Yuuda 1:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Aalasseeyki an weyti ꞌdoono, geeddi an wori ribnaanki inno isleegisanno miinsan atin isoochiiro kamaldi, wihi an arge a mehe ya, wohoo addane uur ikasoodihe atin isoochiira. A atin hawwaasda, kakhuufnaanki atin Kiriisto kakhuuftaane ꞌdooꞌdi Waakh maantoo kalday on dahan lagesse, jirtuu la liikanokhan hol kadowa.

Yuuda 1:3 ပူးပေါင်းရင်းမြစ်များ

Hilassi Ergaano 17:3

wihi massan, Ki Lasubhe sina lakawaaricha, toro omoot kasookaha. “Yeessoha an atin idowdowo iche Ki Lasubhee,” iyidah.

Hilassi Ergaano 18:28

A mehe us chirri us ꞌdooꞌdi Yaꞌhuud enenyet tuumman ortiis ka leehawwoocho, af ka a kahataate, Chiirnaanneti Waakh ka, saggi Yeesso rumanka Ki Lasubhe iyahe tuse.

Hilassi Ergaano 20:27

Iꞌdi tahe wohoo kaldaye Waakh atinhi abattaan ꞌdoono an mujjum atin ikasoocheekin ma jiraan.

Hilassi Ergaano 28:28

“Maantaka waha abda, ribnaanki Waakh ꞌdooꞌd ribo, yaafohi Yaꞌhuud ieheynane liierge, icho la daagaan!”

Hilassi Ergaano 4:12

Ribnaanki enenyet et addane lakaꞌhelo mele. A mehe magahoo addane Waakh harra tuumman ka inno karibo ma jiro.”

Hilassi Ergaano 6:7

Yeedi Waakh ꞌdeerka taaꞌhe orey isohte. Tiri abatti Kiriisto ilkerengeetti weene Yeerusaleem ka weyti kakhayme, kuhaaniyyohi ittaawe laka Wori Haaggan kakhuufeen.

Hilassi Ergaano 9:13

Anaaniya wihi us ilaabe, “Kamur, ꞌdooꞌdi ittaawe wori eta a isiiche, suujoonki noole us ꞌdooꞌdi Waakhe ilkerengeetti weene Yeerusaleem kijiro yeele a daage.

Hilassi Ergaano 9:22

Iꞌdaasenyi Saawulo jiti miige ka wori Waakh cheeke. Ulla wahanyeyyohi ittaawe ka saggi Yeesso rumanka Ki Lasubhe iyahe tuse, ichoowka ꞌdooꞌdi Yaꞌhuude Damaasko yaal malaliche.

1 Koriinto 15:3

Iꞌdi tahe an wihi weyti khummane an ꞌhele iche atin isookucche. Kiriisto jeenteti uskeeleenna iyumuy saggi Chiirnaanneti Waakh liikachiiruu.

Galaatiya 2:5

Nah la yeedicho nabah ma isudin iꞌdaaru laka. A mehe runti Wori Haaggane atin ikaaynaa.

Galaatiya 3:28

Kola enenyet seley ma gaan. Iꞌdi maanta Yaꞌhuud ichoow yaafohi Yaꞌhuud ieheynan, ommos bowꞌda ichoow ꞌdooꞌdi bowꞌda ieheynan, ommos mejel ichoow deyyeho seley ma gaan, a mehe atin tuumman Yeesso Kiriisto ka a wohoo kalday.

Galaatiya 6:11

Chiirnaanka burbuurenye an dahanteey ka atin isoochiire bal yeya!

Efeesso 1:1

Khadaaba eti atin isoochiiro a ani, Baawulohi saggi Waakh igoochuu, ergaano Yeesso Kiriistee. ꞌDooꞌdi an isoochiiro a ꞌdooꞌdi Waakhe ilkerengeetti Efeesso yaal. Atin ichoow Kiriisto a wohoo kaldaye, toro la a ꞌdooꞌdi lakakhuufo.

Fiiliffi 1:1

Khadaaba eti atin isoochiiro a ani Baawulo. Timooti laka a iskhabna. Nah la a falfa Yeesso Kiriisto. ꞌDooꞌdi an khadaaba isoochiiro a ꞌdooꞌdi Waakhe ilkerengeetti Fiiliffi yaalle icho ichoow Yeesso Kiriisto ba wohoo kalday yahiin, ichoow ꞌdooꞌdi urur Kiriisto yaakhicho ichoow ꞌdooꞌdi urur Kiriisto gargaaro.

Fiiliffi 1:27

Walahbaaw soobaho ka, jiroti ꞌdooꞌdi Wori Haaggane Kiriisto imale jira, ꞌdee chirra an amiite an atin argo, ommos an iimaatane woriin kalday daago, saggi atin uuroo kalday ka mujjum itolossaan a abdi. Toro la saggi atin maloo kalday ikhabtaane, atin tuumman kakhuufnaanki atin Waakh kakhuuftaane Wori Haaggan keeno hol ikadowtaan a abdi.

