1 Ayṯ-Kurinṯ 12:28 - Ṯarifiṯ 2020

²⁸ Ḏi jmaƹeṯ-a n ȓmuminin iretteb Arebbi ḏ amezwaru arrusul, wis ṯnayen lʼanbiya, wis ṯȓaṯa imseȓmaḏen, menbaƹd yinni isxeddamen lmuƹjizaṯ ḏ yinni ɣar ǧant lqudraṯ bac aḏ sgenfan iwḏan, ḏ yinni itƹawanen, ḏ yinni itkellafen s ȓxeḏmeṯ, ḏ yinni issawaȓen s ȓebƹaḍ n lluɣaṯ ruḥiyaṯ.

1 Ayṯ-Kurinṯ 12:28 ပူးပေါင်းရင်းမြစ်များ

Marqus 16:17

Ḏ ṯina ḏ lƹalamaṯ iy d ɣa imeḍharen ak yinni itamnen: Aqa niṯni aḏ sufɣen jnun ƹlaḥsab isem inu, aḏ ssiwȓen s yiȓesawen ḏ jḏiḏ,

Luqa 6:14

Ḏinni Simƹan, isemma-ṯ Buṭrus, ḏ wumas Andrus, ḏ Yaƹqub, ḏ Yuḥanna, ḏ Filippas, ḏ Bartulumay,

Ȓexḏayem 11:27

Ḏi ȓiyyam nni hwan-d can n lʼanbiya zi Lquds ɣar Wanṭakya.

Ȓexḏayem 20:28

Ḥḍaṯ ixef nwem. Ḥḍaṯ ṯḥimerṯ nwem, ṯenni iy zi kenniw ikellef Arruḥ iqeddsen. Arewseṯ jmaƹeṯ n ȓmuminin n Arebbi qa netta iseɣ-it s iḏammen nnes.

1 Ayṯ-Kurinṯ 10:32

War ɣeṭṭȓeṯ ḥadd waxxa niṯni ḏ israʼiliyen niɣ ḏ iyunaniyen niɣ ḏ jmaƹeṯ n ȓmuminin n Arebbi.

1 Ayṯ-Kurinṯ 12:18

Walakin ȓexxu Arebbi isettef ṭrufaṯ n ddat issen kuȓ icten mammec ixes at igg.

1 Ayṯ-Kurinṯ 12:29

Ma zaƹma marra iḏsen ḏ arrusul? Ma marra iḏsen ḏ lʼanbiya? Ma marra iḏsen ḏ imseȓmaḏen? Ma marra iḏsen sxeddamen lmuƹjizaṯ?

1 Ayṯ-Kurinṯ 12:30

Ma marra iḏsen ɣarsen lqudraṯ aḏ sgenfan? Ma marra iḏsen ssawaȓen s lluɣaṯ ruḥiyaṯ? Ma marra iḏsen starjamen?

1 Ayṯ-Kurinṯ 14:2

Cuf, wenni issawaȓen s lluɣa ruḥiya, ma issawaȓ ak yiwḏan? Lla, issawaȓ ak Arebbi. War ḏinni ḥadd iy ḏas ifehhmen, iqqar ṯimesȓayin s Arruḥ iqeddsen ḏaysent ȓmaƹnaṯ inuffaren.

1 Ayṯ-Kurinṯ 14:4

Wenni issawaȓen s lluɣa ruḥiya istenfaƹ ixef nnes. Wenni issawaȓen s min iƹȓem zi Arebbi istenfaƹ jmaƹeṯ n ȓmuminin.

1 Ayṯ-Kurinṯ 14:5

Iwa xseɣ marra kenniw aḏ tessiwȓem s lluɣaṯ ruḥiyaṯ, walakin mliḥ ƹaḏ aḏ tessiwȓem s wawaȓen iy ṯƹeȓmem zi Arebbi. Wenni issawaȓen s wawaȓ ig iƹȓem zi Arebbi netta imɣar x wenni issawaȓen s lluɣaṯ ruḥiyaṯ, illa meȓa can yijjen aḏ istarjem ḥima aḏ istenfeƹ jmaƹeṯ n ȓmuminin.

Ayṯ-Ufasus 2:20

Ṯaddarṯ-a nettaṯ ṯebna x dsas n yizra iy iǧan ḏ arrusul ḏ lʼanbiya. U Lmasiḥ s yixef nnes aqaṯ ḏ azru nni iy iǧan ḏeg umcan aṣebḥan ḏi ṯɣemmarṯ n dsas nnes.

Ayṯ-Ufasus 3:5

Ȓmaƹna-ya war ṯiḏ ismeḍhar ca Arebbi i ṯarwa n Adam ḏi zmanaṯ iy iƹḏun am mammec ṯiḏ ismeḍhar ȓexxu s Arruḥ iqeddsen i arrusul ṣṣaliḥin ak lʼanbiya.

1 Timutawus 5:17

Imeqqranen n jmaƹeṯ n ȓmuminin yinni iteḥkamen mliḥ u labud aṯen tweqqarem ḏ ḍubli, xaṣṣatan yinni ixeddmen aṭṭas ḏeg uḥeddeṯ ḏ useȓmeḏ.

Iƹibraniyen 13:17

Ṭaƹeṯ i yinni xawem itrayyan, ggem-asen array minzi ḏ yinni ig iḥeṭṭan ȓaƹmar nwem. Aḏ ucen niṯni ȓeḥsab x manaya i Arebbi. Ṭaƹeṯ i yina bac ȓxeḏmeṯ nsen azzayes farḥen war xasen tbessiȓ ca. Meȓa ṯeggim ṯaɣennant ataf war kenniw ineffeƹ walu.

Iƹibraniyen 13:24

Siwḍem-asen sȓam i marra yinni iy xawem itrayyan ḏ marra ṣṣaliḥin. Yina zi Iṭalya sawwaḍen-awem-d sȓam.