1 Ayṯ-Kurinṯ 1:21 - Ṯarifiṯ 2020

²¹ Isbuheȓi-t s ȓefhameṯ n min netbeccar neccin. Mammec? S ȓefhameṯ-a n Arebbi iƹjeb-as aḏ isenjem yinni itamnen, walakin iwḏan n ddunect-a war zemmaren aṯ ssnen s ȓefhameṯ nsen.

1 Ayṯ-Kurinṯ 1:21 ပူးပေါင်းရင်းမြစ်များ

Matta 11:25

Ȓexddenni issiweȓ Ƹisa inna: "Ḥemḏeɣ-cek a Baba a Siḏi Arebbi n ujenna ḏ ṯmurṯ ȓaḥeqqac ṯesnuffareḏ manaya x imiɣisen ḏ lƹulama, ṯseḍhareḏ-ṯ-id i iḥenjiren imezyanen.

Luqa 10:21

Ȓexddenni ifareḥ Ƹisa s Arruḥ iqeddsen inna: "Ḥemḏeɣ-cek a Baba a Siḏi Arebbi n ujenna ḏ ṯmurṯ ȓaḥeqqac ṯesnuffareḏ manaya x imiɣisen ḏ lƹulama, ṯseḍhareḏ-ṯ-id i iḥenjiren imezyanen. Wah a Baba, ȓaḥeqqac ammu iy xak yarḍa.

Luqa 12:32

War teggwḏem ca a ṯḥimerṯ inu ṯamezyant, irḍa Babaṯwem aḏawem yuc ȓmulk nnes.

Yuḥanna 12:31

Ȓexxu aḏ twaƹaqeb ddunect-a. Ȓexxu Lmufsid nni ameqqran n ddunect-a axas azzȓen.

Ayṯ-Ruma 1:28

Ssenni niṯni wami ugin aḏ ssnen Arebbi, isellem-iṯen i ȓaƹquȓaṯ nsen infeḍḥen aḏ ggen min war iḥȓin.

Ayṯ-Ruma 11:33

Mecḥaȓ imɣar wagȓa n ȓefhameṯ ḏ ṯusna n Arebbi! War twacerrḥen lʼaḥkam nnes, war twafehhmen ibriḏen nnes.

1 Ayṯ-Kurinṯ 1:18

Cuf, awaȓ n ṣṣalib netta ḏ ṯubbuhȓiya waha ɣar yinni war inejjmen ca, walakin ɣar neccin inejjmen awaȓ-a netta ḏ jjheḏ n Arebbi.

1 Ayṯ-Kurinṯ 1:23

walakin neccin netbeccar s Lmasiḥ itwaṣellben. Israʼiliyen tneqȓaḍen ḏi manaya, ḏ yinni war iǧin ca zi Ayṯ-Israʼil qqaren qa manaya ḏ ṯubbuhȓiya waha.

1 Ayṯ-Kurinṯ 1:24

Walakin i yinni umi d iȓaɣa Arebbi, iƹni israʼiliyen ḏ yinni war iǧin ca zi Ayṯ-Israʼil, Lmasiḥ netta ḏ jjheḏ n Arebbi ḏ ȓefhameṯ nnes.

1 Ayṯ-Kurinṯ 1:25

Mayemmi? Liʼanna zaƹma ṯubbuhȓiya n Arebbi nettaṯ ṯsefham ktar zi ȓefhameṯ n bnaḏem, zaƹma ḍḍuƹef n Arebbi netta ijheḏ ktar zi jjheḏ n bnaḏem.

1 Ayṯ-Kurinṯ 1:27

Walakin Arebbi ixḍar min iǧan ḏ ṯubbuhȓiya ɣar yiwḏan n ddunect-a ḥima aḏ ifḍeḥ yinni itefhamen zaƹma. Ixḍar Arebbi min iḍeƹfen ḏi ddunect-a ḥima aḏ ifḍeḥ yinni ijehhḏen.

1 Ayṯ-Kurinṯ 11:32

Xmi xaneɣ itaḥkam Siḏiṯneɣ iƹni inehha-yaneɣ bac war nkessi ca lƹiqab n ddunect-a.

