1 Ayṯ-Kurinṯ 12:9 - Ṯarifiṯ 2020

⁹ Ijjen immuc-as lʼiman ijheḏ s ufus n Arruḥ-a wanita. Ijjen mmucent-as can lqudraṯ bac aḏ isgenfa s ufus n Arruḥ-a wanita.

1 Ayṯ-Kurinṯ 12:9 ပူးပေါင်းရင်းမြစ်များ

Matta 10:8

Sgenfam imehȓac, sfaqem-d yinni immuṯen, siṣfam yinni ig iǧa jḏam, sufɣem jnun. Manaya immuc-awem baṭeȓ, uȓa ḏ kenniw ucem-ṯ baṭeȓ!

Matta 21:21

Indeq-d Ƹisa inna-asen: "Aqa tesȓam ȓḥaqq: Mȓi ḏaywem lʼiman war ṯcekkim ca, ataf aḏ teggem ktar zi min itwaggen i ṯcejjarṯ-a. Meȓa ṯennim i uḏrar-a: Neqȓeƹ-d cek ssanita ṯmenḍareḏ ḏi ȓebḥar, ataf aḏ ineqȓeƹ.

Marqus 16:18

aḏ ysin ifiɣeran s ifassen nsen. Meȓa swin min ineqqen, ataf war ṯen iḍarri ca. Aḏ sersen ifassen nsen x imehȓac aḏ genfan."

Marqus 6:13

Sufɣen aṭṭas n jnun, ḏehnen i waṭṭas n imehȓac s zzect sgenfan-ṯen.

Luqa 10:9

Sgenfam imehȓac nsen inim-asen qa ȓmulk n Arebbi yuḏes-d ɣarwem.

Luqa 9:2

Issekk-iṯen ḥima aḏ beccaren s ȓmulk n Arebbi aḏ sgenfan imehȓac.

Ȓexḏayem 5:15

Iwḏan sufuɣen-d imehȓac nsen ɣar znaqi, srusan-ṯen x ṯassuṯ ḏ ijarṯiȓen ḥima axmi ssenni d ɣa iƹḏu Buṭrus, imken aḏ iȓqef ȓebƹaḍ zzaysen s ṯiȓi nnes.

1 Ayṯ-Kurinṯ 12:28

Ḏi jmaƹeṯ-a n ȓmuminin iretteb Arebbi ḏ amezwaru arrusul, wis ṯnayen lʼanbiya, wis ṯȓaṯa imseȓmaḏen, menbaƹd yinni isxeddamen lmuƹjizaṯ ḏ yinni ɣar ǧant lqudraṯ bac aḏ sgenfan iwḏan, ḏ yinni itƹawanen, ḏ yinni itkellafen s ȓxeḏmeṯ, ḏ yinni issawaȓen s ȓebƹaḍ n lluɣaṯ ruḥiyaṯ.

1 Ayṯ-Kurinṯ 12:30

Ma marra iḏsen ɣarsen lqudraṯ aḏ sgenfan? Ma marra iḏsen ssawaȓen s lluɣaṯ ruḥiyaṯ? Ma marra iḏsen starjamen?

1 Ayṯ-Kurinṯ 13:2

Nec maƹlik ɣari lqudra aḏ ssiwȓeɣ am lʼanbiya, maƹlik fehmeɣ marra min inuffaren ḏ marra ṯusna, maƹlik sxeddameɣ lʼiman aḏ smuttiɣ iḏurar-a, iȓi ḏ walu iy ǧiɣ nec meȓa war tḥibbiɣ ca.

2 Ayṯ-Kurinṯ 4:13

Iqqar yijjen ḏi Lkitab: "Umneɣ, s manaya ssiwȓeɣ." Nnefs lʼiman-a iǧan ḏayneɣ, zzayes iy ntamen zzayes iy nessawaȓ.

Ayṯ-Ufasus 2:8

Aqa s arḍa n Siḏi Arebbi iy zi ṯnejmem wami ṯumnem. Manaya war zzaywem d itekk ca zi kenniw; Lla, manaya itekk-d zi lhadiya n Arebbi.

Iƹibraniyen 11:33

S lʼiman kkaren niṯni rebḥen lmemlakaṯ, ḥekmen s ȓḥaqq, ḥerṯen x lwuƹud, bellƹen iqemmumen n sbuƹaṯ,