1 Ayṯ-Kurinṯ 1:18 - Ṯarifiṯ 2020

¹⁸ Cuf, awaȓ n ṣṣalib netta ḏ ṯubbuhȓiya waha ɣar yinni war inejjmen ca, walakin ɣar neccin inejjmen awaȓ-a netta ḏ jjheḏ n Arebbi.

1 Ayṯ-Kurinṯ 1:18 ပူးပေါင်းရင်းမြစ်များ

Ȓexḏayem 13:41

Xzareṯ a yinni itbuṣaren, tƹejjbeṯ fnaṯ. Ḏi ȓiyyam nwem aḏ ggeɣ can ṯmesȓayin waxxa ixebbar-ikenniw ḥadd zzaysent, war ṯ timnem ca."

Ȓexḏayem 17:18

Can n lfalasifa umi qqaren ibikuriyen ḏ can lfalasifa nneɣni umi qqaren iriwaqiyen bḏan temnaqacen ak Bulus nnan ȓebƹaḍ zzaysen, min ixes aḏ yini wanita itpeȓpiȓen waha? Nnan yiwḏan nneɣni imken itbeccar s arebbiṯen n dduwal. Nnan manaya minzi Bulus itbeccar s Ƹisa ḏ lqiyama.

Ȓexḏayem 17:32

Yina wami tesȓan x yiwḏan aḏ d kkaren zi ȓmewṯ ḏi Lqiyama ḍeḥcen ȓebƹaḍ xasen, walakin ȓebƹaḍ nneɣni nnan-as qa neccin nexs aḏac nṣenneṭ ṯwaȓa nneɣni x manaya.

Ȓexḏayem 2:47

Ḥemmḏen Arebbi, reṭṭan xasen yiwḏan marra. Kuȓ nhar yarenni-yasen Siḏi Arebbi ḏi lƹadad n yinni inejjmen.

Ayṯ-Ruma 1:16

Aqa nec war tseḏḥiɣ ca zi Lʼinjil liʼanna Lʼinjil ḏ jjheḏ nni ig isxeddam Arebbi bac aḏ isenjem marra wi ɣa yamnen: Ayṯ-Israʼil ḏ imezwura ṯumma yinni war iǧin ca zi Ayṯ-Israʼil.

1 Ayṯ-Kurinṯ 1:21

Isbuheȓi-t s ȓefhameṯ n min netbeccar neccin. Mammec? S ȓefhameṯ-a n Arebbi iƹjeb-as aḏ isenjem yinni itamnen, walakin iwḏan n ddunect-a war zemmaren aṯ ssnen s ȓefhameṯ nsen.

1 Ayṯ-Kurinṯ 15:2

Aqa ṯnejjmem zzayes wami ḏayes teṭṭfem mliḥ ḏeg wawaȓ n ttebcir nni wenni iy zi kenniw beccareɣ. Meȓa lla, zaƹma lʼiman nwem ṯesbeṭṭȓem-ṯ.

1 Ayṯ-Kurinṯ 2:14

Bnaḏem ƹadi itagi aḏ iqbeȓ ṯimesȓayin n Arruḥ n Arebbi, ɣares manaya ḏ ṯubbuhȓiya waha. War izemmar ca aṯent ifhem, liʼanna s Arruḥ n Arebbi waḥḏes iy ṯent ɣa imeyyez.

1 Ayṯ-Kurinṯ 2:2

Wami tuɣa ǧiɣ akiḏwem, ggiɣ aḏ scenƹeɣ ɣir Ƹisa Lmasiḥ u ḏ netta itwaṣellben ḏi ṣṣalib.

1 Ayṯ-Kurinṯ 3:19

Cuf, ȓefhameṯ n ddunect-a nettaṯ ḏ ṯubbuhȓiya waha ɣar Arebbi. Liʼanna iqqar Lkitab:

1 Ayṯ-Kurinṯ 4:10

Neccin ḏ ibuhaȓiyen zaƹma ƹlaḥsab Lmasiḥ, y kenniw ma ḏ imiɣisen ḏi Lmasiḥ? Neccin neḍƹef, y kenniw ma ṯjehḏem? Karrmen-kenniw, neccin sbehdaȓen-aneɣ.

2 Ayṯ-Kurinṯ 10:4

Ȓesnaḥ nneɣ maci am wenni ig isxeddam bnaḏem, ɣarneɣ ijjen n ȓesnaḥ nneɣ zi Siḏi Arebbi zzayes iy netrezza imucan ijehḏen.

2 Ayṯ-Kurinṯ 4:3

Lʼinjil nneɣ meȓa iɣemmes s yijjen n ltam, iɣemmes ɣir i yinni ifennan.

1 Ayṯ-Salunik 1:5

Liʼanna Lʼinjil iy netbeccar war d yusi ca ɣarwem s wawaȓen waha, yusa-d ɣarwem s ṯzemmar ḏ Arruḥ iqeddsen ḏ yijjen n uqennaƹ imɣar. Aqa ṯessnem mamc tuɣa netƹic jarawem ƹlaḥsab kenniw.

2 Ayṯ-Salunik 2:10

ḏ marra ibriḏen n ccarr iy zi twacemmaṯen yinni ifennan. Niṯni aḏ fnan minzi war qbiȓen ca aḏ texsen lḥaqiqa bac aṯen isenjem Arebbi.

Iƹibraniyen 12:2

U labud a nxezzar mliḥ ɣar Ƹisa zzaƹim nneɣ ḏ netta iy ḏaneɣ ɣa issiwḍen nican ɣar uneggaru. Ƹisa s ȓefraḥeṯ nni iy tuɣa ṯ itrajan ɣar zzaṯ, iṣbar x ṣṣalib iƹeyyeb aḥeggar n ṣṣalib nni ssenni iqqim x ufusi n ȓƹarc n Arebbi.

Iƹibraniyen 4:12

Aqa awaȓ n Arebbi iddar netta ifsus, iqḍeƹ aṭṭas ktar zi ssif n ṯnayen n jjihaṯ. Itaḏef aȓ ḏaxeȓ iferreq buḥbeȓ ḏ arruḥ ḏ mani tmunen ȓemfaseȓ, itaḏef ɣar waḏuf. Itmeyyaz jar lʼafkar ḏ lʼaɣraḍ n wuȓ.