1 Ayṯ-Kurinṯ 2:7 - Ṯarifiṯ 2020

⁷ Lla, neccin nessawaḍ ijjen n ȓefhameṯ ḏayes ȓmaƹna inuffaren n Arebbi ḏ min itwasnuffaren. Izemmem-it Arebbi qbeȓ ma aḏ d ṯexȓeq ȓweqṯ qaƹ ḥima neccin a netwasemɣar.

1 Ayṯ-Kurinṯ 2:7 ပူးပေါင်းရင်းမြစ်များ

Matta 11:25

Ȓexddenni issiweȓ Ƹisa inna: "Ḥemḏeɣ-cek a Baba a Siḏi Arebbi n ujenna ḏ ṯmurṯ ȓaḥeqqac ṯesnuffareḏ manaya x imiɣisen ḏ lƹulama, ṯseḍhareḏ-ṯ-id i iḥenjiren imezyanen.

Matta 13:35

Ḥima aḏ ikemmeȓ wawaȓ iy inna Siḏi Arebbi i nnabi Icaƹya ḏeg yijjen n zman: "

Ayṯ-Ruma 11:25

Ay ayṯma, ḥima war ḏawem itiȓi ca ttakebbur rezzuɣ aḏ tfehmem ṯamesȓayṯ-a ṯanita inuffaren, iƹni Ayṯ-Israʼil ḏaysen ijjen n ṯɣennant war tɣimi ca i ȓebda. Aḏ teqqim aȓ ɣa ikemmeȓ lƹadad nni n ȓmuminin iy ɣa inejmen zeg yinni war iǧin ca zi Ayṯ-Israʼil.

Ayṯ-Ruma 8:29

Liʼanna yinni iy tuɣa issen-iṯen zi qbeȓ, izemmem-iṯen zi qbeȓ ḥima aḏ iȓin x ṣṣifeṯ n Mmis aḏ iȓin am netta. Ammu aḏ yiȓi netta ḏ Mmis amenzu n waṭṭas n ayṯmas.

Ayṯ-Ruma 8:30

Ṯumma yinni iy tuɣa izemmem zi qbeȓ, iȓaɣa-d xasen. Ṯumma yinni umi d iȓaɣa, isemṣȓaḥ-iṯen akiḏes. Ṯumma yinni isemṣȓaḥ akiḏes, yuca-asen amcan ḏi lƹaḍama nnes.

1 Ayṯ-Kurinṯ 2:1

Ay ayṯma, nec wami d usiɣ ɣarwem, usiɣ-d aḏ beccareɣ s ȓmaƹna inuffaren n Arebbi, maci usiɣ-d aḏ beccareɣ s wawaȓen izewwqen niɣ s ȓefhameṯ nni n bnaḏem.

Ayṯ-Ufasus 1:4

Cuf, ixḍar-aneɣ ḏi Lmasiḥ qbeȓ ma d ixȓeq ddunect-a bac a niȓi neṣfa bȓa ȓƹib zzaṯes.

Ayṯ-Ufasus 3:10

Min ixeṭṭeṭ netta? Yinni ig iḥekkmen ḏ yinni ig ijehḏen ḏeg ijennaṯen ȓexxu aḏ ssnen x ufus n jmaƹeṯ n ȓmuminin min ṯeƹna ȓefhameṯ n Arebbi x marra ṯimesȓayin.

2 Timutawus 1:9

Isenjem-aneɣ iȓaɣa-yaneɣ-d s yijjen n uȓaɣi muqeddes. War ḏaneɣ d iȓaɣi ca ƹlaḥsab lḥasanaṯ nneɣ; Lla, iȓaɣa-yaneɣ-d ƹlaḥsab lɣaraḍ nnes netta ḏ arḍa nnes iy ḏaneɣ d yuca ḏi Ƹisa Lmasiḥ qbeȓ ma aḏ tebḏa ȓweqṯ n ddunect-a qaƹ.

Iƹibraniyen 1:2

Walakin ḏi lʼayyam-a ineggura issawaȓ akiḏneɣ s uqemmum n Mmis iƹni wenni iy ixḍar aḏ iwareṯ marra ṯimesȓayin, zzayes iy d ixȓeq Arebbi ddunect.

Iƹibraniyen 11:3

S lʼiman iy nfehhem qa ddunect-a ṯetwaxȓeq-d s wawaȓ n Arebbi iƹni min ḏayes netwaȓa war d ikki ca zi min d itbanen.

1 Buṭrus 1:11

Tuɣa rezzun xas bac aḏ ssnen meȓmi d ɣa imeḍhar usenjem-a ḏ ḍḍuruf nnes. Rezzun aḏ ssnen minxef issawaȓ Arruḥ n Lmasiḥ iy iǧan ḏaysen wami Arruḥ-a iƹȓem-asen zi qbeȓ mecḥaȓ iy ɣa itwaƹeddeb Lmasiḥ, ssenni mecḥaȓ iy ɣa itwasemɣar menbaƹd.

1 Buṭrus 5:1

Fa nec tȓaɣiɣ-d x imeqqranen iǧan jar n ṯjumaƹ, nec iy iǧan ḏ ijjen n umeqqran am kenniw ḏ yijjen n ccaheḏ x min xef itwaƹeddeb Lmasiḥ, nec ḏ ijjen ƹaweḏ iy ɣa icarcen ḏi lƹaḍama iy d ɣa imeḍharen.

1 Buṭrus 5:10

Ataf aḏ twaƹeddbem cwayt n ȓweqṯ ȓexddenni akenniw isreyyeḥ Arebbi nneɣ iy ḏi iǧa marra arḍa ḏ netta iy ḏawem d iȓaɣan ɣar lƹaḍama nnes war ifennin ca ḏi Lmasiḥ. Akenniw isbedd, akenniw isejheḏ, akenniw igg x dsas.

2 Buṭrus 1:3

Aqa ṯizemmar nnes yuƹȓan ṯuca-aneɣ-d qaƹ min neḥḏaj ƹlaḥsab ṯuḏarṯ ḏ ṭṭaƹa nneɣ i Arebbi. Manaya minzi nessen wenni ḏaneɣ d iȓaɣan ɣar lƹaḍama nnes ḏ ṯuṣubḥant nnes.

Lwaḥi 13:8

Marra imezḏaɣ n ṯmurṯ aḏas sejjḏen i ȓwaḥc-a, iƹni kuȓ ijjen zzaysen isem nnes war izemmem ca ḏi Lkitab n Ṯuḏarṯ zeg wami ṯeǧa ddunect-a, iƹni ḏi Lkitab n Yizmar itwanɣen.