1 Ayṯ-Kurinṯ 2:14

Bnaḏem ƹadi itagi aḏ iqbeȓ ṯimesȓayin n Arruḥ n Arebbi, ɣares manaya ḏ ṯubbuhȓiya waha. War izemmar ca aṯent ifhem, liʼanna s Arruḥ n Arebbi waḥḏes iy ṯent ɣa imeyyez.

1 Ayṯ-Kurinṯ 4:10

Neccin ḏ ibuhaȓiyen zaƹma ƹlaḥsab Lmasiḥ, y kenniw ma ḏ imiɣisen ḏi Lmasiḥ? Neccin neḍƹef, y kenniw ma ṯjehḏem? Karrmen-kenniw, neccin sbehdaȓen-aneɣ.

1 Ayṯ-Kurinṯ 6:2

Ma war ṯessinem ca belli niṯni ṣṣaliḥin iy ɣa iḥekmen x ddunect-a? Y kenniw meȓa ṯḥekmem x ddunect-a, mayemmi war ṯzemmarem ca aḏ tḥellem ccikayaṯ ṯimezyanin?

Ayṯ-Galaṭya 1:15

Walakin Arebbi zi qbeȓ tuɣa iƹzeȓ-ayi nec iƹni ixḍar-ayi ḏeg uƹeddis n yemma ssenni iȓaɣa-ayi-d s arḍa nnes. Wami xafi yarḍa netta, iseḍhar-ayi-d Mmis ḥima azzayes beccareɣ jar ȓegnus. Ȓexddenni war mcawareɣ ak ḥadd.

Ayṯ-Galaṭya 4:8

Ḏi ȓweqṯ nni iƹḏun tuɣa war ṯessinem ca Arebbi, ḥekkmen xawem lʼaṣnam zaƹma, ḏi ṭṭabiƹa nsen niṯni maci ḏ arebbiṯen n ṣṣaḥ.

Ayṯ-Ufasus 1:9

U ƹlaḥsab lɣaraḍ nnes ig igga ḏi Lmasiḥ isbeyyen-aneɣ-d ȓmaƹna inuffaren n ȓxaḍar nnes.

Ayṯ-Ufasus 3:10

Min ixeṭṭeṭ netta? Yinni ig iḥekkmen ḏ yinni ig ijehḏen ḏeg ijennaṯen ȓexxu aḏ ssnen x ufus n jmaƹeṯ n ȓmuminin min ṯeƹna ȓefhameṯ n Arebbi x marra ṯimesȓayin.

Ayṯ-Kulus 1:19

Liʼanna iƹjeb-as i Arebbi aḏayes isezḏeɣ ḏi Mmis qaƹ min ɣares.

Iƹibraniyen 1:14

Lmalaʼikaṯ, niṯenti min ƹnant? Niṯenti ḏ arruḥaṯ twassekkent-id aḏ sexxarent i yinni iy ɣa iwarṯen asenjem.

Iƹibraniyen 2:3

Ȓexxu asenjem nneɣ imɣaren, mammec iy ɣa negg a nenjem zi lƹiqab iƹni meȓa neɣfeȓ x usenjem-a? Awaȓ n usenjem-a ibcar-iṯ-iḏ ḏ amezwaru Siḏiṯneɣ, ṯumma cehḏen xas yinni iy ḏas iṣennṭen ssiwḍen-ṯ-iḏ i neccin.

Iƹibraniyen 7:25

X manaya yinni zzayes itqarraben ɣar Arebbi izemmar Ƹisa aṯen isenjem i ȓebda. Mayemmi? Liʼanna netta iddar i ȓebda aḏaysen itcafaƹ.

Yaƹqub 4:4

A yinni ixeddƹen, kenniw ma war ṯessinem ca belli wenni itexsen ddunect-a ḏ wenni ḏ ȓaƹḏu n Arebbi? Wah, wenni ixḍaren dunnect-a qa netta nican ḏ ȓƹaḏu n Arebbi.

Yaƹqub 5:15

U ṯẓaǧiṯ nni ṯenni itqeddamen s lʼiman aḏ tesgenfa wenni iǧan ƹeyyan. Ssenni Siḏiṯneɣ aṯ isbedd. Meȓa igga ȓmuƹṣiyaṯ, aḏas iɣfar.