1 Ayṯ-Kurinṯ 15:20 - Ṯarifiṯ 2020

²⁰ Fa aqa ȓexxu Lmasiḥ itwasekkar-d zi ȓmewṯ, iƹni netta ḏ ṯafeǧaḥṯ ṯamezwarut iy d ikkaren zeg yinni immuṯen.

1 Ayṯ-Kurinṯ 15:20 ပူးပေါင်းရင်းမြစ်များ

Ȓexḏayem 2:24

Walakin Arebbi netta isekkar-iṯ-iḏ iḍȓeq-as zi ȓeḥriq nni n ȓmewṯ xmi tarew, aqa ȓmewṯ war ḏas ṯzemmar.

Ȓexḏayem 26:23

Iƹni, Lmasiḥ wa labud aḏ itwaƹeddeb aḏ ibeccar lʼumma nneɣ s nnur ḏ marra yinni war iǧin ca zi Ayṯ-Israʼil liʼanna ḏ netta iy d ɣa ikkaren ḏ amezwaru zi ȓmewṯ."

Ayṯ-Ruma 8:11

Ṯumma meȓa izeddeɣ ḏaywem Arruḥ n Arebbi iy d isekkaren Ƹisa zi ȓmewṯ, ataf wenni iy d isekkaren Ƹisa zi ȓmewṯ aḏaywem d yarr ṯuḏarṯ uȓa ḏi ddat nwem ifennan iƹni s Arruḥ nnes iy ḏaywem izeddɣen.

1 Ayṯ-Kurinṯ 15:23

Walakin kuȓ ijjen nnubeṯ nnes: Lmasiḥ netta ḏ ṯafeǧaḥṯ ṯamezwarut. Xmi d ɣa iƹqeb netta, aḏ d tas nnubeṯ n yinni iǧan zzayes netta.

1 Ayṯ-Kurinṯ 15:6

Menbaƹd imeḍhar-asen-d i ktar zi xemsmiyya n wawmaṯen ḏi twaȓa ḏ icten. Niṯni ƹaḏ ddaren ƹaȓayen marra iḏsen, ȓebƹaḍ zzaysen aqa ṭṭṣen iƹni mmuṯen.

Ayṯ-Kulus 1:18

Ḏ netta iy iǧan ḏ azeǧif n ddat iƹni n jmaƹeṯ n ȓmuminin. Ḏ netta ig iǧan ḏ amezwaru, ḏ netta ig iǧan ḏ amenzu zeg imettinen bac ḏ netta iy ɣa yiȓin ḏ amezwaru ḏi ṯmesȓayin qaƹ.

1 Ayṯ-Salunik 4:16

Liʼanna Siḏiṯneɣ aqa aḏ d ihwa s yixef nnes zeg ujenna s yijjen n ṯɣuyyeṯ ṯemɣar ḏ yijjen n ṯmijja n lmalak nni ameqqran ḏ zzammar nni itṣuḍen n Arebbi, ȓexddenni imettinen tuɣa yumnen zi Lmasiḥ aḏ d kkaren ḏ imezwura.

1 Buṭrus 1:3

Aḏ itwabarek Arebbi, Babas n Siḏiṯneɣ Ƹisa Lmasiḥ iy ḏaneɣ yucin s arraḥmeṯ nnes ṯameqqrant ad nexȓeq ḏ jḏiḏ ɣar yijjen n lʼamal iddaren wami d isekkar Ƹisa Lmasiḥ zeg imettinen.

Lwaḥi 1:5

U ƹaweḏ akiḏwem yiȓi arḍa zi Ƹisa Lmasiḥ, netta ḏ ccaheḏ ḏayes ȓaman. Netta iy d ixeȓqen ḏ amezwaru n yinni iy d itekkaren zi ȓmewṯ, ḏ netta ig iḥekkmen x izeǧiḏen n ṯmurṯ. Iḥibb-aneɣ, ifekk-aneɣ zi ȓmuƹṣiyaṯ nneɣ s iḏammen nnes.

Lwaḥi 14:13

Sȓiɣ i yijjen n ṯmijja zeg ujenna ṯeqqar: "Ari manaya: Ssaƹḏ n imettinen iy ɣa immṯen ssa aȓ ṯsawent umnen zi Siḏiṯneɣ." Arruḥ n Arebbi iqqar: "Wah, ḥima aḏ reyyḥen zi tamara nsen ȓaḥeqqac ḏeffarent-ṯen lḥasanaṯ nsen."