1 Ayṯ-Kurinṯ 15:10 - Ṯarifiṯ 2020

¹⁰ Walakin nec s arḍa n Arebbi ḏewȓeɣ mammec ǧiɣ ȓexxu. Ṯumma arḍa nnes war iǧi bu xafi s bȓa nnfaƹ; Lla, nec ccaṯeɣ tamara ktar zzaysen marra. Maci ḏ nec zaƹma; Lla, ḏ arḍa n Arebbi iy kiḏi.

1 Ayṯ-Kurinṯ 15:10 ပူးပေါင်းရင်းမြစ်များ

Matta 10:20

War iǧi bu ḏ kenniw iy ɣa issiwȓen; Lla, ḏ Arruḥ n Babaṯwem iy ɣa issiwȓen ḏeg umcan nwem.

Matta 25:16

Ȓexddenni ikkar wenni umi yuca xemsaȓaf n ȓuznaṯ igga zzaysent ttijara irbeḥ xemsaȓaf nneɣni.

Ayṯ-Ruma 11:1

Iwa tseqsiɣ nec, Arebbi ma inkar ccaƹb nnes? Lla, ƹemmarṣ! Nec s yixef inu ḏ aʼisraʼili, zi ddurriṯ n Brahim zi Ayṯ-Benyamin.

Ayṯ-Ruma 12:3

Fa s lbaraka iy ḏayi yuca Arebbi qqareɣ i mkuȓ ijjen zzaywem: War ḥesseb ca ixef nnec ktar zi min ṯeƹniḏ. Cek fekkar s ȓaƹqeȓ nnec ƹlaḥsab mecḥaȓ n lʼiman iy ḏac yuca Arebbi.

1 Ayṯ-Kurinṯ 15:11

Falihaḏa waxxa ḏ nec niɣ ḏ niṯni, ḏ wanita ḏ ttebcir iy zi netbeccar ssenni kenniw ṯumnem zzayes.

1 Ayṯ-Kurinṯ 15:2

Aqa ṯnejjmem zzayes wami ḏayes teṭṭfem mliḥ ḏeg wawaȓ n ttebcir nni wenni iy zi kenniw beccareɣ. Meȓa lla, zaƹma lʼiman nwem ṯesbeṭṭȓem-ṯ.

1 Ayṯ-Kurinṯ 3:10

Nec ƹlaḥsab arḍa iy ḏayi yuca Arebbi ggiɣ ijjen n dsas am yijjen n lemƹallem ifsus netta. Yusa-d ijjen nneɣni ibenna x dsas-a. Walakin u labud kuȓ ijjen aḏ yarr ȓbaȓ mammec ɣa ibna x dsas-a.

1 Ayṯ-Kurinṯ 3:6

Nec ẓẓuɣ, Apullus isessew, u ḏ Arebbi iy kenniw iseɣmayen.

1 Ayṯ-Kurinṯ 4:7

Cek, wi c iscenƹen x unneɣni? Kuȓ ȓḥajeṯ iy ɣarek ṯemmuc-ac niɣ lla? Y cek, wami immuc-ac manayenni mayemmi teftaxareḏ axmi war ḏac immuc ca?

2 Ayṯ-Kurinṯ 12:11

Ƹaḏ ssawaȓeɣ s ṯubbuhȓiya-ya zaƹma, ḏ kenniw iy xafi ibezzen ammu. Cuf, tuɣa itxeṣṣa-kenniw aḏayi ṯcekarem, mayemmi? Liʼanna nec waxxa ḏ walu iy ǧiɣ, war ǧiɣ bu ḏ aneqṣi zi arrusul nni imezwura.

2 Ayṯ-Kurinṯ 3:5

Iƹni marra manaya war ḏas nzemmar ca neccin s yixef nneɣ. War netḥessib ca belli ṯizemmar-a tasent-id zzayneɣ; Lla, tasent-id zi Arebbi.

2 Ayṯ-Kurinṯ 6:1

Fa neccin ig ixeddmen ak Arebbi ntettar i kenniw neqqar-awem: Maci aḏ tqebbȓem arḍa n Arebbi war zzayes ṯxeddmem ca.

Ayṯ-Galaṭya 2:8

Minzi Arebbi ig isxeddamen ttebcir n Buṭrus am arrasul i Ayṯ-Israʼil, ḏ netta ig isxeddamen ƹaweḏ ttebcir inu am arrasul i yinni iǧan ḏ iyunaniyen.

Ayṯ-Filippas 2:13

Minzi ḏ Arebbi ig isxeddamen array nwem ḏ ȓexḏayem nwem bac aḏ teggem lɣaraḍ nnes ḏ aṣebḥan.

Ayṯ-Filippas 4:13

Qaƹ ṯimesȓayin zemmareɣ-asent s wenni iy ḏayi iticcen jjheḏ.

1 Ayṯ-Salunik 5:12

Fa ay ayṯma, neqqar-awem weqqarem yinni ixeddmen jarawem ig iǧan xawem nehhan-kenniw.

1 Timutawus 4:10

X manaya neccin nxeddem nrebbeȓ liʼanna negga lʼamal nneɣ ḏi Arebbi iddaren wenni isenjamen marra iwḏan xaṣṣatan ḏ yinni itamnen.