Kolossaay 1:2

ꞌDooꞌdi an isoochiiro la, a atinhi munyeenye, Kiriisto rummeysatteene lakakhuufo, ilkerengeetti Kolossaay taalliine, atin ichoow Kiriisto ba wohoo kalday tahiin. Waakkhi Aabbaheene ba atin imaala nebey atin kakaala.

1 'Dessaloonika 2:2

Geeddi goorat nah atin ikiimaatan, saggi ilkerengeetti Fiiliffi ka sina nah liikawaariche ichoow saggi ꞌdooꞌdi wewween nah ileeabaarrame a garattaan. Iꞌdaasenyi jeenteti Waakh uur nah imiigooche u, Wori Haaggane Waakh a atin icheekne chirri ꞌdooꞌdi nah ꞌdiiꞌddan jire laka.

1 Timooti 1:18

Timooti, weelaaw, amura an kisiicho ichoow wori kimiinsane goorat ꞌdooꞌdi Waákh íyeyyeedo cheeke kisoobaho, a israahaan. Amurane kisiicha ꞌdee woraas at raahto ka, dihoti haaggan gessa,

1 Timooti 6:12

Jiroti inno Kiriisto kakhuufne ka dihoti haaggan gel. Jiroti jirtuu imassanne maanti lakiwahe at wihi haaggan ꞌdooꞌdi ittaawe ortiis ka cheekatte icho la gartiche laabaan jurkhi.

2 Timooti 1:13

Kakhuufnaanki at Kiriisto kakhuufto ichoow ꞌdooninti at ꞌdooꞌdi addan ꞌdoonto ka, wor Yeesso ki rummaate at ikadaagte mujjum jurkhi, a mehe ati ichoow Yeesso Kiriisto ba a wohoo kalday.

Tiito 1:4

Eti an khadaab ichiiro la a ati Tiitohi kakhuufnaanki inno Kiriisto kakhuufno ka iꞌdi weeleeye. Waakkhi Aabbaheene ichoow Yeesso Kiriistohi ꞌDoorribeheene ba kimaalaane nebey kaakaalaan.

Ibiraaniya 13:22

ꞌDooꞌd Kiriistokaaw, a atin hawwaasde, taba, wihi an khadaabaar rucchul ka atin iidahye uur atin miigoocho, nabah isuda giꞌde.

Ibiraaniya 6:9

Aalasseenyoki nah weyti ꞌdoonno, chirri nah iꞌduu atin faajjiino laka, nah waꞌdwaaꞌd ma atin kakhabno. Iꞌdi tahe saggi atin jiti deefo ribnaan raaho iraahtaane garanna.

1 Beetero 5:12

Eti ullaka koo Kiriisteenye Silfaano layadeehe, an eti weyti lakakhuufo iekkaacho, iche khadaaba ileegargaare. Wihi an gaabi ka atin ikasoochiire la uure atin miigoocha, toro a saggi wihi khadaaba kachiiran haaggi Waakhe buure rum iyahe. Haagga akanokhanna giꞌde.

2 Beetero 1:1

Khadaaba eti atin isoochiiro a ani, Siimonhi Beetero layadeeh. Ani la a falfa ichoow ergaano Yeesso Kiriisto. ꞌDooꞌdi an isoochiiro la a ꞌdooꞌdi fissanoonki Waakh ichoow koo Yeesso Kiriistohi ꞌDoorribeheene ka iꞌdenyuu rumanka kakhuufnaanki Yeesso Kiriisto lakakhuufo ꞌhele.

2 Beetero 2:21

Ichohi goorat jiti fissan iabanne deefta ichohi abte toro amurreti Waakhe munyeenye lasiiche bujo ka.

Yuuda 1:1

Eti khadaaba soochiiro a ani, Yuudahi bowꞌda Yeesso Kiriisteenye, walaal Yaakoobee. ꞌDooꞌdi an ichiiro la a ꞌdooꞌdi Waakkhi Aabbaheene wahe toro la ꞌdoono, Yeesso Kiriisto la toorribo.

Yuuda 1:17

Iꞌdaasenyi aalasseeyki an weyti ꞌdoono, atin la wihi ergaano Yeesso Kiriistohi Kamureene orey atin icheekte kasooꞌhela.

Yuuda 1:20

Iꞌdaasenyi atinhi aalasseeyki an weyti ꞌdoonee, taba kakhuufnaanki weyti lagane atin Kiriisto kakhuuftaan ka ismiigoocha. Chaꞌatin Waakh wahattaan la Rubeyti Munyee a atin woyto.

Bakkaahit 12:11

ꞌDooꞌd Kiriisto diiggi Heleem ka ichoow wori rummaate icho cheekeen ka Seytaan a sooricheen. Toro la chirri icho layagiis laka, icho omoot ma karoorin.

Bakkaahit 2:10

Sinayyohi dowwanoha ka atin lasoomhicho akaroorina. Wihi an atin icheeko, Seytaan gaasiinkoo jeela kachiba a atin kajaa. Sinayyoha la ibeen tomon on atin yamhiin. Chiꞌ omoot atin liigooche laka, ani on ikakhuufa ani la ꞌduubi jiroti jirtuu imassan a atin siichaa.