1 Ayṯ-Kurinṯ 14:26 - Ṯarifiṯ 2020

²⁶ Iḏen fa ay ayṯma, xmi ɣa ṯmunem ijjen aɣares yiȓi ijjen n uɣennij, ijjen aɣares yiȓi ijjen n wawaȓ n useȓmeḏ, ijjen aɣares yiȓi lwaḥi, ijjen aɣares ṯiȓi lluɣa ruḥiya, ijjen aɣares ṯiȓi ttarjama. Marra ṯimesȓayin-a aḏ iȓint ḥima aḏ tjehḏem.

1 Ayṯ-Kurinṯ 14:26 ပူးပေါင်းရင်းမြစ်များ

Ayṯ-Ruma 1:13

Ay ayṯma, xseɣ aḏ tessnem belli aṭṭas n ṯwaȓaṯin teggeɣ aɣarwem d aseɣ, walakin ȓexxu ƹaḏ war ɣarwem d uwiḍeɣ. Nec xseɣ ȓxeḏmeṯ inu aḏ tenjeḥ ḏaywem mammec ṯenjeḥ jar ȓegnus nneɣni.

Ayṯ-Ruma 12:7

Ijjen meȓa itsexxar, u labud aḏ isexxar. Ijjen meȓa iseȓmaḏ, u labud aḏ iseȓmeḏ.

Ayṯ-Ruma 14:19

Iḏen fa itxeṣṣa-yaneɣ u labud a negg lmejhud nneɣ bac a negg min itawin ɣar ȓehna ḏ minzi ɣa ncejjeƹ ayawya.

Ayṯ-Ruma 15:2

Mkuȓ ijjen zzayneɣ itxeṣṣa-yas axas yarḍa wajjar nnes akiḏes igg ȓxir ḥima aḏ ijheḏ.

1 Ayṯ-Kurinṯ 14:15

Iwa min ɣa ggeɣ? Aḏ ẓẓaǧeɣ s arruḥ inu, aḏ ẓẓaǧeɣ ƹaweḏ s ȓaƹqeȓ inu. Aḏ ɣennjeɣ s arruḥ inu, aḏ ɣennjeɣ ƹaweḏ s ȓaƹqeȓ inu.

1 Ayṯ-Kurinṯ 14:2

Cuf, wenni issawaȓen s lluɣa ruḥiya, ma issawaȓ ak yiwḏan? Lla, issawaȓ ak Arebbi. War ḏinni ḥadd iy ḏas ifehhmen, iqqar ṯimesȓayin s Arruḥ iqeddsen ḏaysent ȓmaƹnaṯ inuffaren.

1 Ayṯ-Kurinṯ 14:27

Meȓa ṯessiwȓem s yijjen n lluɣa ruḥiya, labud aḏ tessiwȓem ṯnayen niɣ ṯȓaṯa u ṣafi. Aḏ tessiwȓem ij-ij, u labud aḏ iqqim ijjen zzaywem aḏ istarjem.

1 Ayṯ-Kurinṯ 14:40

Walakin itxeṣṣa-kenniw aḏ teggem kuȓci maƹqul s yijjen n nniḍam nican.

2 Ayṯ-Kurinṯ 12:19

Mecḥaȓ zeg wami ṯnewwam zaƹma ndafeƹ x yixef nneɣ zzaṯwem waha? Lla ay imƹizzen inu, nessawaȓ marra manaya ḏi Lmasiḥ zzaṯ i Arebbi bac akenniw nsejheḏ.

2 Ayṯ-Kurinṯ 13:10

S manaya iy tariɣ nec ṯimesȓayin-a ḏi ṯebrat-a nec ɣabeɣ xawem. Ammu xmi iy d ɣa ƹeqbeɣ ɣarwem war xseɣ ca aḏ iȓiɣ qesḥeɣ akiḏwem ƹlaḥsab ssulṭa nni iy ḏayi yuca Siḏiṯneɣ. Yuca-ayi-t bac akenniw sjehḏeɣ maci akenniw rzeɣ.

Ayṯ-Ufasus 4:12

Niṯni aḏ swejḏen i ṣṣaliḥin aḏ xeḏmen ccɣeȓ n Arebbi bac jmaƹeṯ n Lmasiḥ aḏ tejheḏ.

Ayṯ-Ufasus 4:16

Zzayes zi Lmasiḥ ddat ṯekmaȓ n jmaƹeṯ ṯmun aqat ḏ icten s qaƹ ȓemfaseȓ nni iy ḏayes. U kuȓ ṭṭarf nnes meȓa ixeddem nican ataf aḏ isemɣer ddat-a u s yixef nnes aḏ tebna s ȓemḥibbeṯ.

Ayṯ-Ufasus 4:29

War tejjaṯ ca aḏ d iffeɣ zeg uqemmum nwem can wawaȓ ḏ aƹeffan. Lla, aḏ d iffeɣ zzayes ɣiȓ awaȓ aṣebḥan wenni itcejjaƹen ḏ wenni itḥellalen bac azzayes snefƹen yinni ḏas itesȓan.

Ayṯ-Ufasus 5:19

Siwȓem ag wayawya s wawaȓen n Zzabur ḏ lʼamdaḥ ḏ yizȓan ruḥiya. Ɣennjem, ggem lmusiqa i Siḏi Arebbi ḏeg wuȓawen nwem.

1 Ayṯ-Salunik 5:11

Falihaḏa tcejjaƹeṯ ayawya tƹawaneṯ ayawya mammec teggem ȓexxu.