1 Ayṯ-Kurinṯ 15:50 - Ṯarifiṯ 2020

⁵⁰ Fa qqareɣ-awem ay ayṯma, qa aysum ḏ iḏammen war zemmaren aḏ warṯen ḏi ȓmulk ujenna. Min ifennan war iwarreṯ ca min war ifennin.

1 Ayṯ-Kurinṯ 15:50 ပူးပေါင်းရင်းမြစ်များ

Matta 16:17

Ȓexddenni inna-as Ƹisa: "Ssaƹḏ nnec a Simƹan a mmis n Yuna! War iǧi bu ḏ ca n bnaḏem iy ḏac d ismeḍharen manaya menɣir Baba iǧan ḏeg ujenna.

Matta 25:34

Ȓexddenni yinni iǧan x ufusi aḏasen yini uzeǧiḏ-a: A yinni iy ḏi igga Baba lbaraka araḥem-d kenniw warṯem ȓmulk iy ḏawem isewjeḏ zeg wami ṯeǧa ddunect.

Ayṯ-Ruma 2:7

Aḏasen yuc ṯuḏarṯ war ifennin ca i yinni iṣebbaren teggen lḥasanaṯ, liʼanna rezzun x lhimma ḏ uweqqar ḏ ṯuḏarṯ nni itduman.

1 Ayṯ-Kurinṯ 1:12

Iƹni, ijjen iqqar nec ḏeffareɣ Bulus. Ijjen iqqar nec ḏeffareɣ Apullus. Ijjen iqqar nec ḏeffareɣ Buṭrus. Ijjen iqqar nec ḏeffareɣ Lmasiḥ.

1 Ayṯ-Kurinṯ 15:42

Ammu iy ṯiȓi lqiyama n imettinen. Min itwazerrƹen aḏ ifna, min d itwasnekkaren aḏ iḏum.

1 Ayṯ-Kurinṯ 15:44

Twazerreƹ ḏ ijjen n ddat n bnaḏem, twasnekkar-d ḏ ijjen n ddat ruḥiya. Meȓa ṯeǧa ddat n bnaḏem, ṯeǧa ƹaweḏ ddat ruḥiya.

1 Ayṯ-Kurinṯ 6:10

ḏ iceffaren, ḏ iḍemmaƹen, ḏ yinni isessen aṭṭas n ccreb, ḏ yinni iqqaren ȓbaṭeȓ, ḏ iɣeccacen war twaraṯen ca ȓmulk n Arebbi.

1 Ayṯ-Kurinṯ 6:13

Aḏ yini ijjen: "Iwa lmakla n uƹeddis, aƹeddis n lmakla." Walakin Arebbi aṯen ihḏem s ṯnayen iḏsen. Ddat maci n lfasad, ddat nettaṯ n Siḏiṯneɣ. U Siḏiṯneɣ itḏebbar i ddat.

1 Ayṯ-Kurinṯ 6:9

Ma war ṯessinem ca belli yinni war yuminen ca war zemmaren aḏ warṯen ȓmulk n Arebbi? War xeddƹem ca ixef nwem. Yinni iteggen lfasad, ḏ yinni iƹebbḏen lʼaṣnam, ḏ yinni izennan, ḏ iḥenjiren ifessḏen ak iryazen, ḏ iryazen ifessḏen ak iryazen,

1 Ayṯ-Kurinṯ 7:29

Fa ay ayṯma, min rezzuɣ aḏ iniɣ? Ȓweqṯ aqa ṯqarreb-d. Ssa aȓ ṯsawent yinni imeȓcen aḏ ƹicen axmi war mȓicen ca,

2 Ayṯ-Kurinṯ 5:1

Cuf, neccin nessen meȓa irez uqiḍun-a iƹni ddat nneɣ n ddunect-a, ataf ɣarneɣ ijjen n ṯzeddiɣṯ nneɣni zi Arebbi. Ṯaddarṯ nni war ibnin ca s ifassen tduma i ȓebda.

2 Ayṯ-Kurinṯ 9:6

Fekkareṯ, wenni ɣa izerƹen ḏrus aḏ imjar ḏrus. Wenni ɣa izerƹen aṭṭas aḏ imjar aṭṭas.

Ayṯ-Galaṭya 3:17

Fa nec, min rezzuɣ aḏ iniɣ? Iƹni Ccariƹa n Musa ṯusa-d arbeƹmiyya u ṯȓaṯin sna menbaƹd i ȓƹaheḏ-a ak Brahim. Ccariƹa nni war ṯzemmar ca aḏ tesbeṭṭeȓ ȓƹaheḏ-a ak Brahim ig igga Arebbi. Iƹni min iwƹeḏ Arebbi i Brahim war ṯ tarri ca ccariƹa nni ḏ ȓbaṭeȓ.

Ayṯ-Galaṭya 5:16

Fa nniɣ-awem, tƹiceṯ ƹlaḥsab ȓxaḍar n Arruḥ iqeddsen ṯumma war tseƹƹifem ca ccehawaṯ n ṭṭabiƹa ṯaƹeffant nwem.

Ayṯ-Ufasus 4:17

Aqa min ḏawem qqareɣ ḏ uziyyar-a iy xawem tzeyyareɣ ḏi Siḏiṯneɣ, iƹni u labud war ṯeggurem ca mammec gguren ȓegnus s ȓaƹquȓ nsen ixwan.

Ayṯ-Kulus 2:4

Qqareɣ-awem manaya bac war d itis ḥadd akenniw icmeṯ s wawaȓ nnes aḏawem isneƹmiȓ ḏ ṣṣaḥ.

2 Timutawus 4:18

Aḏayi isefȓeṯ Siḏiṯneɣ zi mkuȓ ṯamesȓayṯ ḏ ṯaƹeffant aḏayi isenjem ɣar ȓmulk nnes iǧan ḏeg ujenna. Aɣares ṯiȓi lƹaḍama i ȓebda n ȓebdaṯ. Amin.