1 Ayṯ-Kurinṯ 11:6 - Ṯarifiṯ 2020

⁶ Ṯamɣarṯ meȓa ṯugi aḏ teɣmes i uzeǧif nnes ḥsen meȓa ṯḥeff acewwaf nnes. Walakin ḏ ijjen n ȓefḍiḥeṯ ṯamɣarṯ meȓa ṯḥeff niɣ ṯeḏweȓ ḏ ṯaqeccarṯ, iƹni itxeṣṣa-yas aḏ teɣmes i uzeǧif nnes.

1 Ayṯ-Kurinṯ 11:6 ပူးပေါင်းရင်းမြစ်များ

Ȓexḏayem 18:18

Iqqim ƹaḏ Bulus aṭṭas n wussan ḏi ṯendint n Kurinṯ. Ssenni imsafaḍ x ayṯmas ḏinni, inya ḏeg uɣarrabu iruḥ ɣar Surya akiḏes Priskila ḏ Wakilas. Tuɣa iḥeff Bulus acewwaf nnes ḏi ȓemwiyi umi qqaren Kanɣarya minzi tuɣa xas ȓƹaheḏ iy igga ak Siḏi Arebbi.

1 Ayṯ-Kurinṯ 11:5

Mkuȓ ṯamɣarṯ ig itẓaǧan niɣ ṯessawaȓ s min ṯeƹȓem zi Arebbi azeǧif nnes war iɣemmes ca, ataf nettaṯ war tweqqar ca azeǧif nnes. Itwaḥsab axmi azeǧif nnes itwaḥeff ḏ aqeccar.

1 Ayṯ-Kurinṯ 11:7

Cuf, aryaz itxeṣṣa-yas war iɣemmes ca i uzeǧif nnes liʼanna netta ḏ ṣṣifeṯ ḏ ccenƹeṯ n Arebbi, ṯamɣarṯ nettaṯ ḏ ccenƹeṯ n uryaz.