1 Ayṯ-Kurinṯ 1:8 - Ṯarifiṯ 2020

⁸ Ḏ netta iy kenniw ɣa isbedden ɣar uneggaru ataf war ḏaywem itiȓi bu ȓƹib ḏi Nhar nni n Siḏiṯneɣ Ƹisa Lmasiḥ.

1 Ayṯ-Kurinṯ 1:8 ပူးပေါင်းရင်းမြစ်များ

Luqa 17:24

Minzi am wassam itebsissiqen ḏi ṭṭarf n ujenna aḏ igg ṯfawṯ ḏi ṭṭarf nneɣni, amenni iy ɣa yiȓi Mmis n bnaḏem ḏi nhar nnes.

Luqa 17:30

Amenni iy ɣa iweqƹen ḏi Nhar nni iy ḏi d ɣa imeḍhar Mmis n bnaḏem.

Ayṯ-Ruma 14:4

Cek min ṯeƹniḏ bac aḏ tƹeyybeḏ axeddam n midden? Injeḥ niɣ war injiḥ, wanita ḏ ccɣeȓ n siḏis. U ḏ ṣṣaḥ netta aḏ injeḥ liʼanna Siḏi Arebbi izemmar aṯ isenjeḥ.

Ayṯ-Ruma 16:25

Itwabarak Arebbi! Netta ḏ wenni izemmaren aḏawem yuc jjheḏ s Lʼinjil-a iy tbeccareɣ u ƹaweḏ s uḥeddeṯ n Ƹisa Lmasiḥ ƹlaḥsab min d ibanen tuɣaṯ manayenni zi zman inuffar.

Ayṯ-Ruma 8:19

Aqa marra min d itwaxeȓqen ḏaysen mezȓi ḏ ameqqran trajan aḏ ẓren ṯsaƹƹat nni iy ḏi d ɣa banen ṯarwa n Arebbi.

1 Ayṯ-Kurinṯ 5:5

aḏ tsufɣem aryaz-a ɣar Cciṭan ḥima aḏ tefna ṭṭabiƹa ṯaƹeffant n nnefs nnes aḏ injem arruḥ nnes ḏi Yum n Siḏiṯneɣ.

2 Ayṯ-Kurinṯ 1:13

Cuf, kuȓ ṯamesȓayṯ iy ḏawem d ntari ḏi ṯebrat-a ṯzemmarem at tɣarem aḏas ṯfehmem. U waxxa war ḏaneɣ tefhimem ca ȓexxu ḏi marra ṯimesȓayin, nec tmenniɣ aḏaneɣ ṯfehmem mliḥ bac azzayneɣ teftaxarem ḏi Nhar nni n Siḏiṯneɣ Ƹisa mammec azzaywem nteftaxar neccin.

2 Ayṯ-Kurinṯ 1:21

Arebbi netta iy ḏaneɣ isbedden mliḥ akiḏwem ḏi Lmasiḥ. Ixḍar-aneɣ iḍbeƹ-aneɣ s ṭṭabaƹ nnes yuca-aneɣ Arruḥ nnes iggi-ṯ ḏeg wuȓawen nneɣ am ijjen n ttesbiq.

Ayṯ-Ufasus 5:27

Ḥima Lmasiḥ aḏ iqeddem jmaƹeṯ n ȓmuminin i yixef nnes tceƹciƹ ḏ ṯamqeddest war twessix war tecniq war ḏayes itiȓi bu ca n ȓƹib nneɣni.

Ayṯ-Filippas 1:10

Ḥima aḏ tixḍarem min iǧan ḏ aṣebḥan ḥima aḏ tiȓim ṯeṣfam bȓa ȓƹib ɣar nhar n Lmasiḥ.

Ayṯ-Filippas 1:6

Nec aqayi mteyyqen ḏi ṯmesȓayṯ-a: Wenni ig ibḏan ḏaywem ca n ccɣeȓ ḏ aṣebḥan axas itsiɣi axas itkemmaȓ ḥetta aȓ Nhar nni n Ƹisa Lmasiḥ.

