1 Ayṯ-Kurinṯ 11:22 - Ṯarifiṯ 2020

²² Cuf, ma war ɣarwem bu ṯuḏrin mani iy ɣa ṯeccem niɣ ḏ mani iy ɣa ṯeswem? Kenniw, ma tseḥqarem jmaƹeṯ n ȓmuminin n Arebbi tḥeggarem yinni war ɣar iǧi walu? Min ḏawem ɣa iniɣ? Ma kenniw iy ɣa cekkareɣ x manaya? Lla, walu.

1 Ayṯ-Kurinṯ 11:22 ပူးပေါင်းရင်းမြစ်များ

Ȓexḏayem 20:28

Ḥḍaṯ ixef nwem. Ḥḍaṯ ṯḥimerṯ nwem, ṯenni iy zi kenniw ikellef Arruḥ iqeddsen. Arewseṯ jmaƹeṯ n ȓmuminin n Arebbi qa netta iseɣ-it s iḏammen nnes.

1 Ayṯ-Kurinṯ 10:32

War ɣeṭṭȓeṯ ḥadd waxxa niṯni ḏ israʼiliyen niɣ ḏ iyunaniyen niɣ ḏ jmaƹeṯ n ȓmuminin n Arebbi.

1 Ayṯ-Kurinṯ 11:17

Nec tweṣṣiɣ-kenniw, ȓexxu war kenniw tcekkareɣ ca. Ȓaḥeqqac ṯijumaƹ nwem tḍarrant ktar zi min kenniw neffƹent.

1 Ayṯ-Kurinṯ 11:2

Fa tcekkareɣ-kenniw wami teƹqaȓem xafi ḏi marra ṯimesȓayin, ṯḥeffḍem ttaƹlim nni mammec ḏawem ṯ seȓmaḏeɣ nec.

1 Ayṯ-Kurinṯ 11:34

Can yijjen meȓa iǧuz, itxeṣṣa-yas aḏ icc ḏi ṯeddarṯ nnes bac xmi ɣa ṯmunem ataf war kenniw itḥissib ca Arebbi. Xmi d ɣa aseɣ nec ataf akenniw weṣṣiɣ x ṯmesȓayin nni nneɣni.

1 Ayṯ-Kurinṯ 15:9

Aqa nec ḏ amezyan qaƹ ḏi arrusul. War sḏihiǧeɣ ca aḏayi ȓaɣan arrasul ȓaḥeqqac tuɣa nec tƹeddabeɣ jmaƹeṯ n ȓmuminin.

1 Timutawus 3:15

Meȓa ṭewwleɣ aṭṭas war ḏinni d usiɣ ca, ataf aḏ tessneḏ cek mamc iy ɣa suguren yiwḏan ixef nsen ḏi ṯeddarṯ n Arebbi iƹni jmaƹeṯ n ȓmuminin n Arebbi iddaren ḏ nettaṯ iy iǧan ḏ apilar ḏ dsas n lḥaqiqa.

1 Timutawus 3:5

Iwa bnaḏem-a meȓa war issin ca aḏ iḥkem x ṯeddarṯ nnes, mammec iy ɣa igg aḏ itraya x jmaƹeṯ n ȓmuminin n Arebbi?