Yuuda 1:20 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁰ Iꞌdaasenyi atinhi aalasseeyki an weyti ꞌdoonee, taba kakhuufnaanki weyti lagane atin Kiriisto kakhuuftaan ka ismiigoocha. Chaꞌatin Waakh wahattaan la Rubeyti Munyee a atin woyto.

Yuuda 1:20 ပူးပေါင်းရင်းမြစ်များ

Hilassi Ergaano 15:9

Inno ichoow icho la walah inno yeerarroocho mele, wihi tahe kakhuufnaanki icho Waakh kakhuufeen ka, Waakh uurassicho a dikhe.

Hilassi Ergaano 26:18

Icho kiergada ꞌdee walah abissa indo furnamaane, mugꞌdi kasoolaabta banayhi Waakh goya keenta, miigti Seytaan kasoolaabta Waakh iurgiyissa. Iꞌda ka uskeelicho a liikakuta, toro icho laka kakhuufnaanki icho ikakhuufaan ka ꞌdooꞌdi Waakh soobahsate goyaka meessi icho muꞌdane ꞌhelaan.’ ”

Hilassi Ergaano 6:7

Yeedi Waakh ꞌdeerka taaꞌhe orey isohte. Tiri abatti Kiriisto ilkerengeetti weene Yeerusaleem ka weyti kakhayme, kuhaaniyyohi ittaawe laka Wori Haaggan kakhuufeen.

Hilassi Ergaano 9:31

ꞌDeerka urur Kiriistoki ilassi Yaꞌhuudiya ichoow Gaalilaaya ichoow Saamariya kajiro ba geeddoo ka sina laan nebey kafiddiyeen. Rubeyti Munyee la icho miigoosse, toro la uur miigoosse, toro ꞌdooꞌd laka kakhayme. Icho tuumman la Kamur karooreen.

Rooma 15:2

Eteemba ꞌdooꞌd Kiriisto a kahamaadicho, wihi haaggan a iyeelo, ꞌdee rubeyohicho a disno.

Rooma 8:15

Iꞌdi tahe Rubeyti Waakhe atin ꞌhesseen ti toro bowꞌdati burꞌdowto atin kayeesso mee. Atin Rubeyti Waakhe iꞌdi teyyanohi Waakh atin kayeesso iche ꞌhesseen. Inno la Rubeytaas ka Waakh a iooyna, “Aabba, Aabbahaanya!” inadeeh.

1 Koriinto 1:8

Yeesso Kiriistohi Kamureene la a atin miigoocha, usu mujjum kakhuuftaane, ꞌdee maanti us soonokhti ka, wohoo rucchul laka ma atin kacheekti.

1 Koriinto 10:23

Mehe leessa ya, “Wihi an yeelin ꞌdoono walah ikajeycho mele.” Iꞌdaasenyi walah tuumman mee atin iroon. Toro la “Wihi an yeelin ꞌdoono walah ikajeycho mele,” iche leessa. Iꞌdaasenyi walah tuumman mee gargaar khabo.

1 Koriinto 14:15

ꞌDeerka mehe yeelo? Rubeyteey ka Waakh a wahda toro maleey ka laka Waakh a wahda. Rubey ka Waakh a saaꞌda toro maleey ka laka Waakh a saaꞌda.

1 Koriinto 14:26

ꞌDooꞌd Kiriistokaaw ꞌdeerka mehe incheenka yeessaan? Maambaaw atin kulantaan, etoo geeyoo us Waakh idowo khaba, etoo wohoo us enenyet abcho khaba, koo laka wohoo Waakh ibabbakkaahiche khaba, koo laka afi Rubeyti Munyeenye kaayyeeda, koo laka afaase laaba, ꞌdeerka waha tuumman saggoo icho urur Kiriisto imiigoochaan iyeela.

Galaatiya 4:6

Jeenteti atin nyaakhuti Waakh itahiin u la, Waakh Rubeyti Weeliissa rirriirto, “Aabba, Aabbahaaw,” elatti sooerge, rubeyoheen goya gesse.

Efeesso 4:12

Waakh iꞌdane yeele, ꞌdooꞌdi Waakh hili icho Waakh ihilaan itannabicha, ꞌdee urur Kiriistoki sartiise miigowa.

