1 Ayṯ-Kurinṯ 2:14 - Ṯarifiṯ 2020

¹⁴ Bnaḏem ƹadi itagi aḏ iqbeȓ ṯimesȓayin n Arruḥ n Arebbi, ɣares manaya ḏ ṯubbuhȓiya waha. War izemmar ca aṯent ifhem, liʼanna s Arruḥ n Arebbi waḥḏes iy ṯent ɣa imeyyez.

1 Ayṯ-Kurinṯ 2:14 ပူးပေါင်းရင်းမြစ်များ

Matta 16:23

Walakin Ƹisa ineqȓeb-d ɣar Buṭrus inna-as: "Aggwej xafi ɣar ḏeffar a Cciṭan! Cek am yijjen n uzru ḏeg ubriḏ inu tneqȓaḏeɣ ḏayes. Cek war tfekkareḏ ca amecnaw Arebbi; Lla, cek tfekkareḏ amecnaw bnaḏem."

Yuḥanna 10:20

Nnan aṭṭas zzaysen: "Wanita ḏayes jnun. Netta ḏ abuhaȓi, mayemmi ɣares tesȓam?"

Yuḥanna 12:37

Ƹisa waxxa igga aṭṭas n lmuƹjizaṯ zzaṯsen, war zzayes uminen ca.

Yuḥanna 14:17

Lmuƹawin netta ḏ Arruḥ n lḥaqiqa. War ṯzemmar ddunect aṯ teqbeȓ, minzi nettaṯ war ṯ twiȓi ca war ṯ ṯessin ca. Walakin kenniw ṯessnem-ṯ minzi iqqim akiḏwem u aḏ yiȓi ḏaywem.

Yuḥanna 14:26

Lmuƹawin nni netta ḏ Arruḥ iqeddsen, aṯiḏ issekk Baba ƹlaḥsab isem inu aḏawem iseȓmeḏ kuȓci akenniw isfekkar marra min ḏawem nniɣ.

Yuḥanna 15:26

Aḏ d yas Lmuƹawin iƹni Arruḥ n lḥaqiqa. Aḏawem ṯiḏ ssekkeɣ nec zi Baba u netta iffeɣ-d zi Baba. Xmi d ɣa yas, axafi icheḏ.

Yuḥanna 5:44

Mammec ɣa ṯeggem aḏ tamnem? Iwa kenniw texsem lƹaḍama n wayawya, war ṯrezzum ca x lƹaḍama n Arebbi aweḥḏani.

Yuḥanna 8:43

Mayemmi war ṯefhimem ca i min ḏawem qqareɣ? Ȓaḥeqqac war ṯzemmarem ca aḏ tqebȓem awaȓ inu.

Ȓexḏayem 16:14

Akiḏsent ḏinni ijjen n ṯemɣarṯ ṯesȓa-yaneɣ qqaren-as Lidya. Nettaṯ zi ṯendint n Ṯiyatra ṯeznuza ṯcuqqet nni iy iɣȓan llun nnes ḏ llila, ṯƹebbeḏ Arebbi. Irzem-as Siḏi Arebbi uȓ nnes bac aḏ tṣenneṭ i wawaȓ n Bulus.

Ȓexḏayem 17:18

Can n lfalasifa umi qqaren ibikuriyen ḏ can lfalasifa nneɣni umi qqaren iriwaqiyen bḏan temnaqacen ak Bulus nnan ȓebƹaḍ zzaysen, min ixes aḏ yini wanita itpeȓpiȓen waha? Nnan yiwḏan nneɣni imken itbeccar s arebbiṯen n dduwal. Nnan manaya minzi Bulus itbeccar s Ƹisa ḏ lqiyama.

Ȓexḏayem 17:32

Yina wami tesȓan x yiwḏan aḏ d kkaren zi ȓmewṯ ḏi Lqiyama ḍeḥcen ȓebƹaḍ xasen, walakin ȓebƹaḍ nneɣni nnan-as qa neccin nexs aḏac nṣenneṭ ṯwaȓa nneɣni x manaya.

Ȓexḏayem 18:15

Walakin manaya ḏ lxilaf jarawem kenniw ḏeg wawaȓen ḏ yisemawen ḏ ccariƹa nwem. Ḥellem manaya nniṯ jarawem. Bȓa ma aḏ iȓiɣ nec ḏ ȓqaḍi x ṯmesȓayin-a jarawem."

