1 Ayṯ-Kurinṯ 16:15 - Ṯarifiṯ 2020

^15-16 Aqa ṯessnem Stifanus ḏ ȓeḥbab nnes ḏ niṯni iy yumnen zi Lmasiḥ ḏ imezwura ḏi lʼiqlim n Uxaya, ṭewwƹen ixef nsen aḏ sexxaren i ȓmuminin ṣṣaliḥin. Ay ayṯma, tettareɣ zzaywem aḏ tṭaƹem i yiwḏan-a am yina u ḏ yinni marra icarrcen ḏi ȓxeḏmeṯ-a tamaran ḏayes aṭṭas.

1 Ayṯ-Kurinṯ 16:15 ပူးပေါင်းရင်းမြစ်များ

Ȓexḏayem 18:12

Walakin ḏi ȓweqṯ nni n Galyun lƹamil n lʼiqlim n Uxaya, munen israʼiliyen hejmen x Bulus uwin-ṯ ɣar lmaḥkama.

Ayṯ-Ruma 12:13

Ƹawneṯ ȓmuminin ṣṣaliḥin yinni iteḥḏajen. Reḥḥbeṯ x yinni itsafaren.

Ayṯ-Ruma 15:25

Walakin ȓexxu aqa ggureɣ ɣar ṯendint n Lquds bac aḏ ƹawneɣ ȓmuminin ṣṣaliḥin iy ḏinni.

Ayṯ-Ruma 15:31

Ẓẓaǧeṯ ḥima nec aḏ nejmeɣ zeg ifassen n yinni war yuminen ca ḏi jwayeh n Yahuḏiya, u ƹaweḏ bac ȓxeḏmeṯ inu ḏi Lquds at qebȓen ȓmuminin ṣṣaliḥin iy ḏinni.

Ayṯ-Ruma 16:2

Reḥḥbeṯ zzayes ƹlaḥsab Siḏiṯneɣ, iƹni ijjen n ureḥḥeb iy sḏaheǧen ȓmuminin ṣṣaliḥin. Ƹawnem-t ḏi marra min teḥḏaj zzaywem ȓaḥeqqac nettaṯ tƹawan aṭṭas n yiwḏan, tƹawan-ayi uȓa ḏ nec.

Ayṯ-Ruma 16:5

Siwḍem-asen sȓam ƹaweḏ i jmaƹṯ n ȓmuminin itmunan ḏi ṯeddarṯ n ṯnayen-a. Siwḍem-as sȓam i umƹizz inu Ipantus wenni iy yumnen ḏ amezwaru s Lmasiḥ ḏi lʼiqlim n Asya.

1 Ayṯ-Kurinṯ 1:16

(Wah, nec ṭehhareɣ s waman i ȓeḥbab n Stifanus. War ƹqiȓeɣ ca ma ṭehhareɣ i ḥadd nneɣni s waman ktar zeg yina.)

1 Ayṯ-Kurinṯ 16:1

Ƹlaḥsab ṣṣaḏaqa i ȓmuminin ṣṣaliḥin, swejḏeṯ kenniw mammec ṯent weṣṣiɣ i ṯjumaƹ n ȓmuminin ḏi lʼiqlim n Galaṭya.

1 Ayṯ-Kurinṯ 16:17

Nec farḥeɣ wami d usin Stifanus ḏ Furtunaws ḏ Axeykus ȓaḥeqqac ƹemmaren imucan nwem.

2 Ayṯ-Kurinṯ 8:4

ttaren zzayneɣ s wuȓ nsen aḏ ƹawnen s ȓxir-a ȓmuminin ṣṣaliḥin iy iǧan ḏi ṯendint n Lquds.

2 Ayṯ-Kurinṯ 9:1

Amma ṣṣaḏaqa i ṣṣaliḥin bȓa ma ḏawem d ariɣ, qa nec ssneɣ ṯrezzum aḏ tƹawnem ḏeɣya. Teftaxareɣ nec s manaya ɣar Ayṯ-Masidunya, qqareɣ-asen qa zeg wazeḏɣaṯ kenniw ḏi lʼiqlim n Uxaya ṯsewjaḏem-d bac aḏ tṣeddqem. Ȓxaḍar-a nwem itcejjaƹ azyen-ameqqran aḏ ṣeddqen.

1 Timutawus 5:10

Labud aḏ tiȓi maƹrufa s lḥasanaṯ nnes iƹni meȓa ṯrebba ṯarwa nnes, treḥḥab s inewjiwen, ṯsiȓiḏ iḍaren n ṣṣaliḥin, tƹawan yinni itzeyyaren, ṯḏeffar marra ṯimesȓayin ṯiṣebḥanin.

Filimun 1:7

Ay uma, ȓemḥibbeṯ iy ɣarec cek ticc-ayi-d ijjen n ȓefraḥeṯ ḏ ucejjaƹ ḏ ameqqran minzi cek ṯsiḥemmiḏ uȓawen n ṣṣaliḥin.

Iƹibraniyen 6:10

Iwa Arebbi, ma iticc ȓḥaqq ma lla? Wah, Arebbi war itettu ca ȓxeḏmeṯ nwem ḏ ȓemḥibbeṯ nni ḏas d ṯseḍharem wami ṯƹawnem ṣṣaliḥin. U ƹaḏ teggem manaya.

1 Buṭrus 4:10

Itxeṣṣa-yas i mkuȓ ijjen aḏ isexḏem lqudra nni iy ḏas immucen ak yiwḏan. Aḏ isexḏem nican lbaraka n Arebbi iy zi itkellaf kuȓ nnuƹ nnes.

Lwaḥi 14:4

Yina ḏ yinni war iẓrin ƹemmarṣ ṯimɣarin qqimen ḏ iƹzriyen. Yina ḏ yinni iḏeffaren Izmar mani ma iruḥ. Twasnejmen niṯni zi ȓwesṭ n yiwḏan ḥima aḏ twaqeddmen ḏ imezwura i Arebbi ḏ Yizmar.