Yuuda 1:6 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶ Wihi addane an atin kasooꞌhelcho, a herti Waakhe goorat antohi Waakh siiche ka hili lasiiche ibuuhinne, iꞌdaasenyi meessiche katabte. Waakh icho biingoyyohi armaanjireene mugꞌdi goyaka kahide, ichoowka Ibeenki weene Waakh ꞌdooꞌd hukkumo yateeh.

Yuuda 1:6 ပူးပေါင်းရင်းမြစ်များ

Mattaayo 10:15

Rume atin icheeka, ibeenki Waakh ꞌdooꞌd hukkumo, sinati Waakh ꞌdooꞌdi ilkerengeetti Soodom yiil ichoow ki ilkerengeetti Goomorah yiil tuse iche deefta sinati Waakh ilkerengeettaas tuso ka.

Mattaayo 25:41

“ꞌDeerka wihi us ꞌdooꞌdi ankiiski gurro kijiro iyadeeh, ‘Nyaama ikataba, atinha falan, ꞌdabaas armaanjireene Waakh Seytaan ichoow herti Seytaan ba iyeele kachimmama.

Mattaayo 8:29

Chirraas on riireene, “Weeli Waakh, at mehe nah kaꞌdoonta? Geeddi ibeenki Waakh nah ichiire iitaahan on tamiite bolokh nah tussa?” yidaaheen.

Yoohana 8:44

Atin a nyaakhuti Seytaanki ooyohiine. Wihi us imoono tuumman atin laka yeeline ꞌdoontaan. Uus uumaccho ka us eti ꞌdooꞌd bakkicho on eheet. Ulla toro rum a ꞌdiiꞌda, iꞌdi tahe us injire wihi rummaat ma cheekin. Chirra us yeedi beenaat cheeko la, wahaas eti rumanka us yahe tusaan. Us a eti been lehe, toro la a ooyohi ꞌdooꞌdi been goocho.

Rooma 2:5

Iꞌdaasenyi matahenyetiin a mimmiige toro la uurassiin ka uskeeli atin kasoonokhattaan a ꞌdiiꞌddaan. Jeentetaas u atin sinati berri ibeenki Waakh holiis atin tuso toro jiti rummaat ka enenyet hukkumo, a isibuuraassaan.

Efeesso 6:12

Iꞌdi tahe dihoti inno kajirro, ti weeli enenyet isladiho mee. Inno karnatohi ginnayyohi anto leh ichoow wahanyeyyohi harratane sussuuje iche isdihna, toro la ginnayyohi meessi saraat dakhti iche isdihna.

Ibiraaniya 10:27

Iꞌdaasenyi wihi jiro, a hukkunki Waakh ꞌdooꞌd hukkumo soosohti, inno roorro ka sugno, ichoow ꞌdabi weyti bolkho chiiyti Waakh ꞌdabbaacho kalday on.

2 Beetero 2:4

A mehe Waakh herti Waakhe goorat uskeel yeesse sina a omhiche, ankhari af laa goya kalugꞌde kaahhide. Intaase fiddiyaane ichoowka ibeenki Waakh enenyet hukkumo yateeh.

2 Beetero 2:9

Kamur ꞌdeerka saggi us ꞌdooꞌdi aytiis raaho sinayyohi kajo ikasoobahcho a garta. Toro la ꞌdooꞌdi uskeel yeelo saggi us sina iomhicho ichoowka ibeenki us ꞌdooꞌd hukkumo yateeh laka a garta.

Yuuda 1:13

Lakhaanyoti icho gelaan la a iꞌdi hamboti weyti buurenye chaafo khabto beyti buure ka hafari buurenye irti uskul kahcho sookhaatto. Icho a iꞌdi yiyyihimohi baabe Kamur mugꞌdihi reebenye armaanjireen meel igesso.

Bakkaahit 20:10

Seytaanki ꞌdooꞌda ekkeeste la beyti ꞌdabe iꞌdi lahawti kibiriiꞌd ibolokhto binahi oraat ichoow eti eti Waákh íyeyyeedo iskaayyeelo lakalugꞌde usu laka goya liiseye. Icho la jirtuu tuumman, maalim ichoow ibeen ba, bolokhe latusa.

Bakkaahit 20:2

Herta Waakh la khorojebsihi archiiy jire magahiis ki ꞌdooꞌd hanti ommos Seytaan layadeeh khabatte, guꞌh alifoo hidde.