1 Ayṯ-Kurinṯ 15:45 - Ṯarifiṯ 2020

⁴⁵ Ammu iqqar Lkitab: "Bnaḏem amezwaru iƹni Adam iḏweȓ ḏ buḥbeȓ iddaren." Adam aneggaru netta ḏ buḥbeȓ ig iseddaren.

1 Ayṯ-Kurinṯ 15:45 ပူးပေါင်းရင်းမြစ်များ

Yuḥanna 1:4

Ḏayes iy ṯeǧa ṯuḏarṯ, u ṯuḏarṯ nni nettaṯ ḏ nnur i yiwḏan.

Yuḥanna 10:10

Netta aceffar itas-d ɣir aḏ yacar aḏ ineɣ aḏ ihḏem. Nec usiɣ-d ḥima aɣarsen ṯiȓi ṯuḏarṯ nni n ṯuḏarṯ bȓa ȓeqyas.

Yuḥanna 10:28

Ticceɣ-asen ṯuḏarṯ n ȓebda ƹemmarṣ war fennin ca, war ṯen ixeṭṭef uȓa ḏ ijjen zeg ufus inu.

Yuḥanna 14:19

Cwit n ȓweqṯ ig iqqimen war ḏayi ṯẓerr ca ddunect-a, walakin kenniw aḏayi ṯeẓrem. Wami nec ddareɣ, uȓa ḏ kenniw aḏ teddarem.

Yuḥanna 14:6

Indeq-d Ƹisa inna-as: Nec ḏ abriḏ, nec ḏ lḥaqiqa, nec ḏ ṯuḏarṯ. War d itis uȓa ḏ ijjen ɣar Baba illa zzayi.

Yuḥanna 4:10

Inna-as Ƹisa: "Maƹlik cem ṯessneḏ lhadiya n Arebbi ṯessneḏ min ƹniɣ nec iy ḏam iqqaren uc-ayi aḏ sweɣ, ataf ṯettareḏ-ayi cem aman aḏam uceɣ aman n ṯuḏarṯ."

Yuḥanna 4:14

Walakin wenni ɣa iswen aman iy ḏas ɣa uceɣ nec ataf war itfiḏi ca ƹemmarṣ. Aman iy ḏas ɣa uceɣ nec aḏ ḏewȓen ḏayes amecnaw ijjen n ȓƹunṣar azzayes ṯesfiy ṯuḏarṯ n ȓebda."

Yuḥanna 5:21

Mammec d isnekkar Babas yinni immuṯen iticc-asen ṯuḏarṯ, uȓa ḏ Mmis iticc-asen ṯuḏarṯ i yinni ixes.

Yuḥanna 6:33

Minzi aɣrum n Arebbi netta ḏ wenni iy d ihewwan zeg ujenna iticc-as ṯuḏarṯ i ddunect."

Yuḥanna 6:54

Inna-asen: "Wenni ɣa iccen ddat inu aḏ isew iḏammen inu, aɣares ṯiȓi ṯuḏarṯ i ȓebda nec aṯiḏ sekkareɣ ḏi Nhar Aneggaru.

Yuḥanna 6:57

Mammec iy ḏayi d issekk Baba iddaren u nec ddareɣ zi Baba, amenni wenni ḏayi ɣa iccen azzayi iy iddar.

Yuḥanna 6:63

Arruḥ n Arebbi ḏ netta iseddaren. Min iǧan ḏ bnaḏem war ineffeƹ i walu. Awaȓen iy ḏawem nniɣ, ḏaysen arruḥ ḏ ṯuḏarṯ.

Yuḥanna 6:68

Inna-as Simƹan Buṭrus: "A Siḏi, min iƹna wenni mani ɣa nraḥ? Cek ɣarek awaȓen n ṯuḏarṯ n ȓebda.

Ȓexḏayem 3:15

Ṯenɣim wenni iǧan ḏ lʼaṣel n ṯuḏarṯ, walakin Arebbi isekkar-iṯ-iḏ zi ȓmewṯ, neccin necheḏ xas.