Ayṯ-Kulus 1:22

Walakin ȓexxu lla, Arebbi isemṣȓaḥ-ikenniw akiḏes s ddat n Lmasiḥ iƹni s ȓmewṯ nnes bac akenniw iqeddem zzaṯes ṯeṣfam bȓa ȓƹib war ḏinni bu wi kenniw iy ɣa itahamen.

Ayṯ-Kulus 2:7

Itxeṣṣa-kenniw aḏ tiȓim ṯebnam x ḏsas nnes mliḥ, aḏ tiȓim ṯjehḏem ḏi lʼiman nwem mammec iy kenniw seȓmaḏen, aḏ tiȓim tenfeyyaḍem s ccuker.

1 Ayṯ-Salunik 3:13

Aḏawem isejheḏ uȓawen nwem bac aḏ tiȓim bȓa ȓƹib aḏ tiȓim muqeddsin zzaṯ i Arebbi Babaṯneɣ xmi d ɣa yas Siḏiṯneɣ Ƹisa ak marra ṣṣaliḥin nnes.

1 Ayṯ-Salunik 5:2

Aqa ṯessnem mliḥ belli Yum n Siḏiṯneɣ aḏ d yas am d yusa ij uceffar s ǧiȓeṯ.

2 Ayṯ-Salunik 2:2

war tenxȓiƹem ca ḏeɣya ḏi ȓaƹqeȓ nwem, war txeyyaqem ca ƹlaḥsab ca n arruḥ n lwaḥi niɣ ḏ ca n wawaȓ niɣ ḏ ca n ṯebrat zzayneɣ zaƹma iqqaren qa Yum n Siḏiṯneɣ aqa yuweḍ-d.

2 Ayṯ-Salunik 3:3

Walakin Siḏiṯneɣ ḏayes ttiqeṯ, akenniw isejheḏ akenniw iḥḍa zi ccarr.

2 Timutawus 1:12

X ssabab-a nec qa tƹeddabeɣ x marra ṯimesȓayin-a ṯina walakin war tseḏḥiɣ ca, nec ssneɣ wenni iy zi umneɣ. Teyyqeɣ netta izemmar aḏ iḥḍa lʼamana nni iy kiḏes jjiɣ ḥetta aȓ Nhar nni aneggaru.

2 Timutawus 1:18

Aṯ ijj Siḏiṯneɣ ḥima aḏ yaf arraḥmeṯ zi Siḏi Arebbi ḏi Nhar nni aneggaru. Cek ƹaweḏ ṯessneḏ mecḥaȓ n ṯwaȓaṯin iy ḏayi iƹawen ḏi ṯendint n Ufasus.

1 Buṭrus 5:10

Ataf aḏ twaƹeddbem cwayt n ȓweqṯ ȓexddenni akenniw isreyyeḥ Arebbi nneɣ iy ḏi iǧa marra arḍa ḏ netta iy ḏawem d iȓaɣan ɣar lƹaḍama nnes war ifennin ca ḏi Lmasiḥ. Akenniw isbedd, akenniw isejheḏ, akenniw igg x dsas.

2 Buṭrus 3:10

Walakin Yum n Siḏiṯneɣ aḏ d yas am d yusa ijjen n uceffar. Uca ijennaṯen aḏ weddaren s yijjen n ssdaƹ ḏ ameqqran igga am ṯmessi isḥarraqen, ḏ marra iṯran ḏ ṯziri aḏ twascemḍen aḏ ftuttsen, aḏ texȓa ṯmurṯ-a ḏ marra min ḏayes itwaggen.

2 Buṭrus 3:14

X manaya ay imƹizzen inu, xmi ɣa ṯrajam kenniw i ṯmesȓayin-a ggeṯ lmejhud nwem bac akenniw yaf akiḏes ḏi ȓehna bȓa ȓewsex bȓa ȓƹib.