Yuuda 1:23 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²³ ꞌDooꞌdi addan la ꞌdab goya kasootogda, riba. Gaasoo la nahtinti roorroti Waakh khabto tusda, iꞌdaasenyi atin laka ubbaarretichoti derdeere ildeerroti suujenye icho yeelaan ka labiꞌdirrooche ꞌdiiꞌda.

Yuuda 1:23 ပူးပေါင်းရင်းမြစ်များ

Rooma 11:14

An iꞌdane yeela a mehe anihi ꞌdooꞌdeey inaaf gesso khajjeela, ꞌdee saggoo an gaasichokoo iribo ꞌhola.

1 Koriinto 15:33

Uus ꞌdooꞌdi addan atin ekkeysan! Mammahta kasooꞌhela, “Wahalhi suuje eti sohoti haaggan khabo a kheeroochaan.”

1 Koriinto 3:15

Chirri wihi us dise ꞌdab yuhum, kalaꞌd a waaya. Iꞌdaasenyi usu rubeytiis iꞌdi etoo ꞌdab goya lakasoobahchuu, a bahsata.

2 Koriinto 5:11

Maantaka nah Kamuri lakarooro wihiis a garanna gone, hole downa weeli enenyet hawwaassanna. Waakh wihi nah nahe khuuf on garta, toro an a khajjeela atin laka rubeyohiinki haag ichoow suujoon seley saaho ka wihi nah nahe khuuf a garattaan.

2 'Dessaloonika 3:14

Chiꞌ etoo wihi nah khadaaba ka atin abinne iraahin, etaas isicheeka kaseeha, ꞌdee lakhaanyo a khaatatti.

1 Timooti 4:16

Kol dakkhan jirotaah ichoow wihi at ꞌdooꞌd abisso yaakhiche, weyti la goya yey. Chaꞌat waha yeesso, a isribta ꞌdooꞌdi kidagansati laka ribta.

2 Yoohana 1:11

Eti tuummane eti iꞌdee martiisti, hilaas weyti suujenye etaas haaggicho iche ullaka leegisma.

Yuuda 1:22

ꞌDooꞌdi uurlammaal khabo inaha.

Bakkaahit 3:18

Wihi an atin kawaanicho ꞌdahabi ꞌdab ka lagube ki rummaat yitah ikagadda, ꞌdee kamurrowa. Gaaddi daddakhane atin gessattaan laka ikagadda, ꞌdee a atin loogoogo lakhaanyoti murukkhiin uus lasoobakkaahin. Ildawahi atin indo kawelweelattaane atin mujjum il agartaan laka ikagadda.

Bakkaahit 3:4

Iꞌdaasenyi Sardi ka ꞌdooꞌdoo rucchule uskeel iskasoohosse a khabtaan. ꞌDooꞌda gaaddi daddakhane gessata ileesohta, a mehe waha a wihi icho imale.