1 Ayṯ-Kurinṯ 11:4 - Ṯarifiṯ 2020

⁴ Mkuȓ aryaz ig itẓaǧan niɣ issawaȓ s min iƹȓem zi Arebbi azeǧif nnes iɣemmes, ataf netta war itweqqar ca azeǧif nnes.

1 Ayṯ-Kurinṯ 11:4 ပူးပေါင်းရင်းမြစ်များ

Ȓexḏayem 13:1

Ḏi jmaƹeṯ n ȓmuminin ḏi ṯendint n Wanṭakya ḏinni lʼanbiya ḏ imseȓmaḏen. Niṯni ḏ Barnaba, ḏ Simƹan wenni umi qqaren Abercan, ḏ Luqyus zi Lqurina, ḏ Manahen wenni ig irebban ak uzeǧiḏ Hirudus zi ṯemẓi nnes, ḏ Cawul.

1 Ayṯ-Kurinṯ 11:14

Yak ddunect-a s yixef nnes ṯseȓmaḏ-ikenniw, aryaz meȓa ijja acewwaf ḏ azeyrar ḏ ȓƹib niɣ lla?

1 Ayṯ-Kurinṯ 11:5

Mkuȓ ṯamɣarṯ ig itẓaǧan niɣ ṯessawaȓ s min ṯeƹȓem zi Arebbi azeǧif nnes war iɣemmes ca, ataf nettaṯ war tweqqar ca azeǧif nnes. Itwaḥsab axmi azeǧif nnes itwaḥeff ḏ aqeccar.

1 Ayṯ-Kurinṯ 12:10

Ijjen immuc-as aḏ igg lmuƹjizaṯ. Ijjen immuc-as aḏ issiweȓ s min iƹȓem zi Arebbi. Ijjen mmucent-as ṯizemmar aḏ imeyyez jar n arruḥaṯ. Ijjen immuc-as aḏ issiweȓ s ȓebƹaḍ n lluɣaṯ ruḥiyaṯ. Ijjen immuc-as aḏ istarjem lluɣaṯ nni.

1 Ayṯ-Kurinṯ 12:28

Ḏi jmaƹeṯ-a n ȓmuminin iretteb Arebbi ḏ amezwaru arrusul, wis ṯnayen lʼanbiya, wis ṯȓaṯa imseȓmaḏen, menbaƹd yinni isxeddamen lmuƹjizaṯ ḏ yinni ɣar ǧant lqudraṯ bac aḏ sgenfan iwḏan, ḏ yinni itƹawanen, ḏ yinni itkellafen s ȓxeḏmeṯ, ḏ yinni issawaȓen s ȓebƹaḍ n lluɣaṯ ruḥiyaṯ.

1 Ayṯ-Kurinṯ 13:2

Nec maƹlik ɣari lqudra aḏ ssiwȓeɣ am lʼanbiya, maƹlik fehmeɣ marra min inuffaren ḏ marra ṯusna, maƹlik sxeddameɣ lʼiman aḏ smuttiɣ iḏurar-a, iȓi ḏ walu iy ǧiɣ nec meȓa war tḥibbiɣ ca.

1 Ayṯ-Salunik 5:20

War tseḥqarem ca awaȓen nni iy ƹeȓmen yiwḏan zi Arebbi qqaren-ṯen.