1 Ayṯ-Kurinṯ 14:37 - Ṯarifiṯ 2020

³⁷ Meȓa ijjen iḥesseb ixef nnes nican ḏ nnabi niɣ ḏ ijjen n bnaḏem ruḥiya ataf u labud aḏ iqbeȓ min ḏawem d tariɣ ḏi ṯebrat-a nettaṯ ḏ ȓuṣiyeṯ n Siḏiṯneɣ.

1 Ayṯ-Kurinṯ 14:37 ပူးပေါင်းရင်းမြစ်များ

Luqa 10:16

Inna-asen Ƹisa i imeḥḍaren nnes: "Wenni itsȓan i wawaȓ nwem, ataf itesȓa-yayi i nec. Wenni war kenniw iqbiȓen ca, ataf uȓa ḏ nec war ḏayi iqbiȓ ca. Wenni war ḏayi iqbiȓen ca nec, ataf war iqbiȓ ca wenni ḏayi d issekken."

Ayṯ-Ruma 12:3

Fa s lbaraka iy ḏayi yuca Arebbi qqareɣ i mkuȓ ijjen zzaywem: War ḥesseb ca ixef nnec ktar zi min ṯeƹniḏ. Cek fekkar s ȓaƹqeȓ nnec ƹlaḥsab mecḥaȓ n lʼiman iy ḏac yuca Arebbi.

1 Ayṯ-Kurinṯ 14:29

Fa lʼanbiya u labud aḏ ssiwȓen ṯnayen niɣ ṯȓaṯa. Inneɣni aḏ meyyzen awaȓen nni.

1 Ayṯ-Kurinṯ 14:36

Awaȓ n Arebbi, ma iffeɣ-d zzaywem kenniw? Ma yuweḍ-d ɣarwem kenniw waha?

1 Ayṯ-Kurinṯ 14:38

Meȓa war iqbiȓ ca manaya, war itwaqebbiȓ ca netta.

1 Ayṯ-Kurinṯ 2:15

Amma bnaḏem wenni ɣar iǧa Arruḥ n Arebbi. Itmeyyaz marra ṯimesȓayin, netta war ḏayes itmeyyiz ḥadd.

1 Ayṯ-Kurinṯ 3:1

Ay ayṯma, nec tuɣa war zemmareɣ ca akiḏwem ssiwȓeɣ am yiwḏan iteggen array i Arruḥ n Arebbi. Lla, ssiwȓeɣ akiḏwem am yiwḏan ig iteggen array i nnefs nsen, am iseyman waha iy d ixeȓqen ḏi Lmasiḥ.

1 Ayṯ-Kurinṯ 7:25

Fa ȓexxu aḏ ssiwȓeɣ x ṯḥarmucin war imȓicen ca. War ɣari bu ȓuṣiyeṯ zi Siḏiṯneɣ; Lla qqareɣ manaya s array inu. Teyyqem ḏayi ƹlaḥsab arraḥmeṯ n Siḏiṯneɣ.

1 Ayṯ-Kurinṯ 7:40

Walakin mammec twaȓiɣ nec, aḏ tfareḥ ktar meȓa ṯeqqim mammec ṯeǧa. Wah, tfekkareɣ belli uȓa ḏ nec akiḏi Arruḥ n Arebbi ḏi manaya.

1 Ayṯ-Kurinṯ 8:2

Ijjen meȓa itɣir-as issen, lla war issin ca. Ƹaḏ itxeṣṣa-yas aḏ issen.

2 Ayṯ-Kurinṯ 10:12

Cuf, war nzemmar a nqaran ixef nneɣ niɣ a nmeṯṯel ixef nneɣ ak yinni itcekkaren i yixef nsen. Yina xmi tmeyyazen ixef nsen ak wayawya niɣ tmeṯṯalen ixef nsen ak wayawya iƹni ḏaysen ȓeqfaȓeṯ.

2 Ayṯ-Kurinṯ 10:7

Kenniw ṯxezzarem ɣar min d itbanen x wuḏem waha. Meȓa can yijjen metʼakked netta zi Lmasiḥ u labud aḏ ifekkar uȓa ḏ neccin zi Lmasiḥ am netta.

2 Ayṯ-Kurinṯ 11:4

Liʼanna kenniw ṯeqqarem maƹlic waxxa yusa-d ɣarwem ijjen itbeccaren s yijjen n Ƹisa nneɣni mzuwwar maci ḏ wenni iy xef netbeccar neccin zi qbeȓ. Niɣ ḏeɣya ṯqebbȓem ijjen n arruḥ nneɣni mzuwwar maci ḏ wenni iy tuɣa ṯqebȓem zi qbeȓ. Niɣ ḏeɣya ṯqebbȓem ijjen n Lʼinjil nneɣni mzuwwar maci ḏ wenni iy tuɣa ṯqebȓem zi qbeȓ.

Ayṯ-Galaṭya 6:8

Wenni iy ɣa izerƹen min ṯexs ṭṭabiƹa ṯaƹeffant nnes azzayes imjar min ifennan. Wenni iy ɣa izerƹen min ixes Arruḥ iqeddsen azzayes imjar ṯuḏarṯ n ȓebda.

2 Buṭrus 3:2

Xseɣ aḏ tƹeqȓem x wawaȓen nni tuɣa nnan ḏi zman lʼanbiya ṣṣaliḥin; xseɣ aḏ tƹeqȓem ƹaweḏ x ȓuṣiyeṯ nni n Umsenjem nneɣ ḏ Siḏiṯneɣ iƹni ṯenni iy ḏawem d immucen s uqemmum n arrusul nwem.

1 Yuḥanna 4:6

Neccin zi Arebbi iy neǧa. Wenni issnen Arebbi itṣennaṭ-aneɣ. Wenni war iǧin ca zi Arebbi war ḏaneɣ itṣenniṭ ca. S manaya iy ɣa nessen Arruḥ n lḥaqiqa ḏ arruḥ n ixarriqen.

Yahuḏa 1:17

Fa kenniw ay imƹizzen inu, fekkareṯ min tuɣa qqaren zi qbeȓ arrusul n Siḏiṯneɣ Ƹisa Lmasiḥ.