Ȓexḏayem 25:19

Lla, menɣen akiḏes x can ṯmesȓayin ḏi ddin nsen ḏ yijjen n uryaz qqaren-as Ƹisa, qa immuṯ walakin Bulus iqqar lla netta iddar!

1 Ayṯ-Kurinṯ 1:18

Cuf, awaȓ n ṣṣalib netta ḏ ṯubbuhȓiya waha ɣar yinni war inejjmen ca, walakin ɣar neccin inejjmen awaȓ-a netta ḏ jjheḏ n Arebbi.

1 Ayṯ-Kurinṯ 1:21

Isbuheȓi-t s ȓefhameṯ n min netbeccar neccin. Mammec? S ȓefhameṯ-a n Arebbi iƹjeb-as aḏ isenjem yinni itamnen, walakin iwḏan n ddunect-a war zemmaren aṯ ssnen s ȓefhameṯ nsen.

1 Ayṯ-Kurinṯ 1:23

walakin neccin netbeccar s Lmasiḥ itwaṣellben. Israʼiliyen tneqȓaḍen ḏi manaya, ḏ yinni war iǧin ca zi Ayṯ-Israʼil qqaren qa manaya ḏ ṯubbuhȓiya waha.

1 Ayṯ-Kurinṯ 1:25

Mayemmi? Liʼanna zaƹma ṯubbuhȓiya n Arebbi nettaṯ ṯsefham ktar zi ȓefhameṯ n bnaḏem, zaƹma ḍḍuƹef n Arebbi netta ijheḏ ktar zi jjheḏ n bnaḏem.

1 Ayṯ-Kurinṯ 15:44

Twazerreƹ ḏ ijjen n ddat n bnaḏem, twasnekkar-d ḏ ijjen n ddat ruḥiya. Meȓa ṯeǧa ddat n bnaḏem, ṯeǧa ƹaweḏ ddat ruḥiya.

1 Ayṯ-Kurinṯ 15:46

Min iǧan ruḥiya war d itis ca ḏ amezwaru; Lla, itas-d min iǧan n bnaḏem. Min iǧan ruḥiya itas-d menbaƹd.

1 Ayṯ-Kurinṯ 2:12

War ḏaneɣ d yuci ca arruḥ n ddunect-a, yuca-aneɣ-d Arruḥ iy d yusin zi Arebbi ḥima a nefhem ṯimesȓayin nni iy ḏaneɣ d yuca Arebbi baṭeȓ.

1 Ayṯ-Kurinṯ 3:1

Ay ayṯma, nec tuɣa war zemmareɣ ca akiḏwem ssiwȓeɣ am yiwḏan iteggen array i Arruḥ n Arebbi. Lla, ssiwȓeɣ akiḏwem am yiwḏan ig iteggen array i nnefs nsen, am iseyman waha iy d ixeȓqen ḏi Lmasiḥ.

Yaƹqub 3:15

Nnuƹ n ȓefhameṯ-a war d thewwi ca zeg ujenna; Lla, nettaṯ n ddunect-a n yiwḏan n Cciṭan.

1 Yuḥanna 2:20

Kenniw lla, twaḏehnem s ufus n Lƹaḍim, marra kenniw ṯessnem min iǧan.

1 Yuḥanna 2:27

Kenniw, ddehneṯ nni iy zzayes ṯqebȓem ƹaḏ aqat ḏaywem. Kenniw war ṯeḥḏijem ḥadd akenniw iseȓmeḏ, aqa ddehneṯ nnes ṯseȓmaḏ-awem marra ṯimesȓayin. Nettaṯ ḏ ṣṣaḥ maci ḏ axarriq. Iwa mammec iy kenniw ṯseȓmaḏ ddehneṯ-a, amenni itxeṣṣa aḏayes ṯƹicem ḏi netta.

1 Yuḥanna 5:20

Nessen ƹaweḏ aqa Mmis n Arebbi yusa-d yuca-aneɣ ȓefhameṯ bac a nessen wenni iǧan ḏ ṣṣaḥ. Neccin aqaneɣ ḏeg wenni iǧan ḏ ṣṣaḥ s Mmis Ƹisa Lmasiḥ. Wanita ig iǧan ḏ Arebbi n ṣṣaḥ ḏ ṯuḏarṯ n ȓebda n ȓebdaṯ.

Yahuḏa 1:19

Iwa niṯni ḏ yina iy kenniw ifarrqen, ḏaysen arruḥ n ddunect-a waha war ḏaysen ca Arruḥ iqeddsen.