1 Ayṯ-Kurinṯ 13:13 - Ṯarifiṯ 2020

¹³ Aqaṯen ȓexxu qqimen ṯȓaṯa-ya: lʼiman ḏ lʼamal ḏ ȓemḥibbeṯ yina. Maca zi yina ȓemḥibbeṯ ṯuƹȓa.

1 Ayṯ-Kurinṯ 13:13 ပူးပေါင်းရင်းမြစ်များ

Luqa 10:27

Yarra xas wenni inna-as: "Itxeṣṣa-ac aḏ texseḏ Siḏi Arebbi nnec s marra uȓ nnec ḏ marra arruḥ nnec ḏ marra jjheḏ nnec ḏ marra ȓaƹqeȓ nnec. Aḏ texseḏ ajjar nnec amecnaw ixef nnec."

Luqa 22:32

Tettareɣ akiḏec ɣar Siḏi Arebbi ḥima lʼiman nnec war ineqqeṣ ca. Xmi ɣari d ɣa ṯḏewȓeḏ, cejjeƹ ayṯmac."

Ayṯ-Ruma 15:13

Arebbi wenni iticcen lʼamal, akenniw iccur s ȓefraḥeṯ ḏ ȓehna wami zzayes ṯumnem bac aḏ tenfeyyḍem s lʼamal s jjheḏ n Arruḥ iqeddsen.

1 Ayṯ-Kurinṯ 14:1

Ḏfareṯ abriḏ n ȓemḥibbeṯ, rzuṯ mliḥ x lqudraṯ ruḥiyaṯ xaṣṣatan ṯenni n wawaȓ itwaƹeȓmen zi Arebbi.

1 Ayṯ-Kurinṯ 16:14

Marra min ɣa ṯeggem kenniw teggem-ṯ s ȓemḥibbeṯ.

1 Ayṯ-Kurinṯ 3:14

Wenni ibnan x dsas-a ȓxeḏmeṯ nnes nican war t tett ca ṯmessi, ataf aṯ ijaza.

1 Ayṯ-Kurinṯ 8:1

Fa lmakla itqeddamen i lʼaṣnam. Neccin marra iḏneɣ ɣarneɣ ṯusna, iƹni nessen ṯimesȓayin. Ṯusna-ya iy nessen tsuffa iwḏan s ttakebbur, walakin ȓemḥibbeṯ tarni ḏayneɣ jjheḏ.

1 Ayṯ-Kurinṯ 8:3

Walakin wenni itḥibban Arebbi, ataf Arebbi issen-iṯ netta.

2 Ayṯ-Kurinṯ 5:10

Liʼanna labud a nbedd marra iḏneɣ zzaṯ i lƹarc n Lmasiḥ mani iy ɣa netwaḥkem. Kuȓ ijjen aṯ ijaza x min isḏaheǧ ƹlaḥsab ṯimesȓayin nni ig igga wami izḏeɣ ḏi ddat, ḏ ṯiṣebḥanin niɣ ḏ ṯiƹeffanin.

2 Ayṯ-Kurinṯ 5:15

Immuṯ netta ƹlaḥsab marra iwḏan bac yinni iddaren war teddaren ca i yixef nsen waha, aḏ ddaren i wenni xasen immuṯen ṯumma itwasekkar-d zi ȓmewṯ.

Ayṯ-Galaṭya 5:6

Liʼanna ḏi Ƹisa Lmasiḥ iƹni bnaḏem meȓa igga ṭṭahareṯ niɣ war t iggi ca, manaya war ineffeƹ s walu. Min ineffƹen? Ineffeƹ lʼiman ig ixeddmen ccɣeȓ nnes s ȓemḥibbeṯ.

Ayṯ-Filippas 1:9

Ḏ ṯanita ḏ ṯẓaǧiṯ inu ataf aḏ tarni ȓemḥibbeṯ nwem ktar u ktar bac aḏ tessnem marra aḏ tmeyyzem marra.

Ayṯ-Kulus 1:27

Niṯni ixḍar-iṯen Arebbi bac aḏ xebbaren i yinni war iǧin ca zi Ayṯ-Israʼil aḏasen inin mecḥaȓ imɣar ȓxir-a lƹaḍim n ȓmaƹna inuffaren wanita. Min iƹna ȓmaƹna-ya? Lmasiḥ netta iǧa ḏaywem, ḏ lʼamal n lƹaḍama.

Ayṯ-Kulus 1:5

Lʼiman-a ḏ ȓemḥibbeṯ-a tasen-d zi lʼamal nni itwaxemmȓen i kenniw ḏeg ujenna. Tuɣa ṯesȓim xas ḏeg wawaȓ n ȓḥaqq iƹni ḏi Lʼinjil iy ɣarwem d yuwḍen. Ḏi marra ddunect-a Lʼinjil-a itarew itemɣar, mamc ƹaweḏ ixeddem jarawem zeg wami iy ḏas ṯesȓim ṯfehmem ḏ ṣṣaḥ arḍa n Arebbi.

