26 Ȓaƹḏu aneggaru iy ɣa ibeṭṭeȓ nettaṯ ḏ ȓmewṯ.
War zemmaren ca aḏ mmṯen, aḏ iȓin amecnaw lmalaʼikaṯ. Niṯni ḏ ṯarwa n Arebbi, xeȓqen-d ḏi Yum Lqiyama.
Arḍa-ya qa imeḍhar-d ȓexxu wami d imeḍhar Ƹisa Lmasiḥ wenni iy ḏaneɣ isenjamen wenni isbeṭṭȓen ȓmewṯ. Ȓexxu s ufus n Lʼinjil yuwi-d ṯuḏarṯ ɣar nnur ḏ ṯenni war ifennin ca.
Iḏen ṯarwa-ya niṯni ḏ iwḏan ḏaysen marra aysum ḏ iḏammen. X manaya Ƹisa uȓa ḏ netta ḏayes ṯimesȓayin-a. Ammu s ȓmewṯ nnes isbeṭṭeȓ zzaƹim n ȓmewṯ iƹni ḏ Ibȓis.
Ȓebḥar isellem imettinen ig icca. Ȓmewṯ ḏ Lʼaxira sellment imettinen nsent. Uca kuȓ ijjen aḏ itwaḥaseb ƹlaḥsab ȓexḏayem nnes.
Ṯmenḍar-d ȓmewṯ ḏ Lʼaxira ḏi ȓebḥar n ṯmessi. Qa ȓebḥar nni n ṯmessi netta ig iǧan ḏ ȓmewṯ wis ṯnayen.
Aḏ imseḥ kuȓ ameṭṭaw zi ṯiṭṭawin nsen. War tɣimi ca ƹaḏ ȓmewṯ niɣ ḏ lḥuzen niɣ ḏ imeṭṭawen niɣ ḏ ȓeḥriq. Aqa ṯimesȓayin nni ṯimezwura ṣafi twakksent."
