1 Ayṯ-Kurinṯ 1:25 - Ṯarifiṯ 2020

²⁵ Mayemmi? Liʼanna zaƹma ṯubbuhȓiya n Arebbi nettaṯ ṯsefham ktar zi ȓefhameṯ n bnaḏem, zaƹma ḍḍuƹef n Arebbi netta ijheḏ ktar zi jjheḏ n bnaḏem.

1 Ayṯ-Kurinṯ 1:25 ပူးပေါင်းရင်းမြစ်များ

1 Ayṯ-Kurinṯ 1:18

Cuf, awaȓ n ṣṣalib netta ḏ ṯubbuhȓiya waha ɣar yinni war inejjmen ca, walakin ɣar neccin inejjmen awaȓ-a netta ḏ jjheḏ n Arebbi.

1 Ayṯ-Kurinṯ 1:21

Isbuheȓi-t s ȓefhameṯ n min netbeccar neccin. Mammec? S ȓefhameṯ-a n Arebbi iƹjeb-as aḏ isenjem yinni itamnen, walakin iwḏan n ddunect-a war zemmaren aṯ ssnen s ȓefhameṯ nsen.

1 Ayṯ-Kurinṯ 2:14

Bnaḏem ƹadi itagi aḏ iqbeȓ ṯimesȓayin n Arruḥ n Arebbi, ɣares manaya ḏ ṯubbuhȓiya waha. War izemmar ca aṯent ifhem, liʼanna s Arruḥ n Arebbi waḥḏes iy ṯent ɣa imeyyez.

1 Ayṯ-Kurinṯ 4:10

Neccin ḏ ibuhaȓiyen zaƹma ƹlaḥsab Lmasiḥ, y kenniw ma ḏ imiɣisen ḏi Lmasiḥ? Neccin neḍƹef, y kenniw ma ṯjehḏem? Karrmen-kenniw, neccin sbehdaȓen-aneɣ.

2 Ayṯ-Kurinṯ 13:4

Wah, netta itwaṣelleb x ṣṣalib s ḍḍuƹef, wa innama iteddar s jjheḏ n Arebbi. Amenni uȓa ḏ neccin. Neḍƹef am ḍḍuƹef nnes netta, wa innama jarawem nteddar akiḏes netta s jjheḏ n Arebbi.