1 Ayṯ-Kurinṯ 15:14 - Ṯarifiṯ 2020

¹⁴ Maƹlik war d itwasekkar ca Lmasiḥ, iȓi ttebcir nneɣ ḏ ȓbaṭeȓ waha, iȓi kenniw lʼiman nwem uȓa ḏ netta ḏ ȓbaṭeȓ.

1 Ayṯ-Kurinṯ 15:14 ပူးပေါင်းရင်းမြစ်များ

Matta 15:9

Iwḏan-a ƹebbḏen-ayi ḏi ȓxawi, ȓaḥeqqac seȓmaḏen ṯimesȓayin iǧan ḏ ȓuṣiyaṯ n bnaḏem waha.>"

Ȓexḏayem 17:31

Mayemmi? Arebbi izemmem ijjen n nhar iy ḏi ɣa iḥaseb marra iwḏan s ȓḥaqq x ufus n bnaḏem nni ig ixḍar. Yuca-asen ddalil i marra iwḏan x manaya wami ṯiḏ isekkar zi ȓmewṯ."

1 Ayṯ-Kurinṯ 15:13

Meȓa walu lqiyama n imettinen, uȓa ḏ Lmasiḥ war d itwasekkar ca.

1 Ayṯ-Kurinṯ 15:17

Maƹlik war d itwasekkar ca Lmasiḥ, iȓi kenniw zaƹma lʼiman nwem ḏ ȓbaṭeȓ waha, iȓi ƹaḏ aqa kenniw ḏi ȓmuƹṣiyaṯ nwem.

1 Ayṯ-Kurinṯ 15:2

Aqa ṯnejjmem zzayes wami ḏayes teṭṭfem mliḥ ḏeg wawaȓ n ttebcir nni wenni iy zi kenniw beccareɣ. Meȓa lla, zaƹma lʼiman nwem ṯesbeṭṭȓem-ṯ.

Ayṯ-Galaṭya 2:2

Ƹlaḥsab min zi ḏayi iweṣṣa Arebbi ḏeg yijjen n lwaḥi iy gaƹƹḏeɣ ḏinni sexbareɣ-ṯen x Lʼinjil iy zi tbeccareɣ jar ȓegnus. Walakin ggiɣ manayenni ɣir i yinni iǧan ḏ imeqqranen n jmaƹeṯ ḥima aḏ ssneɣ min xeḏmeɣ ḏ min tuɣa xeddmeɣ war iǧi ca ḏ ȓbaṭeȓ.

1 Ayṯ-Salunik 4:14

Cuf, neccin ntamen belli Ƹisa immuṯ ikkar-d, ntamen ƹaweḏ belli Arebbi ƹaḏ aḏ iysi yinni iṭṭṣen ḏeg imeḍȓan iy yumnen zi Lmasih aḏ iȓin ak Ƹisa.

Yaƹqub 1:26

Wenni itḥassaben ixef nnes ɣares ddin war iḥeṭṭi ca iȓes nnes, ataf ixeddeƹ ixef nnes waha war ɣares bu ddin.

Yaƹqub 2:20

Ay aryaz, cek ṯqefȓeḏ! Ma nec aḏawem d sbeyyneɣ belli lʼiman bȓa ȓexḏayem war ḏayes bu nnfaƹ?