1 Ayṯ-Kurinṯ 10:28 - Ṯarifiṯ 2020

²⁸ Walakin meȓa inna-awem ḥadd qa manaya qeddmen-ṯ ḏ dbiḥeṯ i lʼaṣnam, war t tettem ca. Manaya ƹlaḥsab wenni iy ḏawem ṯ iqqaren u ƹlaḥsab ḍḍamir.

1 Ayṯ-Kurinṯ 10:28 ပူးပေါင်းရင်းမြစ်များ

Ayṯ-Ruma 14:15

Liʼanna meȓa itxeyyaq wumac s macca nni iy tetteḏ, ataf cek war ṯuggureḏ ca nican s ȓemḥibbeṯ. War tegg ca macca nnec ḏ ssabab iy zi ɣa inehḏem wumac wenni mix immuṯ Lmasiḥ.

1 Ayṯ-Kurinṯ 10:26

Liʼanna iqqar: <Ṯamurṯ-a nettaṯ ḏ marra min ḏayes n Siḏi Arebbi.>

1 Ayṯ-Kurinṯ 8:7

Walakin maci iwḏan qaƹ ssnen manaya. Ȓebƹaḍ n yiwḏan tuɣa ɣarsen lʼaṣnam ḏ ddin nsen ijheḏ. Meȓa tetten lmakla-ya itqeddamen i lʼaṣnam ataf itɣir-asen manaya ḏ ṣṣaḥ, ḍḍamir nsen iḍeƹfen ataf aḏ ixnez.

1 Ayṯ-Kurinṯ 8:9

Walakin ḥḍam ixef nwem ḏi lḥurriya-ya nwem ṯanita bac war ṯɣeṭṭȓem ca yinni iḍeƹfen ḏi lʼiman nsen aḏ wḍan.