Efeesso 4:16

Inno a iꞌdi miilassi addane sareet. Saggi miilassi sareet tuumman isliikadagche maanjeerre ikhucchissuu, Kiriisto laka usu ꞌdooꞌdiis wohoo kalday kayeela. Saggaas on u miilassi sareet kooba hiliis mujjume haaggicha, sartaas ꞌdoonin ka weynaatta miigowta.

Efeesso 4:29

Yeedi ꞌdooꞌdi addan gaameero uus afiin leeimaatane, yeedassi ꞌdooꞌdi gargaar ꞌdoono gargaaro toro la uur miigoocho on kaayyeeda. Iꞌda ka la ꞌdooꞌdi atin daago buuhi Waakhe ꞌhela.

Efeesso 6:18

Taba kol tuumman saggi Rubeyti Munyee atin iwoytuu weysi ichoow daahti fil tuummane ka Waakh wahda. Iꞌda yeessaani toorribda, toro kol dakkhan garrahsada ꞌdooꞌdi Waakh tuumman Waakh iwaha.

Kolossaay 2:7

ꞌDeerka orey isohda goytiis ka mujjum hiiyyay bahcha, jirotiin la usu kadisa. Saggi atin liiabchuu, kakhuufnaanki atin usu kakhuuftaan ka miigowa, kol dakkhan la weyti usu kalaꞌd ilaaba.

1 'Dessaloonika 5:11

Toollaka uur ismiigoocha, toro isgargaara iꞌdi toolla atin yeessaan u.

1 Timooti 1:4

Toro la ꞌdooꞌdi hawweesseti beenaat ichoow magahenyeti ittaawenye hiiyyassichooda icho immarah wawwahaan ꞌdiicha itadeeh. Waha la jaakh on keenaane, toro la gargaar icho hili Waakh ikhabaan mele. Wihi hili Waakh indigir ikhabo, a chirri Waakh lakakhuufo.

2 Timooti 1:5

An saggi at kakhuufnaanki rummaate Kiriisto lakakhuufo ikhabto a kasooꞌhela, iꞌdi goorat inkookotaahti Looyis layadeeh ichoow abartaahti Yuunis layadeeh ijireen u. Anna a tissiba at laka a iꞌdichooda.

Tiito 1:1

Eti khadaaba kisoochiiro a ani Baawulohi ilbooyi Waakhenye, toro la ergaano Yeesso Kiriistee. Anna a liisoobahche, ꞌdee ꞌdooꞌdi Waakh soobahsate gargaara Waakh mujjum kakhuufa, toro la wori rummaate Kiriisto miinsane jiroti Waakh ꞌdoono lajiro icho woya.

Yaakoobo 2:22

Wihi atin agartaan kakhuufnaanki us Waakh kakhuufo ichoow wihi us yeele a israaheen. Toro la wihi us yeele ka, kakhuufnaanki us Waakh kakhuufo tuume lakayeele.

2 Beetero 1:1

Khadaaba eti atin isoochiiro a ani, Siimonhi Beetero layadeeh. Ani la a falfa ichoow ergaano Yeesso Kiriisto. ꞌDooꞌdi an isoochiiro la a ꞌdooꞌdi fissanoonki Waakh ichoow koo Yeesso Kiriistohi ꞌDoorribeheene ka iꞌdenyuu rumanka kakhuufnaanki Yeesso Kiriisto lakakhuufo ꞌhele.

1 Yoohana 5:4

A mehe ꞌdooꞌdi tuummane nyaakhuti Waakhe harrata suuje a soorichaan. Saggane harrata isoorinna, Yeesso kakhuufna.

Yuuda 1:3

Aalasseeyki an weyti ꞌdoono, geeddi an wori ribnaanki inno isleegisanno miinsan atin isoochiiro kamaldi, wihi an arge a mehe ya, wohoo addane uur ikasoodihe atin isoochiira. A atin hawwaasda, kakhuufnaanki atin Kiriisto kakhuuftaane ꞌdooꞌdi Waakh maantoo kalday on dahan lagesse, jirtuu la liikanokhan hol kadowa.

Bakkaahit 13:10

Eti tuummane boolinnaan liigooche a labooliya. Eti tuummane birlab ka omoot liigooche, birlabe lakayagiis. Wihi ꞌdooꞌd Kiriisto lakaꞌdoono a ichohi garrahsati, Waakh kakhuufo.