1 Ayṯ-Kurinṯ 14:15 - Ṯarifiṯ 2020

¹⁵ Iwa min ɣa ggeɣ? Aḏ ẓẓaǧeɣ s arruḥ inu, aḏ ẓẓaǧeɣ ƹaweḏ s ȓaƹqeȓ inu. Aḏ ɣennjeɣ s arruḥ inu, aḏ ɣennjeɣ ƹaweḏ s ȓaƹqeȓ inu.

1 Ayṯ-Kurinṯ 14:15 ပူးပေါင်းရင်းမြစ်များ

Ȓexḏayem 21:22

Bȓa ccekk aḏ sȓen qa cek illa ṯusiḏ-d. Iwa, mammec ɣa negg?

Ayṯ-Ruma 1:9

Liʼanna Arebbi iy ƹebbḏeɣ s marra uȓ inu tbeccareɣ s Lʼinjil n Mmis, netta qa issen tfekkareɣ ḏaywem ȓebda ḏi ṯẓaǧiṯ inu. Tettareɣ meȓa ixes Arebbi aȓ uneggaru aḏ afeɣ abriḏ aɣarwem d aseɣ.

Ayṯ-Ruma 3:5

Fa meȓa ȓbaṭeȓ nneɣ iy ntegg ismeḍhar-d ȓḥaqq n Arebbi, min ɣa nini? (Nec ssawaȓeɣ ƹlaḥsab lfikra n bnaḏem.) Arebbi, ma iḍeǧem-aneɣ xmi ḏaneɣ itƹaqab?

Ayṯ-Ruma 8:31

Iwa, min ɣa nini menbaƹd i marra manaya? Meȓa Arebbi aqaṯ akiḏneɣ, uw izemmaren aḏ yiȓi ḍed nneɣ?

1 Ayṯ-Kurinṯ 10:19

Min xseɣ nec aḏ iniɣ? Ma qqareɣ belli lmakla nni itqeddamen i lʼaṣnam nettaṯ ḏ ca n ȓḥajeṯ? Niɣ qqareɣ belli lʼaṣnam niṯni ḏ ca n ȓḥajeṯ?

1 Ayṯ-Kurinṯ 14:14

Liʼanna meȓa ẓẓuǧeɣ s lluɣa ruḥiya, arruḥ inu itẓaǧa walakin ȓaƹqeȓ inu war istenfiƹ ca.

1 Ayṯ-Kurinṯ 14:19

Innama, meȓa ssiwȓeɣ ak jmaƹeṯ n ȓmuminin ɣir s xemsa n wawaȓen ataf aḏayi fehhmen ḥsen zi meȓa ssiwȓeɣ s ƹecraȓaf n wawaȓen s yijjen n lluɣa ruḥiya.

1 Ayṯ-Kurinṯ 14:26

Iḏen fa ay ayṯma, xmi ɣa ṯmunem ijjen aɣares yiȓi ijjen n uɣennij, ijjen aɣares yiȓi ijjen n wawaȓ n useȓmeḏ, ijjen aɣares yiȓi lwaḥi, ijjen aɣares ṯiȓi lluɣa ruḥiya, ijjen aɣares ṯiȓi ttarjama. Marra ṯimesȓayin-a aḏ iȓint ḥima aḏ tjehḏem.

Ayṯ-Ufasus 6:18

Marra ḍḍuruf iy ḏi ṯeǧam ttarem i Arebbi xasen s Arruḥ iqeddsen s marra lʼanwaƹ n ṯẓaǧiṯ ḏ dduƹaʼ. Sxeḏmem ȓaƹqeȓ nwem ḏi manaya, arrem-d ȓbaȓ nwem s yijjen n ṣṣbar, ttarem x marra ṣṣaliḥin.

Ayṯ-Filippas 1:18

Walakin maƹlic, s ṯnayen n ibriḏen-a Lmasiḥ itwabeccar. Ḏ manayenni iy iǧan muhim waxxa s wuȓ iy iǧan ḏ aɣeddar niɣ s wuȓ iy iǧan iṣfan. U s manayenni iy zi farḥeɣ nec. Wah, aḏ qqimeɣ nec farrḥeɣ.

Ayṯ-Kulus 3:16

Jjem awaȓen n Lmasiḥ aḏaywem zeḏɣen s marra lbaraka nsen. S marra ȓefhameṯ itxeṣṣa ijjen aḏ isefhem unneɣni, ijjen aḏ inha unneɣni. Ɣennjem s wawaȓen n Zzabur ḏ lʼamdaḥ ḏ yizȓan ruḥiya akiḏes ṯeggem ijjen n ccuker ḏeg wuȓawen nwem i Arebbi.

Yaƹqub 5:13

Meȓa ḏin can yijjen jarawem itwaƹeddab, itxeṣṣa-yas aḏ iẓẓaǧ. Meȓa ḏin can yijjen jarawem ifarreḥ, itxeṣṣa-yas aḏ iɣennej i Arebbi.

Yahuḏa 1:20

Kenniw ay imƹizzen inu, bnaṯ ixef nwem ḏi dsas n lʼiman yuƹȓan iy iǧan ḏaywem, ẓaǧem s Arruḥ iqeddsen.