1 Ayṯ-Kurinṯ 15:2 - Ṯarifiṯ 2020

² Aqa ṯnejjmem zzayes wami ḏayes teṭṭfem mliḥ ḏeg wawaȓ n ttebcir nni wenni iy zi kenniw beccareɣ. Meȓa lla, zaƹma lʼiman nwem ṯesbeṭṭȓem-ṯ.

1 Ayṯ-Kurinṯ 15:2 ပူးပေါင်းရင်းမြစ်များ

Luqa 8:13

Zzarriƹeṯ nni ig iwḍan jar yizra nettaṯ am yiwḏan iy tesȓan i wawaȓ n Arebbi, qebȓen-ṯ s ȓefraḥeṯ. Wami war uwṯin bu iẓewran mliḥ ḏeɣya tneqȓaƹen. Tamnen zzayes ɣir ḏeg yijjen n ȓweqṯ waha, ḏi ȓweqṯ n ȓemḥayen ḏeɣya teffɣen abriḏ.

Ȓexḏayem 2:47

Ḥemmḏen Arebbi, reṭṭan xasen yiwḏan marra. Kuȓ nhar yarenni-yasen Siḏi Arebbi ḏi lƹadad n yinni inejjmen.

Ȓexḏayem 8:13

Simƹan netta s yixef nnes yumen itwaṭehhar s waman. Imun ak Filippas itƹejjeb Simƹan wami iẓra lmuƹjizaṯ ḏ lburhanaṯ ḏ ṯimeqqranin ig itewqiƹen.

Ayṯ-Ruma 1:16

Aqa nec war tseḏḥiɣ ca zi Lʼinjil liʼanna Lʼinjil ḏ jjheḏ nni ig isxeddam Arebbi bac aḏ isenjem marra wi ɣa yamnen: Ayṯ-Israʼil ḏ imezwura ṯumma yinni war iǧin ca zi Ayṯ-Israʼil.

Ayṯ-Ruma 11:22

Iḏen xzar mecḥaȓ iṣbeḥ Arebbi mecḥaȓ iy iqseḥ. Iqseḥ x yinni iwḍan; iṣbeḥ akiḏec cek iƹni meȓa ṯeqqimeḏ ḏi ȓxir nnes. Meȓa lla ataf aḏ twaqesseḏ uȓa ḏ cek.

1 Ayṯ-Kurinṯ 1:18

Cuf, awaȓ n ṣṣalib netta ḏ ṯubbuhȓiya waha ɣar yinni war inejjmen ca, walakin ɣar neccin inejjmen awaȓ-a netta ḏ jjheḏ n Arebbi.

1 Ayṯ-Kurinṯ 1:21

Isbuheȓi-t s ȓefhameṯ n min netbeccar neccin. Mammec? S ȓefhameṯ-a n Arebbi iƹjeb-as aḏ isenjem yinni itamnen, walakin iwḏan n ddunect-a war zemmaren aṯ ssnen s ȓefhameṯ nsen.

1 Ayṯ-Kurinṯ 11:2

Fa tcekkareɣ-kenniw wami teƹqaȓem xafi ḏi marra ṯimesȓayin, ṯḥeffḍem ttaƹlim nni mammec ḏawem ṯ seȓmaḏeɣ nec.

1 Ayṯ-Kurinṯ 15:14

Maƹlik war d itwasekkar ca Lmasiḥ, iȓi ttebcir nneɣ ḏ ȓbaṭeȓ waha, iȓi kenniw lʼiman nwem uȓa ḏ netta ḏ ȓbaṭeȓ.

2 Ayṯ-Kurinṯ 2:15

Liʼanna neccin ḏ ijjen n ȓefwaḥ n Lmasiḥ ɣar Arebbi jar n yinni inejjmen ḏ yinni ifennan.

2 Ayṯ-Kurinṯ 6:1

Fa neccin ig ixeddmen ak Arebbi ntettar i kenniw neqqar-awem: Maci aḏ tqebbȓem arḍa n Arebbi war zzayes ṯxeddmem ca.

