1 Ayṯ-Kurinṯ 1:9 - Ṯarifiṯ 2020

⁹ Arebbi ḏayes ttiqeṯ, zzayes iy ḏaneɣ d yusa uȓaɣi a nƹacar Memmis iƹni Siḏiṯneɣ Ƹisa Lmasiḥ.

1 Ayṯ-Kurinṯ 1:9 ပူးပေါင်းရင်းမြစ်များ

Matta 24:35

Aḏ ifna ujenna ḏ ṯmurṯ, walakin awaȓen inu war fennin ca ƹemmarṣ.

Yuḥanna 17:21

Ḥima aḏ iȓin marra ḏ ijjen a Baba, am cek aqac ḏayi nec aqayi ḏayek. Ḥima aḏ iȓin niṯni ƹaweḏ ḏ ijjen ḏayneɣ. Ḥima aḏ amnen yiwḏan qa ḏ cek iy ḏayi d issekken.

Ayṯ-Ruma 11:17

Cuf, ȓebƹaḍ n ȓefruƹ iƹni ṯiseḍwin twaqessent zi ṯzitunt, ssenni cek ṯetwaȓeqqmeḏ ḏeg umcan nsent jar ṯinni iqqimen waxxa cek ḏ azemmur, ṯcarrceḏ ḏeg iẓewran n ṯzitunt ṯeddareḏ zzaysen.

Ayṯ-Ruma 8:28

Fa neccin nessen belli marra min itewqiƹen qaƹ itarra-ṯ Arebbi ḏ ttisir i yinni iy ṯ itexsen, iƹni ḏ yinni umi iy d iȓaɣa ƹlaḥsab lɣaraḍ nnes.

Ayṯ-Ruma 8:30

Ṯumma yinni iy tuɣa izemmem zi qbeȓ, iȓaɣa-d xasen. Ṯumma yinni umi d iȓaɣa, isemṣȓaḥ-iṯen akiḏes. Ṯumma yinni isemṣȓaḥ akiḏes, yuca-asen amcan ḏi lƹaḍama nnes.

1 Ayṯ-Kurinṯ 1:30

U netta ḏ ssabab iy zi ṯeǧam kenniw ḏi Ƹisa Lmasiḥ. Iggi-ṯ Arebbi netta ḏ ȓefhameṯ nneɣ, iƹni netta ḏayes ṣṣulḥ nneɣ ḏ uṣeffi nneɣ ḏ ufekki nneɣ.

1 Ayṯ-Kurinṯ 10:13

Ṯimesȓayin nni ṯinni ig itiȓin ȓebda ak bnaḏem ḏ ṯinni iy kenniw itɣarran. U Arebbi netta ḏayes ttiqeṯ, war kenniw itejji ca aḏ twaɣarram s min war ṯzemmarem aḏ teṣbarem; Lla, aḏawem iḏebbar ijjen n ṯewwarṯ ḥima aḏ teṣbarem i manayenni.

1 Ayṯ-Kurinṯ 10:16

Ȓkas nni n lbaraka iy zi netbarak neccin, zzayes iy ncarrec ḏeg iḏammen n Lmasiḥ. Aɣrum nni iy netrezza, zzayes iy ncarrec ḏi ddat n Lmasiḥ.

2 Ayṯ-Kurinṯ 1:18

Am Arebbi ḏayes ttiqeṯ netta, neccin ƹaweḏ qa awaȓ nneɣ i kenniw war iǧi bu ḏ wah akeḏ lla.

Ayṯ-Galaṭya 1:15

Walakin Arebbi zi qbeȓ tuɣa iƹzeȓ-ayi nec iƹni ixḍar-ayi ḏeg uƹeddis n yemma ssenni iȓaɣa-ayi-d s arḍa nnes. Wami xafi yarḍa netta, iseḍhar-ayi-d Mmis ḥima azzayes beccareɣ jar ȓegnus. Ȓexddenni war mcawareɣ ak ḥadd.

Ayṯ-Galaṭya 2:20

Twaṣellbeɣ ak Lmasiḥ. Ssa aȓ ṯsawent maci ḏ nec iy ɣa iddaren; Lla, ḏ Lmasiḥ iy ɣa iddaren ḏayi. Ṯuḏarṯ-a iy ddareɣ ȓexxu ḏi ddat inu, aqa ddareɣ-t s lʼiman inu zi Mmis n Arebbi iy ḏayi iḥibben iṣeddeq xafi ixef nnes.

Ayṯ-Ufasus 3:6

Ȓmaƹna-ya inuffaren ṯanita, min ṯeƹna? Aqa uȓa ḏ yinni war iǧin ca zi Ayṯ-Israʼil aḏ warṯen zi Arebbi ak Ayṯ-Israʼil s Lʼinjil. Niṯni ḏ ijjen n jmaƹeṯ, marra aḏ carcen ḏi min iwƹeḏ Arebbi ḏi Lmasiḥ.

Ayṯ-Kulus 1:24

Ȓexxu nec farrḥeɣ x minxef tƹeddabeɣ ƹlaḥsab kenniw. Liʼanna ḏi ddat-a inu kessiɣ ȓḥaqq inu zi min ƹaḏ ineqqṣen zeg uƹeddeb nni n Lmasiḥ ƹlaḥsab ddat nnes iƹni jmaƹeṯ n ȓmuminin.

1 Ayṯ-Salunik 2:12

bac aḏ tuyurem s yijjen n ṯicri iy ḏas iticcen lqima i Arebbi ig isḏaheǧ netta iƹni wenni iy ḏawem d itȓaɣan ɣar ȓmulk nnes ḏ lƹaḍama nnes.

