1 Ḏeffarem-ayi-d mammec ḏeffareɣ nec Lmasiḥ.
Nec rezzuɣ aḏ sarḍiɣ marra iwḏan ḏi marra min teggeɣ. War rezzuɣ ca ȓxir i yixef inu, rezzuɣ-ṯ i marra iwḏan bac aḏ nejmen.
Iḏen, tcejjaƹeɣ-kenniw aḏayi ṯqelldem mamc teggeɣ nec.
Ay ayṯma, muneṯ ak yinni iteggen am nec. Xzareṯ mliḥ ɣar yinni igguren ḏeg ubriḏ nneɣ.
Kenniw ṯebḏam teggem mamc ntegg neccin ḏ mamc itegg Siḏiṯneɣ liʼanna kenniw ḏi ȓwesṭ n waṭṭas n tamara ṯqebȓem awaȓ nneɣ s ȓefraḥeṯ iy d yusin zi Arruḥ iqeddsen.
Negga manayenni maci war ɣarneɣ bu ȓḥaqq aḏaneɣ ṯƹawnem; Lla, nseḍhar-awem-d abriḏ iy ɣa ṯeḏfarem.
War nexs ca aḏ tƹegzem. Itxeṣṣa aḏ tiȓim am yinni itwaraṯen s ṣṣbar ḏ lʼiman nsen x ṯmesȓayin nni iy zi ṯen iwƹeḏ Arebbi.
