1 Ayṯ-Kurinṯ 1:17 - Ṯarifiṯ 2020

¹⁷ Liʼanna Lmasiḥ war ḏayi d issekk ca ḥima aḏ ṭehhareɣ i yiwḏan s waman; Lla, nec issekk-ayi-d aḏ beccareɣ s Lʼinjil walakin maci s ȓefhameṯ nni n wawaȓen izewwqen. Mayemmi? Bac jjheḏ iy iǧan ḏi ṣṣalib n Lmasiḥ war itbeṭṭiȓ ca.

1 Ayṯ-Kurinṯ 1:17 ပူးပေါင်းရင်းမြစ်များ

Yuḥanna 4:1

Issen Ƹisa belli ifarrisiyen arrin-d ȓexbar wami d marnin ɣares imeḥḍaren itṭehhar-iṯen s waman ktar zi Yaḥya.

Yuḥanna 4:2

Walakin Ƹisa s yixef nnes war itṭehhar ca i yiwḏan, ḏ imeḥḍaren nnes ig iggin manayenni.

Ȓexḏayem 10:48

S manaya iweṣṣa-ṯen Buṭrus aḏ twaṭehharen s waman ƹlaḥsab isem n Ƹisa Lmasiḥ. Ssenni ttaren zzayes akiḏsen iqqim can wussan.

1 Ayṯ-Kurinṯ 2:1

Ay ayṯma, nec wami d usiɣ ɣarwem, usiɣ-d aḏ beccareɣ s ȓmaƹna inuffaren n Arebbi, maci usiɣ-d aḏ beccareɣ s wawaȓen izewwqen niɣ s ȓefhameṯ nni n bnaḏem.

1 Ayṯ-Kurinṯ 2:13

Nsawaḍ manaya s wawaȓen iy war ṯen ṯseȓmiḏ ca ȓefhameṯ n bnaḏem; Lla, nessawaḍ-iṯ s wawaȓen ig iseȓmaḏ Arruḥ n Arebbi. Awaȓen-a tcarraḥen lḥaqiqaṯ ruḥiyaṯ i yinni umi ɣar iǧa Arruḥ n Arebbi.

2 Ayṯ-Kurinṯ 1:12

Aqa neccin nteftaxar zi ḍḍamir nneɣ iƹni icehheḏ belli nuyur mliḥ ḏi ddunect-a xaṣṣatan akiḏwem s yijjen n nniyyeṯ ḏ wuȓ iṣfan zi Arebbi. War iǧi bu s yijjen n ȓefhameṯ n ddunect-a; Lla, s yijjen n arḍa n Arebbi.

2 Ayṯ-Kurinṯ 10:10

Liʼanna qqaren xafi ȓebƹaḍ zzaywem qa ṯibraṯin n Bulus jehḏent qesḥent. U qqaren ƹaweḏ walakin xmi akiḏneɣ itiȓi netta s yixef nnes iteḍƹif awaȓen nnes xwan.

2 Ayṯ-Kurinṯ 11:6

U nec waxxa war ssineɣ ca lxuṭba inu mliḥ, war ḏayi ṯenqiṣ ca ṯusna. Neccin ṯusna-ya nesbeyyen-awem-t-id nican s marra ṯimesȓayin.

2 Ayṯ-Kurinṯ 4:2

Neccin netbeƹƹaḏ x ṯmesȓayin n ȓefḍiḥeṯ ig itwaxeddmen s ṯnufra. War nesxeddim ca ṯaḥraymiṯ, war netḥerrif ca awaȓ n Arebbi. Neccin zzaṯ i Arebbi nseȓmaḏ lḥaqiqa bȓa ma at nesnuffar. Ammu ɣarsen marra iwḏan ḏi ḍḍamir nsen belli ḏayneɣ ttiqeṯ.

2 Buṭrus 1:16

Wa cuf, neccin tuɣa war nḏeffar ca ṯiḥuja nni iy twaggent s ȓefṭaneṯ n bnaḏem wami iy kenniw nsefham x jjheḏ nnes ḏ Nhar nni iy ḏi d ɣa yas Siḏiṯneɣ Ƹisa Lmasiḥ; Lla, neccin neẓra s ṯiṭṭawin nneɣ mecḥaȓ ṯemɣar ṯuƹȓat nnes.