Yuuda 1:21 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²¹ Geeddi atin jiroti jirtuu imassanne Yeesso Kiriistohi Kamureene uurnugleeliis ka atin siicho sugtaan, ꞌdooninti Waakh atin ikhabo kafiddiya.

Yuuda 1:21 ပူးပေါင်းရင်းမြစ်များ

Yoohana 1:17

A mehe Waakh amurretiis Muusa ka a inno siiche. Haaggi Waakhe buure ichoow runtiis la Yeesso Kiriisto ka a inno tuste.

Yoohana 14:21

Eti iꞌdoono, a ki amurreteey khabti, toro raaho. Eti iꞌdoono la, Aabbaheey laka usú a ꞌdoona, ani laka usu a ꞌdoona, toro la eti an ahe la a tusa.”

Hilassi Ergaano 11:23

Maanti us intaas sooeleele us saggi icho haaggi Waakhe buurenye icho imunneynan iꞌheleen arge ka, weyti hamaade, ulla icho uur miigoocha ꞌdee rumanka uurassicho tuumman ka Kamur raahaan.

Rooma 5:21

Iꞌda ka saggi uskeeli weeli enenyet yeele omoot ikeene idakhtuu, saggaas on haaggi Waakhe buurenye inno imunneynan weeli enenyet idakhta, ꞌdee Waakh Yeesso Kiriistohi Kamureene ka ꞌdooꞌdi fiffissan inno iekkaacha, toro jiroti jirtuu imassan ꞌhella.

Rooma 5:5

Khajjeela inno khabno ka, rubeye ma inno jebto. Iꞌdi tahe Waakh Rubeytiisti Munyee a inno siiche, ꞌdee iche la ꞌdooninti Waakh rubeyoheen goya buuhissa.

Rooma 6:23

Iꞌdi tahe gunnaanki eti uskeel yeelo laguto, a omoot. Iꞌdaasenyi siinti Waakh iꞌdaanu enenyet siicho, a jiroti jirtuu imassan. Waha la a chirri inno ichoow Yeesso Kiriistohi Kamureene ba wohoo kalday nahe.

Rooma 8:39

Wihi sereyta daayan sartiis kijiro ommos harrata iliche kijiro laka ma inno kagoochaan. Wihi Waakh soouume tuumman goyaka laka, wohoo kaldaye ꞌdooninti Waakh Yeesso Kiriistohi Kamureene ka inno ꞌdoono inno kagoon yabuuꞌd ma jiraan.

2 Koriinto 13:14

Haag Yeesso Kiriistohi Kamure ichoow ꞌdooninti Waakh ichoow kulanki Rubeyti Munyee ba atin tuumman atin leejiraan.

2 'Dessaloonika 3:5

Kamur ba uurassiin woya, ꞌdooninti Waakh atin ꞌdoono geeddiche ichoow garrahsihi Kiriisto lakeelo tuum abattaan.

1 Timooti 1:2

Eti an isoochiiro la, a ati Timooti. Ati jiroti inno Kiriisto kakhuufno ka a weelaaya. Waakkhi Aabbaheene ichoow Yeesso Kiriistohi Kamureene ba kimaalaane, uur kisoonugleestaane toro la nebey kaakaalaan.

2 Timooti 1:16

Kamur ba goob Oneesiferas uur isoonugleesta. A mehe us geeddi buure a ikahamaadiche. Maanti an jeela kijire laka, us uur a imiigooche toro ma ikalakhaanyeysan.

2 Timooti 1:18

Kamur ba usu gargaara, ibeenki ꞌdaꞌddaboot Kamur usu uur isoonugleesta. Geeddi us ilkerengeetti Efeesso ka igargaare rumanka a garatta.

2 Timooti 1:2

Eti an isoochiiro la a ati Timooti. At la a iꞌdi weeleeyki an weyti ꞌdoono. Waakkhi Aabbaheene ichoow Yeesso Kiriistohi Kamureene ba kimaalaane, uur kisoonugleestaane, toro la nebey kaakaalaan.

2 Timooti 4:8

Toolla ꞌduubi eti enenyet sooricho ꞌhelo a isuga jeenteti an Waakh kalday on ikajiruu. Kamuri fissane enenyet mujjum hukkumo, ꞌduuba ibeenki us soonokhti a isiicha. Ani kalday ꞌduuba ma ꞌhelo, iꞌdaasenyi ꞌdooꞌdi tuummane emeettiis imoono laka a ꞌhela.

Ibiraaniya 9:28

Saggaas on u Kiriisto laka koloo on lasoorriyooche, ꞌdee uskeeli ꞌdooꞌdi buure bahcha. Ulla maanti lammaatteete us soonokhti, uskeeli us toro bahcho ma iyamiite, iꞌdaasenyi ꞌdooꞌdi usu weyti sugo iche yamiite, ribnaan ikeena.

2 Beetero 3:12

geeddi atin ibeenki Waakh sugtaane atin ibeenkaas itirriinsattaan. Maantaas la sereyta daayan ichoow wahanyeyyohi kijiro tuumman a gubtaane bar waayaan.

1 Yoohana 4:16

ꞌDooninti Waakh inno ꞌdoono a garanna, toro la ꞌdoonintaas a kakhuufna. Waakh wihi us yeelo tuumman ꞌdoonintiissa kayeela. Eti tuummane Waakh ichoow ꞌdooꞌdi addan ꞌdoono, Waakh goytiissa fiddiya, ulla Waakh goytiissa fiddiya.

1 Yoohana 5:18

Wihi inno garanni, ꞌdooꞌdi tuummane nyaakhuti Waakhe uskeel goya ma kaassohti. Weeli Waakhe icho toorribá, Seytaanki uskeel leh icho iꞌdoor rucchul laka ma yeelo.

1 Yoohana 5:21

Nyaakhuteeyki an weyti ꞌdoono, taba iyookkoyyohi waakkhakh lakayeessi iskahossa.

Yuuda 1:1

Eti khadaaba soochiiro a ani, Yuudahi bowꞌda Yeesso Kiriisteenye, walaal Yaakoobee. ꞌDooꞌdi an ichiiro la a ꞌdooꞌdi Waakkhi Aabbaheene wahe toro la ꞌdoono, Yeesso Kiriisto la toorribo.

Yuuda 1:22

ꞌDooꞌdi uurlammaal khabo inaha.

Yuuda 1:24

Toollaka weynaan tuumman a ti Waakkhi tarraantarran atin kaholin yabuuꞌde, toro la atinhi wohoo rucchul laka atin liikacheekan hamaadi buure khabtaani ortiisti ababto atin keeno.

Bakkaahit 12:11

ꞌDooꞌd Kiriisto diiggi Heleem ka ichoow wori rummaate icho cheekeen ka Seytaan a sooricheen. Toro la chirri icho layagiis laka, icho omoot ma karoorin.