1 Ayṯ-Kurinṯ 11:21 - Ṯarifiṯ 2020

²¹ Mayemmi? Liʼanna kuȓ ijjen min itegg: ijjen itraḥ itett waha bȓa ma aḏ iraja wenni nneɣni, ijjen iǧuz, ijjen isess aṭṭas n waman uḍiȓ.

1 Ayṯ-Kurinṯ 11:21 ပူးပေါင်းရင်းမြစ်များ

Yuḥanna 2:10

inna-as: "Ƹadatan ḏeg umezwaru iwḏan ticcen-asen i inewjiwen aman n uḍiȓ iṣebḥanen. Xmi tiȓi swin zzaysen aṭṭas, ḏi ȓweqṯ nni iy ḏasen ticcen aman n uḍiȓ ƹadi. Cek lla, ṯxemmȓeḏ aman n uḍiȓ iṣebḥanen aȓ ȓexxu."

1 Ayṯ-Kurinṯ 11:20

Xmi tmunem kenniw, ma tettem amensi n Siḏiṯneɣ nican? Lla, walu.

1 Ayṯ-Kurinṯ 11:34

Can yijjen meȓa iǧuz, itxeṣṣa-yas aḏ icc ḏi ṯeddarṯ nnes bac xmi ɣa ṯmunem ataf war kenniw itḥissib ca Arebbi. Xmi d ɣa aseɣ nec ataf akenniw weṣṣiɣ x ṯmesȓayin nni nneɣni.

2 Buṭrus 2:13

Aḏ txaȓasen ƹlaḥsab mamc ggin, aḏ twaḍarrmen mammec ḍarrmen niṯni iwḏan. Meȓa zehhun ḏi ṯfawṯ n uziȓ teḥsaben manaya ḏ aṣebḥan. Niṯni ḏ ixeciwen ḏ ȓƹibaṯ, zehhun s ccehweṯ nsen istwaɣarran xmi tmunsiwen akiḏwem.

Yahuḏa 1:12

Iṯarrasen-a yina twessaxen imensiwen nwem n ṯemƹacarṯ. Tetten akiḏwem bȓa ma aḏ seḏḥan, niṯni ggin am ca n imeksawen iy ƹettqen ixef nsen waha. Niṯni ḏ iseynuṯen bȓa yanẓar ɣir itawi-ṯen arriḥ itarra-ṯen. Niṯni ggin am ṯcejjura ḏi ȓexȓif war itarwen ca, tneqȓaƹent-id zeg iẓewran nsent; iƹni ibriḏen nsent mmuṯen s ṯnayen.