1 Ayṯ-Kurinṯ 11:17 - Ṯarifiṯ 2020

¹⁷ Nec tweṣṣiɣ-kenniw, ȓexxu war kenniw tcekkareɣ ca. Ȓaḥeqqac ṯijumaƹ nwem tḍarrant ktar zi min kenniw neffƹent.

1 Ayṯ-Kurinṯ 11:17 ပူးပေါင်းရင်းမြစ်များ

Ayṯ-Ruma 13:3

Liʼanna lḥukkam war ssiggwiḏen ca wenni iteggen ȓxir, ssaggwaḏen wenni iteggen ccarr. Meȓa ṯexseḏ war teggwḏeḏ ca zi ȓmexzen, tegg ȓxir axak yarḍa.

1 Ayṯ-Kurinṯ 11:2

Fa tcekkareɣ-kenniw wami teƹqaȓem xafi ḏi marra ṯimesȓayin, ṯḥeffḍem ttaƹlim nni mammec ḏawem ṯ seȓmaḏeɣ nec.

1 Ayṯ-Kurinṯ 11:20

Xmi tmunem kenniw, ma tettem amensi n Siḏiṯneɣ nican? Lla, walu.

1 Ayṯ-Kurinṯ 11:22

Cuf, ma war ɣarwem bu ṯuḏrin mani iy ɣa ṯeccem niɣ ḏ mani iy ɣa ṯeswem? Kenniw, ma tseḥqarem jmaƹeṯ n ȓmuminin n Arebbi tḥeggarem yinni war ɣar iǧi walu? Min ḏawem ɣa iniɣ? Ma kenniw iy ɣa cekkareɣ x manaya? Lla, walu.

1 Ayṯ-Kurinṯ 11:34

Can yijjen meȓa iǧuz, itxeṣṣa-yas aḏ icc ḏi ṯeddarṯ nnes bac xmi ɣa ṯmunem ataf war kenniw itḥissib ca Arebbi. Xmi d ɣa aseɣ nec ataf akenniw weṣṣiɣ x ṯmesȓayin nni nneɣni.

1 Ayṯ-Kurinṯ 14:23

Iḏen, meȓa ṯmunem jmaƹeṯ ṯekmaȓ n ȓmuminin ṯessawaȓem marra s lluɣaṯ ruḥiyaṯ uḏfen-d jarawem yiwḏan n barra niɣ ḏ lkuffar, ataf qqaren xawem qa iwḏan-a ḏ ibuhaȓiyen.

1 Ayṯ-Kurinṯ 14:26

Iḏen fa ay ayṯma, xmi ɣa ṯmunem ijjen aɣares yiȓi ijjen n uɣennij, ijjen aɣares yiȓi ijjen n wawaȓ n useȓmeḏ, ijjen aɣares yiȓi lwaḥi, ijjen aɣares ṯiȓi lluɣa ruḥiya, ijjen aɣares ṯiȓi ttarjama. Marra ṯimesȓayin-a aḏ iȓint ḥima aḏ tjehḏem.

Iƹibraniyen 10:25

A nmun ak wayawya maci a nesmeḥ ḏi lwajib-a am mammec nnumen [nnimen] ȓebƹaḍ n yiwḏan. Lla, a ncejjeƹ ayawya, u ktar ƹaḏ xmi netwaȓa Nhar n Siḏiṯneɣ iqarreb-d.

1 Buṭrus 2:14

niɣ ḏ lḥukkam iy d issekk uzeǧiḏ aḏ ƹaqben yinni iteggen ccarr aḏ tcekkaren yinni iteggen min iǧan ḏ aṣebḥan.