1 Ayṯ-Kurinṯ 11:23 - Ṯarifiṯ 2020

²³ Cuf, nec aqa min ḏayi yuca Siḏiṯneɣ u ḏ manaya iy ḏawem d ssiwḍeɣ iƹni ḏi ǧiȓeṯ nni iy ḏi immenz Siḏiṯneɣ Ƹisa iysi-d netta aɣrum,

1 Ayṯ-Kurinṯ 11:23 ပူးပေါင်းရင်းမြစ်များ

Matta 26:17

Nhar amezwaru n Ȓƹiḏ n Ṯefḍirṯ qarrben-d imeḥḍaren ɣar Ƹisa nnan-as: "Mani ṯexseḏ aḏac nsewjeḏ amensi n Ȓƹiḏ Ameqqran?"

Matta 26:2

"Ṯessnem belli Ȓƹiḏ Ameqqran n Ayṯ-Israʼil iqqim-as yuwmayen. Ḏayes iy ɣa itwasellem Mmis n bnaḏem aḏ itwaṣelleb."

Matta 26:34

Inna-as Ƹisa: "Aqa tesȓiḏ ȓḥaqq: Ṯa, ǧiȓeṯ-a qbeȓ ma aḏ idden uyaziḍ ataf aḏayi ṯenkareḏ ṯȓaṯa n ṯwaȓaṯin."

Matta 28:20

Sȓemḏem-asen aḏ ggen marra minzi kenniw weṣṣiɣ. Aqa nec akiḏwem iȓiɣ ȓebda aȓ ɣa ifna zman!"

Luqa 22:17

Iysi-d Ƹisa ȓkas icekkar Arebbi inna-asen: "Ysim ȓkas-a, ferqem-ṯ jarawem.

Ȓexḏayem 20:7

Ḏeg wass amezwaru n simana nmun neccin a necc aɣrum, issiweȓ Bulus ak yiwḏan. Iqqim issawaȓ aȓ uzyen n ǧiȓeṯ minzi ṯiwecca nnes inwa aḏ isafer.

1 Ayṯ-Kurinṯ 10:16

Ȓkas nni n lbaraka iy zi netbarak neccin, zzayes iy ncarrec ḏeg iḏammen n Lmasiḥ. Aɣrum nni iy netrezza, zzayes iy ncarrec ḏi ddat n Lmasiḥ.

1 Ayṯ-Kurinṯ 15:3

Cuf, ssiwḍeɣ-awem-d manayenni iǧan muhim tuɣa qebȓeɣ-ṯ nec s yixef inu, iƹni Lmasiḥ immuṯ ƹlaḥsab ȓmuƹṣiyaṯ nneɣ mammec iqqar Lkitab.

Ayṯ-Galaṭya 1:1

Nec ḏ Bulus, nec ḏ ijjen n arrasul maci s yiwḏan niɣ s ȓxaḍar n bnaḏem; Lla, nec ḏ arrasul s Ƹisa Lmasiḥ u ƹaweḏ s Arebbi Babaṯneɣ iy d isekkaren Ƹisa zi ȓmewṯ.

Ayṯ-Kulus 3:24

Kenniw ṯessnem ljaʼiza nwem aḏ tiȓi ḏ ijjen n lwareṯ zi Siḏiṯneɣ. Netta umi ṯxeddmem netta ḏ Siḏiṯneɣ Lmasiḥ.

1 Ayṯ-Salunik 4:2

Cuf, ṯessnem ṯimesȓayin nni iy zi kenniw nweṣṣa s ssulṭa n Ƹisa Lmasiḥ.