1 Ayṯ-Kurinṯ 10:17 - Ṯarifiṯ 2020

¹⁷ Ḏinni ijjen n ṯxebbast n uɣrum waḥḏes, s ssabab-a neccin ḏ ijjen, waxxa ḏinni aṭṭas iy iḏneɣ. Minzi neccin marra iḏneɣ ncarrec ḏeg yijjen n ṯxebbast.

1 Ayṯ-Kurinṯ 10:17 ပူးပေါင်းရင်းမြစ်များ

Ayṯ-Ruma 12:5

Amenni iy neǧa uȓa ḏ neccin. Waxxa neccin aṭṭas iy iḏneɣ aqaneɣ marra iḏneɣ ḏ ijjen n ddat ḏi Lmasiḥ, kuȓ ṭṭarf iteḥḏaja unneɣni.

1 Ayṯ-Kurinṯ 10:21

War ṯzemmarem ca aḏ teswem zi ȓkas n Siḏiṯneɣ niɣ zi ȓkas n ccayaṭin s ṯnayen iḏsen. War ṯzemmarem ca aḏ tcarcem ḏi missa n Siḏiṯneɣ ḏ missa n ccayaṭin s ṯnayen iḏsent.

1 Ayṯ-Kurinṯ 12:12

Cuf, ddat nneɣ nettaṯ ḏ icten ɣares aṭṭas n ṭrufaṯ, waxxa ṭrufaṯ-a aṭṭas iy iǧan niṯni ḏ ijjen. Ammu iǧa Lmasiḥ.

1 Ayṯ-Kurinṯ 12:27

Fa kenniw ḏ ddat-a iƹni ḏ jmaƹeṯ n Lmasiḥ, kuȓ ijjen zzaywem ḏ ijjen ṭṭarf zzayes.

Ayṯ-Ufasus 3:6

Ȓmaƹna-ya inuffaren ṯanita, min ṯeƹna? Aqa uȓa ḏ yinni war iǧin ca zi Ayṯ-Israʼil aḏ warṯen zi Arebbi ak Ayṯ-Israʼil s Lʼinjil. Niṯni ḏ ijjen n jmaƹeṯ, marra aḏ carcen ḏi min iwƹeḏ Arebbi ḏi Lmasiḥ.

Ayṯ-Ufasus 4:16

Zzayes zi Lmasiḥ ddat ṯekmaȓ n jmaƹeṯ ṯmun aqat ḏ icten s qaƹ ȓemfaseȓ nni iy ḏayes. U kuȓ ṭṭarf nnes meȓa ixeddem nican ataf aḏ isemɣer ddat-a u s yixef nnes aḏ tebna s ȓemḥibbeṯ.

Ayṯ-Ufasus 4:25

Iḏen labud kuȓ ijjen zzaywem aḏ ibeƹƹeḏ zeg ixerriqen aḏ issiweȓ s ȓḥaqq ak wajjar nnes liʼanna neccin marra ḏ ijjen n jmaƹeṯ iy neǧa.

Ayṯ-Ufasus 4:4

Jmaƹeṯ ḏ icten, Arruḥ iqeddsen ḏ ijjen. Amenni Arebbi wami ḏawem d iȓaɣa, iȓaɣa-yawem-d ɣar lʼamal ḏ ijjen.

Ayṯ-Kulus 2:19

Bnaḏem nni isexṣar lƹalaqa ak wenni itrayyan ḏ azeǧif. Azeǧif nni netta itḏebbar i ddat nnes amen-ṯekmaȓ wami nettaṯ ṯmun s ipurṣuṯen ḏ ȓemfaseȓ nnes bac ddat aḏ temɣar ƹlaḥsab min ixes Arebbi aḏ temɣar.

Ayṯ-Kulus 3:11

War itɣimi bu uyunani niɣ ḏ aʼisraʼili, niɣ ḏ wenni iṭehharen niɣ ḏ wenni war iṭehhiren ca, niɣ ḏ abarbari niɣ ḏ aweḥciw, niɣ ḏ ismeɣ niɣ ḏ wenni iǧan ḥurr. Lla, Lmasiḥ netta ḏ marra, aqaṯ ḏi marra.

Ayṯ-Kulus 3:15

Jjem ȓehna n Lmasiḥ aḏ iḥkem ḏeg wuȓawen nwem minzi kenniw ḏ ijjen n jmaƹeṯ iȓaɣa-yawem-d aȓ ȓehna-ya. Kenniw ƹaweḏ cekkarem Arebbi.