1 Ayṯ-Kurinṯ 14:12 - Ṯarifiṯ 2020

¹² Iwa kenniw, wami ṯrezzum aṭṭas x lqudraṯ ruḥiyaṯ, ggeṯ lmejhud nwem ḥima aḏ tarnum ḏi ṯinni iy zi istenfaƹen jmaƹeṯ n ȓmuminin.

1 Ayṯ-Kurinṯ 14:12 ပူးပေါင်းရင်းမြစ်များ

Ayṯ-Ruma 14:19

Iḏen fa itxeṣṣa-yaneɣ u labud a negg lmejhud nneɣ bac a negg min itawin ɣar ȓehna ḏ minzi ɣa ncejjeƹ ayawya.

1 Ayṯ-Kurinṯ 12:31

Fa kenniw ṯrezzum aṭṭas x lqudraṯ yuƹȓan, nec aḏawem cerrḥeɣ ijjen n ubriḏ yuƹȓan x marra ibriḏen.

1 Ayṯ-Kurinṯ 12:7

Immuc-as i kuȓ ijjen iy zi ɣa ismeḍhar ȓxeḏmeṯ n Arruḥ iqeddsen bac aḏ infeƹ marra iwḏan.

1 Ayṯ-Kurinṯ 14:1

Ḏfareṯ abriḏ n ȓemḥibbeṯ, rzuṯ mliḥ x lqudraṯ ruḥiyaṯ xaṣṣatan ṯenni n wawaȓ itwaƹeȓmen zi Arebbi.

1 Ayṯ-Kurinṯ 14:13

S manayenni, wenni issawaȓen s lluɣaṯ ruḥiyaṯ itxeṣṣa-yas aḏ iẓẓaǧ ḥima aḏ istarjem min iqqar.

1 Ayṯ-Kurinṯ 14:26

Iḏen fa ay ayṯma, xmi ɣa ṯmunem ijjen aɣares yiȓi ijjen n uɣennij, ijjen aɣares yiȓi ijjen n wawaȓ n useȓmeḏ, ijjen aɣares yiȓi lwaḥi, ijjen aɣares ṯiȓi lluɣa ruḥiya, ijjen aɣares ṯiȓi ttarjama. Marra ṯimesȓayin-a aḏ iȓint ḥima aḏ tjehḏem.

1 Ayṯ-Kurinṯ 14:5

Iwa xseɣ marra kenniw aḏ tessiwȓem s lluɣaṯ ruḥiyaṯ, walakin mliḥ ƹaḏ aḏ tessiwȓem s wawaȓen iy ṯƹeȓmem zi Arebbi. Wenni issawaȓen s wawaȓ ig iƹȓem zi Arebbi netta imɣar x wenni issawaȓen s lluɣaṯ ruḥiyaṯ, illa meȓa can yijjen aḏ istarjem ḥima aḏ istenfeƹ jmaƹeṯ n ȓmuminin.

Titus 2:14

Netta iṣeddeq xaneɣ ixef nnes ḏ ijjen n lfidya x marra ccarr nneɣ u ƹaweḏ bac aḏ issiṣfa ijjen n ccaƹb i yixef nnes ataf aḏ iȓin nnes mujudin aḏ ggen lḥasanaṯ.