1 Ayṯ-Kurinṯ 15:36 - Ṯarifiṯ 2020

³⁶ A wenni war ifhimen, ṯaḥebbuyṯ nni iy ṯzerrƹeḏ aḏ temmeṯ zaƹma swadday n ucaȓ, menbaƹd aḏ teɣmi.

1 Ayṯ-Kurinṯ 15:36 ပူးပေါင်းရင်းမြစ်များ

Luqa 11:40

A yinni war ifehhmen! Arebbi ḏ netta ig iggin ddat, ḏ netta ƹaweḏ ig iggin min ḏayes ɣar ḏaxeȓ.

Luqa 12:20

Walakin inna-as Arebbi: Ay afɣuȓ! Umi ṯsewjaḏeḏ manaya? Ḏi ǧiȓeṯ-a ṯanita aḏ itwaffeɣ buḥbeȓ nnec.

Luqa 24:25

Inna-asen Ƹisa: "A yinni war ifhimen ca! A yinni war itimnen ca ḏeɣya ḏi marra min nnan lʼanbiya!

Yuḥanna 12:24

Aqa tesȓam ȓḥaqq: Ṯaḥebbuct n yirḏan meȓa war twaẓẓu ca ḏi ṯmurṯ iƹni meȓa war twanḍeȓ ca, ataf aḏ teqqim ḏ ṯaḥebbuct waha. Meȓa twanḍeȓ aḏ tuc aṭṭas n ȓḥabb.

Ayṯ-Ruma 1:22

Ḥessben x yixef nsen ḏ imiɣisen, niṯni ḏewȓen ḏ ibuhaȓiyen.

1 Ayṯ-Kurinṯ 15:37

U ṯenni ṯzerrƹeḏ cek nettaṯ war ṯeǧi bu ḏ ṣṣifeṯ nni iy d ɣa iɣmin. Lla, ṯzerrƹeḏ ɣiȓ ijjen n ṯḥebbuyṯ waha n zzarriƹeṯ n yirḏan niɣ ḏ ca n zzarriƹeṯ nneɣni.

Ayṯ-Ufasus 5:15

Iḏen fa, rajƹaṯ ixef nwem xzareṯ mammec iy ɣa ṯƹicem. Maci aḏ tƹicem am yinni iy ḏi ṯeǧa ȓeqfaȓeṯ; Lla, ƹicem am yinni iy ḏi ṯeǧa ȓefhameṯ.

Yaƹqub 2:20

Ay aryaz, cek ṯqefȓeḏ! Ma nec aḏawem d sbeyyneɣ belli lʼiman bȓa ȓexḏayem war ḏayes bu nnfaƹ?