1 Ayṯ-Kurinṯ 16:22 - Ṯarifiṯ 2020

²² Wenni war ixsen ca Siḏiṯneɣ aḏ itwaḥarrem. Araḥ-d a Mawlana!

1 Ayṯ-Kurinṯ 16:22 ပူးပေါင်းရင်းမြစ်များ

Matta 10:37

Wenni xef iƹizz babas niɣ ḏ yemmas ktar zzayi nec, ataf war ḏayi isḏiheǧ ca. Wenni xef iƹizz mmis niɣ ḏ yeǧis ktar zzayi nec, ataf war ḏayi isḏiheǧ ca.

Yuḥanna 14:15

Meȓa tḥibbim-ayi kenniw, ggeṯ zi ȓuṣiyaṯ inu.

Yuḥanna 14:21

Wenni ɣar ǧant ȓuṣiyaṯ inu ixeddem zzaysent, ataf itḥibba-ayi. Wenni ḏayi itḥibban, ataf aṯ iḥibb uȓa ḏ Baba. Aṯ ḥibbeɣ uȓa ḏ nec, aḏas d smeḍhareɣ ixef inu."

Yuḥanna 14:23

Inna-as Ƹisa: "Wenni ḏayi itḥibban, ataf aḏ ixḏem zeg wawaȓ inu. Aṯ iḥibb Baba, a nraḥ ɣares nec ḏ Baba, ɣares iy ɣa nezḏeɣ.

Yuḥanna 15:24

Maƹlik war xḏimeɣ akiḏsen lmuƹjizaṯ war ṯent ixḏim uȓa ḏ ijjen illa nec, ataf war ɣarsen bu ȓmuƹṣiyeṯ. Walakin ȓexxu niṯni ẓrin lmuƹjizaṯ inu ƹiffen-ayi nec uȓa ḏ Baba.

Yuḥanna 16:14

Netta iy ḏayi ɣa isemɣaren minzi ikessi zi min ɣari, aḏawem ixebbar zzayes.

Yuḥanna 8:42

Inna-asen Ƹisa: "Lla, maƹlik Babaṯwem ḏ Arebbi, ataf tḥibbim-ayi minzi nec ffɣeɣ-d zi Arebbi usiɣ-d. War d usiɣ ca zeg yixef inu; Lla, ḏ Baba iy ḏayi d issekken.

Ȓexḏayem 23:14

Ruḥen ɣar arruyas n ȓfuqaha ḏ imeqqranen n Ayṯ-Israʼil nnan-asen: "Neccin newƹeḏ Arebbi nḥarrem ixef nneɣ war ntett walu aȓ ɣa nneɣ Bulus neccin.

1 Ayṯ-Kurinṯ 12:3

S manayenni xseɣ aḏ tfehhmem mliḥ belli war ḏinni ḥadd aḏ yini s Arruḥ n Arebbi ! Ƹaweḏ war ḏinni ḥadd aḏ yini illa s Arruḥ iqeddsen.

Ayṯ-Galaṭya 5:6

Liʼanna ḏi Ƹisa Lmasiḥ iƹni bnaḏem meȓa igga ṭṭahareṯ niɣ war t iggi ca, manaya war ineffeƹ s walu. Min ineffƹen? Ineffeƹ lʼiman ig ixeddmen ccɣeȓ nnes s ȓemḥibbeṯ.

Ayṯ-Ufasus 6:24

Aḏ yiȓi arḍa i marra yinni ig itḥibban Siḏiṯneɣ Ƹisa Lmasiḥ s yijjen n ȓemḥibbeṯ war ṯfenni ca ƹemmarṣ.

Ayṯ-Filippas 4:5

Itxeṣṣa aḏ d imeḍhar ṣṣbar nwem i marra iwḏan, aqa Siḏiṯneɣ yuḏes-d.

Iƹibraniyen 6:10

Iwa Arebbi, ma iticc ȓḥaqq ma lla? Wah, Arebbi war itettu ca ȓxeḏmeṯ nwem ḏ ȓemḥibbeṯ nni ḏas d ṯseḍharem wami ṯƹawnem ṣṣaliḥin. U ƹaḏ teggem manaya.

1 Buṭrus 1:8

Ṯḥibbem-ṯ waxxa war ṯ ṯeẓrim ca. Aqa ṯumnem zzayes waxxa war ṯ twiȓim ca ȓexxu. Kenniw ṯƹemmarem s yijjen n ȓefraḥeṯ ḏ ṯameqqrant war ṯzemmarem ca at tcarrḥem.

1 Buṭrus 2:7

Fa azru-ya isewwa aṭṭas i kenniw iy yumnen, yinni war yuminen ca lla. Aqa yura ḏi Lkitab:

1 Yuḥanna 4:19

Neccin ntexs minzi netta ixes-aneɣ ḏ amezwaru.

1 Yuḥanna 5:1

Marra wenni ɣa yamnen Ƹisa netta ḏ Lmasiḥ ataf ixȓeq-d zi Arebbi. U marra wenni itexsen Babaṯneɣ ataf netta ƹaweḏ itexs ṯarwa nnes iy zzayes d ixeȓqen.

Lwaḥi 22:20

Iqqar Ƹisa iƹni wenni ixebbaren x ṯmesȓayin-a: "Wah, nec aqa usiɣ-d war tƹeṭṭaȓeɣ ca!" Amin, araḥ-d a Siḏiṯneɣ Ƹisa.