Ayṯ-Galaṭya 3:4

Marra min tƹeddbem, ma iruḥ ḏ ȓbaṭeȓ niɣ? Lla, imken maci ḏ ṣṣaḥ!

Ayṯ-Ufasus 2:8

Aqa s arḍa n Siḏi Arebbi iy zi ṯnejmem wami ṯumnem. Manaya war zzaywem d itekk ca zi kenniw; Lla, manaya itekk-d zi lhadiya n Arebbi.

Ayṯ-Kulus 1:23

Walakin labud aḏ teqqimem ḏi lʼiman nwem nican aḏ tbeddem x dsas, war ṯsemmḥem ca ḏi lʼamal n Lʼinjil tuɣa iy tesȓim. Lʼinjil-a twabeccarent zzayes qaƹ ṯimesȓayin itwaxeȓqen swadday ujenna, u nec Bulus ḏewȓeɣ ḏ axeddam nnes.

2 Ayṯ-Salunik 2:15

Iḏen ay ayṯma, beddem nican, ṭṭfem ḏi ttaƹalim nni iy kenniw nseȓmeḏ waxxa s wawaȓ nneɣ waxxa s ṯebrat nneɣ.

2 Timutawus 1:9

Isenjem-aneɣ iȓaɣa-yaneɣ-d s yijjen n uȓaɣi muqeddes. War ḏaneɣ d iȓaɣi ca ƹlaḥsab lḥasanaṯ nneɣ; Lla, iȓaɣa-yaneɣ-d ƹlaḥsab lɣaraḍ nnes netta ḏ arḍa nnes iy ḏaneɣ d yuca ḏi Ƹisa Lmasiḥ qbeȓ ma aḏ tebḏa ȓweqṯ n ddunect-a qaƹ.

Iƹibraniyen 10:23

A neṭṭef bȓa ma a neḍȓeq ḏi lʼamal nni iy xef ncehheḏ liʼanna Arebbi iy ḏaneɣ iweƹḏen ḏayes ttiqeṯ.

Iƹibraniyen 2:1

X manaya labud a d narr ȓbaȓ nneɣ i min netsȓa bac war nteffeɣ ca abriḏ.

Iƹibraniyen 3:14

Aqa neccin a niȓi ḏ imƹacaren ḏi Lmasiḥ iƹni meȓa neqqim neṭṭef mliḥ aȓ uneggaru ḏi ttiqeṯ nni iy tuɣa ɣarneɣ ḏ amezwaru.

Iƹibraniyen 3:6

Walakin Lmasiḥ netta ḏ Mmis iḥekkem x ayṯbab n ṯeddarṯ n Arebbi, itkellaf zzaysen nican. U neccin ḏ ayṯbab-a n ṯeddarṯ nnes iƹni meȓa neṭṭef mliḥ ḏi zƹameṯ nneɣ u ḏi lʼamal nneɣ iy xef nteftaxar.

Iƹibraniyen 4:14

Iḏen neccin a neṭṭef mliḥ ḏi lʼiman nneɣ iy xef ncehheḏ minzi ɣarneɣ ijjen n ȓefqi ameqqran imɣar yuḏef ḏeg ijennaṯen iƹḏu-ṯen, netta ḏ Ƹisa Mmis n Arebbi.

Yaƹqub 2:14

Ay ayṯma, min ṯ ɣa inefƹen bnaḏem meȓa iqqar nec ḏ ȓmumen walakin ȓexḏayem nnes war d tesbeyyinent ca belli netta ḏ ȓmumen? Ma ḏ lʼiman-a iy ṯ ɣa isnejmen? Lla ƹemmarṣ!

Yaƹqub 2:17

Lʼiman nnec amenni meȓa war d isbeyyen ca ȓexḏayem nnes itwaḥsab immuṯ.

Yaƹqub 2:26

Cuf, ddat n bnaḏem bȓa buḥbeȓ ṯemmuṯ, amenni lʼiman bȓa ȓexḏayem immuṯ.