1 Ayṯ-Kurinṯ 15:28 - Ṯarifiṯ 2020

²⁸ Xmi ɣa iȓint marra ṯimesȓayin-a swadday n ssulṭa n Lmasiḥ, ṯumma Mmis iƹni Lmasiḥ s yixef nnes aḏ iḏweȓ uȓa ḏ netta swadday n ssulṭa n Arebbi ig iggin marra ṯimesȓayin-a swadday n ssulṭa n Lmasiḥ. Ammu aḏ yiȓi Arebbi ḏ marra ḏi min ḏi ma.

1 Ayṯ-Kurinṯ 15:28 ပူးပေါင်းရင်းမြစ်များ

Yuḥanna 14:28

Ṯesȓam qa nniɣ-awem: Nec aḏ uyureɣ, aḏ d ƹeqbeɣ ɣarwem. Meȓa ṯḥibbim-ayi, ataf kenniw aḏ tfarḥem belli aḏ raḥeɣ ɣar Baba minzi Baba ḏ ameqqran xafi.

1 Ayṯ-Kurinṯ 11:3

Walakin xseɣ akenniw sfehmeɣ mliḥ qa azeǧif n mkuȓ aryaz netta ḏ Lmasiḥ u ḏ netta ig itrayan. Azeǧif n mkuȓ ṯamɣarṯ netta ḏ aryaz u ḏ netta ig itrayan. Azeǧif n Lmasiḥ netta ḏ Arebbi u ḏ netta ig itrayan.

1 Ayṯ-Kurinṯ 12:6

Ḏinni lʼanwaƹ n ȓexḏayem, walakin Arebbi ḏ ijjen ḏ netta iy ṯent isxeddamen marra ḏi kuȓ bnaḏem.

1 Ayṯ-Kurinṯ 15:29

Cuf, yinni itwaṭehharen s waman ƹlaḥsab i yinni immuṯen, man nnfaƹ iy rezzun niṯni? Meȓa ḏ ṣṣaḥ zaƹma belli yinni immuṯen war d twasnekkaren ca, mayemmi iwḏan-a tetwaṭehharen s waman ƹlaḥsab i yinni immuṯen?

1 Ayṯ-Kurinṯ 3:23

Kenniw n Lmasiḥ, u Lmasiḥ netta n Arebbi.

Ayṯ-Ufasus 1:23

Jmaƹeṯ-a nettaṯ iy iǧan ḏ ddat n Lmasiḥ u zzayes nettaṯ iy iccur yixef nnes u ḏ netta iy iccuren marra ḏi min ḏi ma.

Ayṯ-Filippas 3:21

Ddat nneɣ n ddunect-a at isbeddeȓ Lmasiḥ bac aḏ teḏweȓ am ddat nnes lƹaḍim. Itegg manaya s jjheḏ nni iy zi izemmar aḏ yarr qaƹ ṯimesȓayin swadday i lḥukem nnes.

Ayṯ-Kulus 3:11

War itɣimi bu uyunani niɣ ḏ aʼisraʼili, niɣ ḏ wenni iṭehharen niɣ ḏ wenni war iṭehhiren ca, niɣ ḏ abarbari niɣ ḏ aweḥciw, niɣ ḏ ismeɣ niɣ ḏ wenni iǧan ḥurr. Lla, Lmasiḥ netta ḏ marra, aqaṯ ḏi marra.