Ayṯ-Kulus 3:14

Ktar marra zi ṯmesȓayin-a ṯina itxeṣṣa aḏ tesxeḏmem ȓemḥibbeṯ jarawem minzi ȓemḥibbeṯ-a tas-d am yijjen n usɣun ig ismunen marra ṯimesȓayin-a ḏeg yicten.

1 Ayṯ-Salunik 1:3

Netxemmam zzaṯ n Arebbi iǧan ḏ Babaṯneɣ mecḥaȓ ixeddem lʼiman nwem, mecḥaȓ ṯrebbeȓ ȓemḥibbeṯ nwem, u mecḥaȓ iṣebbar lʼamal nwem ḏi Siḏiṯneɣ Ƹisa Lmasiḥ.

1 Ayṯ-Salunik 5:8

Neccin lla, neccin ḏ ṯarwa n nhar, aɣarneɣ yiȓi ȓaƹqeȓ. A negg ṯjilit nni n ȓeḥḏiḏ iǧan nettaṯ n lʼiman ḏ ȓemḥibbeṯ. A negg lkask nneɣ iǧan netta ḏ lʼamal n ufekki.

1 Timutawus 1:5

Min iƹna lɣaraḍ n ȓuṣiyeṯ-a? Lɣaraḍ nnes ḏ ijjen n ȓemḥibbeṯ iy d itasen zeg wuȓawen iṣfan ḏ yijjen n ḍḍamir ḏ aṣebḥan ḏ yijjen n lʼiman bȓa nnifaq.

2 Timutawus 1:7

Aqa Arebbi war ḏaneɣ yuci ca ijjen n arruḥ n ṯiggwḏi; Lla, qa yuca-aneɣ-d ijjen arruḥ n jjheḏ ḏ ȓemḥibbeṯ ḏ ȓeḥkam x yixef nneɣ s ȓaƹqeȓ.

Iƹibraniyen 10:35

Iḏen ejjeṯ ttiqeṯ nwem, nettaṯ aḏawem d ṯawi ijjen n lʼajar imɣar.

Iƹibraniyen 10:39

Walakin neccin maci zeg yinni itƹeqaben ɣar ḏeffar bac a nefna; Lla, neccin zeg yinni itamnen a nsenjem ȓaƹmar nneɣ.

Iƹibraniyen 6:11

Nexs aḏ tḥawȓem kenniw s wuȓ kuȓ ijjen am qbeȓ bac aḏ tiȓim kenniw metʼakeddin ḏi lʼamal nwem aȓ uneggaru.

Iƹibraniyen 6:19

Lʼamal-a itiȓi ɣarneɣ am yijjen n uȓiyzim n uɣarrabu n ȓaƹmar nneɣ, irseq s jjheḏ war iḍeǧeq. Yuḏef lʼamal-a iƹḏu ɣar ḏeffar n arrwaq n Uxxam Amqeddes Aṭṭas.

1 Buṭrus 1:21

Zzayes netta iy zi tamnem zi Arebbi iy ṯiḏ isekkaren zeg imettinen, yuca-as lƹaḍama bac ttiqeṯ nwem ḏ lʼamal nwem tiȓin ḏi Arebbi.

1 Yuḥanna 2:10

Walakin wenni itexsen umas ataf netta itƹic ḏi nnur ataf war ɣares min ṯ ɣa iɣeḍȓen.

1 Yuḥanna 2:14

A ibabaṯen, nec uriɣ-awem-d ȓaḥeqqac kenniw ṯessnem wenni iy iǧan zeg umezwaru. A iƹzriyen, nec uriɣ-awem-d ȓaḥeqqac kenniw ṯjehḏem, awaȓ n Arebbi izeddeɣ ḏaywem, kenniw ṯɣeȓbem x lmufsid nni.

1 Yuḥanna 2:24

Iwa arrem-d ȓbaȓ nwem bac aḏaywem iqqim min ṯesȓim zeg umezwaru. Meȓa iqqim ḏaywem awaȓ nni iy ṯesȓim zeg umezwaru, ataf uȓa ḏ kenniw aḏ teqqimem ḏi Mmis ak Arebbi Babas.

1 Yuḥanna 3:3

U marra wenni ɣar iǧa l'amal-a aḏ issiṣfa ixef nnes am mammec iǧa netta iṣfa.

1 Yuḥanna 3:9

Wenni d ixeȓqen zi Arebbi war iqqim ca isxeddam ȓmuƹṣiyaṯ ȓaḥeqqac ṯaqquct n Arebbi ṯzeddeɣ ḏayes. War izemmar ca aḏ iqqim ḏi ȓmuƹṣiyaṯ ȓaḥeqqac ixȓeq-d zi Arebbi.