Ayṯ-Ruma 5:17

Iƹni, s ssabab n ȓmuƹṣiyeṯ nni n yijjen n bnaḏem ṯebḏa ȓmewṯ ṯḥekkem x yiwḏan s ssabab n bnaḏem nni. Ȓexxu s ssabab n yijjen n bnaḏem, iƹni s Ƹisa Lmasiḥ, ḏ ṯuḏarṯ nettaṯ ṯḥekkem aṭṭas x yinni iqebbȓen arḍa imɣaren n Arebbi ḏ lhadiya iy ṯen isemṣȓaḥen akiḏes.

Ayṯ-Ruma 5:21

U mammec ṯeḥkem ȓmuƹṣiyeṯ ṯuwi-d ȓmewṯ, amenni iy xaneɣ iḥkem arḍa wami ḏaneɣ isemṣȓaḥ Arebbi akiḏes yuwi-d ṯuḏarṯ n ȓebda x ufus n Siḏiṯneɣ Ƹisa Lmasiḥ.

Ayṯ-Ruma 8:2

Liʼanna ḏi Ƹisa Lmasiḥ, ṭṭabiƹa n Arruḥ ig iticcen ṯuḏarṯ ṯfekk-icek-d zi ṭṭabiƹa n ȓmuƹṣiyeṯ ḏ ȓmewṯ.

1 Ayṯ-Kurinṯ 15:46

Min iǧan ruḥiya war d itis ca ḏ amezwaru; Lla, itas-d min iǧan n bnaḏem. Min iǧan ruḥiya itas-d menbaƹd.

Ayṯ-Filippas 3:21

Ddat nneɣ n ddunect-a at isbeddeȓ Lmasiḥ bac aḏ teḏweȓ am ddat nnes lƹaḍim. Itegg manaya s jjheḏ nni iy zi izemmar aḏ yarr qaƹ ṯimesȓayin swadday i lḥukem nnes.

Ayṯ-Kulus 3:4

Xmi d ɣa imeḍhar Lmasiḥ iƹni wenni iǧan ḏ ṯuḏarṯ nwem, ȓexddenni akiḏes tmeḍharem uȓa ḏ kenniw ḏi lƹaḍama.

Iƹibraniyen 9:14

Meȓa amenni, mecḥaȓ iy ḏaneɣ ɣa ssiṣfan iḏammen n Lmasiḥ ktar! Netta iruḥ s Arruḥ nni itduman i ȓebda iqeddem ixef nnes bȓa ȓƹib i Arebbi, iḏammen nnes aḏaneɣ ssiṣfan ḍḍamir nneɣ zi ssayiʼaṯ bac a neƹbeḏ Arebbi iddaren.

Lwaḥi 16:3

Ṯekkar lmalaʼika wis ṯnayen ṯzeǧeƹ ṯimejmarṯ nnes ḏi ȓebḥar, ȓebḥar iḏweȓ ḏ iḏammen am iḏammen n wenni immuṯen, min iddaren ḏi ȓebḥar qaƹ immuṯ.

Lwaḥi 21:6

Inna-ayi: "Ṣafi, itwakemmeȓ. Nec ḏ lʼalif nec ḏ lyaʼ. Nec kuȓci zzayi ig ibḏa, nec kuȓci zzayi iy ɣa ikemmeȓ. Aḏ uceɣ i wenni iffuḏen zi ȓƹunṣar n waman n ṯuḏarṯ baṭeȓ.

Lwaḥi 22:1

Ismeḍhar-ayi-d lmalak nni iɣzar n waman n ṯuḏarṯ ṣfan am jjaj, iteffeɣ-d zi lƹarc n Arebbi ḏ Yizmar

Lwaḥi 22:17

Arruḥ ḏ ṯsȓiṯ qqaren: "Araḥ-d!" Wenni itsȓan aḏ yini: "Araḥ-d!" Wenni ifuḏen aḏ d yas, wenni irezzun aman n ṯuḏarṯ aḏ isew baṭeȓ!