1 Ayṯ-Kurinṯ 1:27 - Ṯarifiṯ 2020

²⁷ Walakin Arebbi ixḍar min iǧan ḏ ṯubbuhȓiya ɣar yiwḏan n ddunect-a ḥima aḏ ifḍeḥ yinni itefhamen zaƹma. Ixḍar Arebbi min iḍeƹfen ḏi ddunect-a ḥima aḏ ifḍeḥ yinni ijehhḏen.

1 Ayṯ-Kurinṯ 1:27 ပူးပေါင်းရင်းမြစ်များ

Matta 11:25

Ȓexddenni issiweȓ Ƹisa inna: "Ḥemḏeɣ-cek a Baba a Siḏi Arebbi n ujenna ḏ ṯmurṯ ȓaḥeqqac ṯesnuffareḏ manaya x imiɣisen ḏ lƹulama, ṯseḍhareḏ-ṯ-id i iḥenjiren imezyanen.

Matta 21:16

Nnan-as i Ƹisa: "Ma tesȓiḏ min xak qqaren?" Inna-asen Ƹisa: "Wah, ma war ṯeɣrim min iǧan ḏi Lkitab? <Ṯeggiḏ, ay Arebbi, ac ḥemḏen iḥenjiren ḏ iseyman s uqemmum nsen.>"

Matta 9:9

Wami yuyur ssenni Ƹisa, yufa ijjen n uryaz qqaren-as Matta iqqim ḏeg umcan mani jemmƹen ḍḍariba. Inna-as Ƹisa: "Ḏfar-ayi-d." Uca ikkar Matta iḏfar-iṯ.

Luqa 21:15

Lla, aḏawem uceɣ awaȓen ḏ ȓefhameṯ ḥima marra yinni kiḏwem itmenɣan war zemmaren ca axawem d arren.

Ȓexḏayem 17:18

Can n lfalasifa umi qqaren ibikuriyen ḏ can lfalasifa nneɣni umi qqaren iriwaqiyen bḏan temnaqacen ak Bulus nnan ȓebƹaḍ zzaysen, min ixes aḏ yini wanita itpeȓpiȓen waha? Nnan yiwḏan nneɣni imken itbeccar s arebbiṯen n dduwal. Nnan manaya minzi Bulus itbeccar s Ƹisa ḏ lqiyama.

Ȓexḏayem 7:35

Musa-ya nkaren-ṯ nnan-as: Uw c iggin cek ḏ arrayes niɣ ḏ ȓqaḍi xaneɣ? Walakin netta issekk-iṯ Arebbi aḏ yiȓi ḏ arrayes ḏ wenni iy ṯen ɣa isnejmen. Issekk-iṯ Arebbi x ufus n lmalaʼika nni iy ḏas d imeḍharen ḏeg uxcab nni.

Ȓexḏayem 7:54

Wami sȓin Jmaƹeṯ nni n lḥukkam n Ayṯ-Israʼil awaȓ n Stifan, xeyyqen ɣeḍben, tɣeẓẓaẓen ɣares ṯiɣmas.

1 Ayṯ-Kurinṯ 1:20

Wenni itefhamen zaƹma, ȓexxu mani iǧa? Amseȓmaḏ n ccariƹa zaƹma, ȓexxu mani iǧa? Lfilasuf n ȓweqṯ-a zaƹma, ȓexxu mani iǧa? Yak Arebbi isbuheȓi ȓefhameṯ n yiwḏan n ddunect-a ṯanita?

1 Ayṯ-Kurinṯ 1:21

Isbuheȓi-t s ȓefhameṯ n min netbeccar neccin. Mammec? S ȓefhameṯ-a n Arebbi iƹjeb-as aḏ isenjem yinni itamnen, walakin iwḏan n ddunect-a war zemmaren aṯ ssnen s ȓefhameṯ nsen.

1 Ayṯ-Kurinṯ 2:12

War ḏaneɣ d yuci ca arruḥ n ddunect-a, yuca-aneɣ-d Arruḥ iy d yusin zi Arebbi ḥima a nefhem ṯimesȓayin nni iy ḏaneɣ d yuca Arebbi baṭeȓ.

2 Ayṯ-Kurinṯ 10:10

Liʼanna qqaren xafi ȓebƹaḍ zzaywem qa ṯibraṯin n Bulus jehḏent qesḥent. U qqaren ƹaweḏ walakin xmi akiḏneɣ itiȓi netta s yixef nnes iteḍƹif awaȓen nnes xwan.

2 Ayṯ-Kurinṯ 4:7

Fa ȓkenz-a wanita aqaṯ ɣarneɣ ḏeg iɣerrafen n ucaȓ iƹni ḏi ddat nneɣ, bac aḏ d imeḍhar belli jjheḏ-a ameqqran aṭṭas itas-d zi Arebbi maci zzayneɣ.

Yaƹqub 2:5

Cuf ay ayṯma imƹizzen inu, ma war ṯessinem ca Arebbi ixḍar ȓmusakin n ddunect-a ḥima aḏ iȓin ḏ twajar s lʼiman nsen aḏ warṯen ḏi ȓmulk iy zi iwƹeḏ Arebbi yinni iy ṯ itḥibban?