1 Ayṯ-Kurinṯ 12:11 - Ṯarifiṯ 2020

¹¹ Marra ṯimesȓayin-a ṯina twasxeddament s ufus n yijjen n Arruḥ wanita. Ifareq-iṯent i kuȓ ijjen waḥḏes mammec ixes netta.

1 Ayṯ-Kurinṯ 12:11 ပူးပေါင်းရင်းမြစ်များ

Matta 11:26

Wah a Baba, ȓaḥeqqac ammu iy xak yarḍa.

Matta 20:15

Ma war ɣari ȓḥaqq aḏ ggeɣ min xseɣ zi ṯmesȓayin inu? Niɣ ṯḥesḏeḏ-ayi wami ǧiɣ ṣaxiy?

Yuḥanna 3:27

Inna-asen Yaḥya: "War izemmar bnaḏem aɣares ṯiȓi can ṯmesȓayṯ meȓa war ḏas d tusi ca zi Arebbi.

Yuḥanna 3:8

Arriḥ itṣuḍ mani ixes netta. Aḏ tesȓiḏ i ṣṣut nnes, walakin war ṯessineḏ ca manis d ikka uȓa ḏ mani ɣa iraḥ. Ammu iy ggin marra yinni itwaxeȓqen s Arruḥ n Arebbi."

Yuḥanna 5:21

Mammec d isnekkar Babas yinni immuṯen iticc-asen ṯuḏarṯ, uȓa ḏ Mmis iticc-asen ṯuḏarṯ i yinni ixes.

Ayṯ-Ruma 12:6

Ƹlaḥsab lbaraka iy ḏaneɣ immucen ɣarneɣ neccin lqudraṯ, kuȓ lqudra war tcibbih ca ḏi ṯenneɣni. Ijjen meȓa yuca-as Arebbi lwaḥi, u labud aḏ isexḏem lqudra-ya ƹlaḥsab lʼiman nnes.

Ayṯ-Ruma 9:18

Falihaḏa Arebbi ireḥḥem wenni ixes, isɣannan wenni ixes.

1 Ayṯ-Kurinṯ 12:18

Walakin ȓexxu Arebbi isettef ṭrufaṯ n ddat issen kuȓ icten mammec ixes at igg.

1 Ayṯ-Kurinṯ 12:4

Fa ḏinni lʼanwaƹ n lqudraṯ, walakin Arruḥ ḏ ijjen.

1 Ayṯ-Kurinṯ 12:6

Ḏinni lʼanwaƹ n ȓexḏayem, walakin Arebbi ḏ ijjen ḏ netta iy ṯent isxeddamen marra ḏi kuȓ bnaḏem.

1 Ayṯ-Kurinṯ 7:17

Kuȓ ijjen aḏ iƹic ṯuḏarṯ nnes mamc ḏas t yuca Siḏiṯneɣ, mamc ḏas d iȓaɣa Arebbi. Ammu iy tweṣṣiɣ nec marra ṯijumaƹ n ȓmuminin.

1 Ayṯ-Kurinṯ 7:7

Rezzuɣ marra iryazen aḏ iȓin am nec. Walakin kuȓ ijjen ɣares ṯizemmar iy ḏas yuca Arebbi, ijjen ɣares ṯin, ijjen ɣares ṯa.

2 Ayṯ-Kurinṯ 10:13

Walakin neccin a neftaxar s min iǧan nican maci ktar, a neftaxar s min ḏaneɣ ikellef Arebbi iƹni xawem kenniw.

Ayṯ-Ufasus 1:11

Marra ṯimesȓayin itegg-iṯent Arebbi ƹlaḥsab min ixeṭṭeṭ ḏ min ixḍar netta. Neccin ḏi Ƹisa yarra-aneɣ Arebbi a nwareṯ ƹlaḥsab min izemmem netta s lɣaraḍ nnes.

Ayṯ-Ufasus 4:7

Cuf, kuȓ ijjen zzayneɣ ṯemmuc-as yijjen n lbaraka ƹlaḥsab mammec t iwzen Lmasiḥ ḏ lhadiya.

Iƹibraniyen 2:4

Icehheḏ xas uȓa ḏ Arebbi s lƹalamaṯ ḏ lburhanaṯ ḏ waṭṭas n lʼanwaƹ n lmuƹjizaṯ. S lʼiden nnes ƹaweḏ ifreq lqudraṯ ruḥiyaṯ n Arruḥ iqeddsen.

Yaƹqub 1:18

Wami ixes netta, ikkar yarra-aneɣ ḏ ṯarwa nnes iy d ijja s wawaȓ n lḥaqiqa ḥima a niȓi neccin ḏ imezwura zi min d ixȓeq.