Ayṯ-Ruma 15:20

U nec rezzuɣ aḏ tbeccareɣ ȓebda s Lʼinjil ḏi ṯmura mani war xas tesȓin ca x Lmasiḥ bac war benniɣ ca x ca n dsas ig igga ḥadd nneɣni.

1 Ayṯ-Kurinṯ 3:11

War ḏinni ḥadd izemmar aḏ igg ijjen n dsas nneɣni x wenni ḏinni itwaggen, u ḏsas-a wanita ḏ Ƹisa Lmasiḥ.

1 Ayṯ-Kurinṯ 9:2

Meȓa war ǧiɣ ḏ arrasul i can yiwḏan nneɣni, ataf i kenniw iy ɣa ǧiɣ ḏ arrasul. Liʼanna kenniw ḏ ddalil igga-ayi nec Siḏiṯneɣ ḏ arrasul.

2 Ayṯ-Kurinṯ 10:15

War nteftaxar ca s ȓxeḏmeṯ iy ggin midden iƹni bac a nawi ccan nnes; Lla, neccin netmenna aḏ tarnim ḏi lʼiman nwem bac ƹaweḏ lḥudud nneɣ akiḏwem itmarni.

Ayṯ-Ufasus 2:20

Ṯaddarṯ-a nettaṯ ṯebna x dsas n yizra iy iǧan ḏ arrusul ḏ lʼanbiya. U Lmasiḥ s yixef nnes aqaṯ ḏ azru nni iy iǧan ḏeg umcan aṣebḥan ḏi ṯɣemmarṯ n dsas nnes.

Ayṯ-Kulus 1:29

X manaya nec xeddmeɣ, taḥȓeɣ ḏi ȓxeḏmeṯ-a s marra jjheḏ nni n Lmasiḥ netta isxeddam-ayi s ṯzemmar nnes.

Ayṯ-Kulus 4:17

Inim-as i Arkippus u labud aḏ tkemmȓeḏ lwajib n ȓxeḏmeṯ iy ṯqebȓeḏ zi Siḏiṯneɣ.

1 Timutawus 4:16

Xzar ḏi ṯuḏarṯ nnec ḏ ṯmesȓayin iy ṯseȓmaḏeḏ, arni ḏaysent. Liʼanna meȓa ṯeggiḏ manaya aḏ tesnejmeḏ ixef nnec ḏ yinni iy ḏac itsȓan.

2 Timutawus 2:15

Egg lmejhud nnec bac aḏ tseḥḍareḏ ixef nnec ɣar Arebbi am yijjen ɣares iǧan meqbul, iƹni am yijjen n uxeddam war ɣares minxef iy ɣa iseḏḥa itfessar nican awaȓ n lḥaqiqa.

Yaƹqub 3:1

Ay ayṯma, itxeṣṣa war zzaywem itiȓi bu aṭṭas n imseȓmaḏen, aqa ṯessnem belli neccin imseȓmaḏen ataf axaneɣ izeyyar Arebbi ḏi lḥisab.

1 Buṭrus 4:11

Wenni umi immuc aḏ issiweȓ itxeṣṣa-yas aḏ issiweȓ am wenni issawaȓen awaȓen n Arebbi. Wenni umi immuc aḏ ixḏem itxeṣṣa-yas aḏ ixḏem am wenni ixeddmen s jjheḏ ig iticc Arebbi. Ḥima s marra ṯimesȓayin-a aḏ itwaḥmeḏ Arebbi s ufus n Ƹisa Lmasiḥ. Aɣares ṯiȓi lƹaḍama ḏ ȓeḥkam i ȓebda n ȓebdaṯ. Amin.

2 Buṭrus 3:15

Ḥesbem ṣṣbar n Siḏiṯneɣ netta am yijjen n ȓḥajeṯ iy kenniw isenjamen. Ḏ manaya iy ḏawem d yura umaṯneɣ iƹizzen Bulus s ȓefhameṯ iy ḏas d immucen.

Lwaḥi 21:14

Ȓḥiḍ n ṯendint ibedd x ṯenƹac n dsasaṯ, yura xasen isemawen n ṯenƹac n arrusul n Yizmar.

Lwaḥi 21:19

Dsasaṯ n ȓḥiḍ n ṯendint zewwqen s mkuȓ nnuƹ n ṯezra ṯiṣebḥanin. Dsas amezwaru netta ḏ ṯazrut n lyaceb, dsas wis ṯnayen ḏ lyaqut azeyza, dsas wis ṯȓaṯa ḏ lƹaqiq acemȓaȓ, dsas wis arbeƹa ḏ ṯazrut ṯazeyzawṯ n zzumurrud,