2 Ayṯ-Salunik 2:14

Aqa iȓaɣa-d xawem ƹlaḥsab i manaya s Lʼinjil iy netbeccar bac aḏ tcarcem ḏi lƹaḍama n Siḏiṯneɣ Ƹisa Lmasiḥ.

2 Ayṯ-Salunik 3:3

Walakin Siḏiṯneɣ ḏayes ttiqeṯ, akenniw isejheḏ akenniw iḥḍa zi ccarr.

2 Timutawus 1:9

Isenjem-aneɣ iȓaɣa-yaneɣ-d s yijjen n uȓaɣi muqeddes. War ḏaneɣ d iȓaɣi ca ƹlaḥsab lḥasanaṯ nneɣ; Lla, iȓaɣa-yaneɣ-d ƹlaḥsab lɣaraḍ nnes netta ḏ arḍa nnes iy ḏaneɣ d yuca ḏi Ƹisa Lmasiḥ qbeȓ ma aḏ tebḏa ȓweqṯ n ddunect-a qaƹ.

2 Timutawus 2:13

Meȓa nesmeḥ neccin ḏi lʼamana nneɣ, maci aḏ ismeḥ netta ḏi lʼamana nnes, minzi war izemmar aḏ inkar ixef nnes.

Titus 1:2

Lʼiman-a ḏ ṯusna-ya ṯbedda x lʼamal n ṯuḏarṯ nni war ifennin ƹemmarṣ, ṯenni iy zi iwƹeḏ Arebbi iƹni wenni war isxerriqen ca. Iwƹeḏ s ṯuḏarṯ nni qbeȓ ma aḏ bḏan zmanaṯ qaƹ.

Iƹibraniyen 10:23

A neṭṭef bȓa ma a neḍȓeq ḏi lʼamal nni iy xef ncehheḏ liʼanna Arebbi iy ḏaneɣ iweƹḏen ḏayes ttiqeṯ.

Iƹibraniyen 11:11

S lʼiman Sara s yixef nnes immuc-as jjheḏ aḏ teysi aƹeddis waxxa nettaṯ ṯnumɣar, minzi ṯekkar nettaṯ ṯḥesseb wenni iy t iweƹḏen ḏayes ttiqeṯ.

Iƹibraniyen 2:17

X manaya tuɣa wa labud Arebbi aḏ yarr Ƹisa am ayṯmas ḏi marra bac aḏ yiȓi ḏ ȓefqi ameqqran ḏayes arraḥmeṯ ḏayes ttiqeṯ ixeddem i Arebbi. U ƹaweḏ ȓefqi-ya aḏ iqeddem lfidya ḥima aḏ twaɣfarent ȓmuƹṣiyaṯ n yiwḏan.

Iƹibraniyen 3:1

Ay ayṯma ṣṣaliḥin, ḏ kenniw iy iǧan ḏ imƹacaren ḏeg uȓaɣi nni iy d yusin zeg ujenna. Fekkareṯ mliḥ ḏi Ƹisa, netta ḏ arrasul netta ḏ ȓefqi ameqqran n lʼiman iy xas ncehheḏ neccin.

Iƹibraniyen 3:14

Aqa neccin a niȓi ḏ imƹacaren ḏi Lmasiḥ iƹni meȓa neqqim neṭṭef mliḥ aȓ uneggaru ḏi ttiqeṯ nni iy tuɣa ɣarneɣ ḏ amezwaru.

Iƹibraniyen 6:18

Ṯnayen n ṯmesȓayin-a war twabeddiȓent ca, Arebbi war izemmar axasent isxarreq. Zi ṯnayen n ṯmesȓayin-a azzaysent iy ɣa netwacejjeƹ neccin iy narweȓ bac aɣares nnuffar. Zzaysent iy ɣa neṭṭef s jjheḏ ḏi lʼamal iy ḏaneɣ itwabeccaren.

1 Buṭrus 5:10

Ataf aḏ twaƹeddbem cwayt n ȓweqṯ ȓexddenni akenniw isreyyeḥ Arebbi nneɣ iy ḏi iǧa marra arḍa ḏ netta iy ḏawem d iȓaɣan ɣar lƹaḍama nnes war ifennin ca ḏi Lmasiḥ. Akenniw isbedd, akenniw isejheḏ, akenniw igg x dsas.

1 Yuḥanna 1:3

Min neẓra ḏ min netsȓa netbeccar-ikenniw zzayes ḥima uȓa ḏ kenniw aḏ temƹacarem akiḏneɣ. Marra neccin ṯamƹacarṯ nneɣ aqat ak Babaṯneɣ ḏ Mmis Ƹisa Lmasiḥ.

1 Yuḥanna 1:7

Walakin meȓa neggur ḏi nnur mammec iǧa netta ḏi nnur, ataf ntemƹacar ak wayawya ataf iḏammen n Mmis Ƹisa ssiṣfan-aneɣ zi marra ȓmuƹṣiyaṯ.

1 Yuḥanna 4:13

Mammec ɣa negg neccin a nessen belli netƹic ḏayes, netta izeddeɣ ḏayneɣ? Liʼanna yuca-aneɣ zi Arruḥ nnes.

Lwaḥi 19:11

Ẓriɣ ajenna inurzem ḏinni ijjen n uyis ḏ acemȓaȓ, wenni xas inyin qqaren-as Ȓaman ḏ ȓḥaqq. Itḥasab itḥarab s ȓḥaqq.