1 Ayṯ-Kurinṯ 2:15 - Ṯarifiṯ 2020

¹⁵ Amma bnaḏem wenni ɣar iǧa Arruḥ n Arebbi. Itmeyyaz marra ṯimesȓayin, netta war ḏayes itmeyyiz ḥadd.

1 Ayṯ-Kurinṯ 2:15 ပူးပေါင်းရင်းမြစ်များ

Yuḥanna 7:17

Wenni ixsen aḏ igg zi min ixes Arebbi ataf aḏ issen aseȓmeḏ-a inu ma zzayi niɣ zi Arebbi.

Ȓexḏayem 16:3

Igga-as ṭṭahareṯ Bulus wami ixes aṯ yawi akiḏes. Igga-as amenni ƹlaḥsab israʼiliyen iǧan ḏeg imucan nni niṯni marra ssnen belli babas ḏ ayunani.

1 Ayṯ-Kurinṯ 14:37

Meȓa ijjen iḥesseb ixef nnes nican ḏ nnabi niɣ ḏ ijjen n bnaḏem ruḥiya ataf u labud aḏ iqbeȓ min ḏawem d tariɣ ḏi ṯebrat-a nettaṯ ḏ ȓuṣiyeṯ n Siḏiṯneɣ.

1 Ayṯ-Kurinṯ 3:1

Ay ayṯma, nec tuɣa war zemmareɣ ca akiḏwem ssiwȓeɣ am yiwḏan iteggen array i Arruḥ n Arebbi. Lla, ssiwȓeɣ akiḏwem am yiwḏan ig iteggen array i nnefs nsen, am iseyman waha iy d ixeȓqen ḏi Lmasiḥ.

1 Ayṯ-Kurinṯ 4:5

X manaya war qqarem walu x ȓḥukem qbeȓ ȓweqṯ, iƹni qbeȓ iy d ɣa yas Siḏiṯneɣ. Ḏ netta iy ɣa isbeyynen ṯimesȓayin nni ɣar nnur ȓexxu nuffarent ḏi ṯaǧest, aḏ d ismeḍhar kuȓ lɣaraḍ n yiwḏan iy ɣarsen ḏeg wuȓawen nsen. Ȓexddenni kuȓ ijjen aɣares yiȓi usemɣar nnes zi Arebbi.

Ayṯ-Galaṭya 6:1

Ay ayṯma, meȓa ṯufim can yijjen zzaywem ṯseḥṣer-iṯ ȓmuƹṣiyeṯ, labud meȓa ṯjehḏem kenniw s Arruḥ iqeddsen aṯiḏ tarrem ɣar ubriḏ s yijjen n wuȓ iṣebbaren. U ḥḍa ixef nnec uȓa ḏ cek bac war ṯetwaɣarriḏ ca.

Ayṯ-Filippas 1:10

Ḥima aḏ tixḍarem min iǧan ḏ aṣebḥan ḥima aḏ tiȓim ṯeṣfam bȓa ȓƹib ɣar nhar n Lmasiḥ.

Ayṯ-Kulus 1:9

X manaya zi nhar nni wami tuɣa nesȓa neccin xawem, netɣima ntettar-as i Arebbi xawem bac aḏ tƹemmarem s ṯusna x ȓxaḍar n Arebbi s marra ȓƹaqeȓ ḏ ȓefhameṯ ig iticcen Arruḥ iqeddsen.

1 Ayṯ-Salunik 5:21

Lla, meyyzeṯ manayenni marra. Ṭṭfeṯ ḏi min iǧan ḏ aṣebḥan;

Iƹibraniyen 5:14

Walakin lmakla n ṣṣaḥ tetten-teṯ ɣir yinni war iǧin ca ḏ iseyman. Niṯni zemmaren i lmakla nni n ṣṣaḥ minzi ȓebda xeddmen i ṯɣuri nni iy qqaren tmeyyazen jar min iǧan ḏ aṣebḥan ḏ jar min iǧan ḏ aƹeffan.

1 Yuḥanna 2:20

Kenniw lla, twaḏehnem s ufus n Lƹaḍim, marra kenniw ṯessnem min iǧan.

1 Yuḥanna 4:1

Ay imƹizzen inu, war tiqqim ca ḏi marra arruḥaṯ, jarrbem-ṯen bac aḏ tessnem ma zi Arebbi ma lla. Qa ffɣen-d aṭṭas n iṯarrasen ɣar ddunect-a tarran ixef nsen ḏ lʼanbiya.